Fact Check: ਅਦਾਕਾਰ ਰਣਬੀਰ ਕਪੂਰ ਦੇ ਫ਼ੈਨ ਦਾ ਫੋਨ ਸੁੱਟਣ ਦਾ ਵਾਇਰਲ ਵੀਡੀਓ ਇੱਕ ਸ਼ੂਟ ਦਾ ਹਿੱਸਾ ਸੀ

Fact Check Promotional Shoot Of Actor Ranbir Kapoor Shared With Misleading Claims

RSFC (Team Mohali)- ਸੋਸ਼ਲ ਮੀਡੀਆ 'ਤੇ ਪਿਛਲੇ ਦਿਨਾਂ ਫ਼ਿਲਮੀ ਅਦਾਕਾਰ ਰਣਬੀਰ ਕਪੂਰ ਦਾ ਇੱਕ ਵੀਡੀਓ ਖੂਬ ਚਰਚਾ ਦਾ ਵਿਸ਼ਾ ਰਿਹਾ। ਇਸ ਵੀਡੀਓ ਵਿਚ ਅਦਾਕਾਰ ਸੈਲਫੀ ਲੈਣ ਆਏ ਆਪਣੇ ਫ਼ੈਨ ਦਾ ਫੋਨ ਸੁੱਟ ਦਿੰਦੇ ਹਨ। ਇਸ ਵੀਡੀਓ ਨੂੰ ਵਾਇਰਲ ਕਰਦਿਆਂ ਰਣਬੀਰ ਕਪੂਰ ਦੇ ਵਿਵਹਾਰ 'ਤੇ ਨਿਸ਼ਾਨੇ ਸਾਧੇ ਜਾ ਰਹੇ ਹਨ।

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਇੱਕ ਸ਼ੂਟ ਦਾ ਹਿੱਸਾ ਸੀ। ਇੱਕ ਸ਼ੂਟ ਦੇ ਹਿੱਸੇ ਨੂੰ ਵਾਇਰਲ ਕਰਦਿਆਂ ਰਣਬੀਰ ਕਪੂਰ 'ਤੇ ਨਿਸ਼ਾਨੇ ਸਾਧੇ ਗਏ।

ਵਾਇਰਲ ਪੋਸਟ 

ਸੋਸ਼ਲ ਮੀਡੀਆ 'ਤੇ ਇਸ ਵੀਡੀਓ ਨੂੰ ਵਾਇਰਲ ਨਾ ਸਿਰਫ ਆਮ ਜਨਤਾ ਨੇ ਕੀਤਾ ਬਲਕਿ ਕਈ ਨਾਮਵਰ ਮੀਡੀਆ ਅਦਾਰਿਆਂ ਵੱਲੋਂ ਇਸਨੂੰ ਵਾਇਰਲ ਕੀਤਾ ਗਿਆ।

ਅਜਿਹੇ ਹੀ ਲਿੰਕ ਇਥੇ, ਇਥੇ ਅਤੇ ਇਥੇ ਕਲਿਕ ਕਰ ਵੇਖੇ ਜਾ ਸਕਦੇ ਹਨ।

ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਕੀਵਰਡ ਸਰਚ ਜਰੀਏ ਮਾਮਲੇ ਨੂੰ ਲੈ ਕੇ ਖਬਰਾਂ ਲੱਭਣੀਆਂ ਸ਼ੁਰੂ ਕੀਤੀਆਂ।

ਵਾਇਰਲ ਵੀਡੀਓ ਸ਼ੂਟ ਦਾ ਹਿੱਸਾ ਹੈ

ਸਾਨੂੰ ਇਸ ਵੀਡੀਓ ਨੂੰ ਲੈ ਕੇ ਕਈ ਖਬਰਾਂ ਮਿਲੀਆਂ। ਕਈ ਖਬਰਾਂ ਵਿਚ ਇਸਨੂੰ ਇੱਕ ਸ਼ੂਟ ਦਾ ਹਿੱਸਾ ਦੱਸਿਆ ਹੈ। India Today ਦੀ ਰਿਪੋਰਟ ਮੁਤਾਬਕ ਇਹ ਵੀਡੀਓ ਇੱਕ ਪ੍ਰਮੋਸ਼ਨਲ ਸ਼ੂਟ ਦਾ ਹਿੱਸਾ ਹੋ ਸਕਦਾ ਦੱਸਿਆ ਗਿਆ ਅਤੇ NDTV ਦੀ ਇੱਕ ਰਿਪੋਰਟ ਵਿਚ ਸਾਫ ਕੀਤਾ ਗਿਆ ਕਿ ਇਹ ਇੱਕ ਸ਼ੂਟ ਦਾ ਹਿੱਸਾ ਸੀ।

NDTV ਨੇ ਇਸ ਮਾਮਲੇ ਨੂੰ ਲੈ ਕੇ 28 ਜਨਵਰੀ 2023 ਨੂੰ ਖਬਰ ਪ੍ਰਕਾਸ਼ਿਤ ਕਰਦਿਆਂ ਸਿਰਲੇਖ ਲਿਖਿਆ, "Did Ranbir Kapoor Throw Fan's Phone Out Of Anger? Here's The Truth"

ਇਸ ਖਬਰ ਵਿਚ ਉਨ੍ਹਾਂ ਨੇ ਇਲਕੇਟਰੋਨਿਕ ਉਪਕਾਰਾਂ ਦੀ ਕੰਪਨੀ Oppo ਦਾ ਟਵੀਟ ਇਸਤੇਮਾਲ ਕੀਤਾ ਗਿਆ ਜਿਸਦੇ ਵਿਚ ਸਮਾਨ ਵਿਅਕਤੀ ਅਤੇ ਦ੍ਰਿਸ਼ ਵੇਖੇ ਜਾ ਸਕਦੇ ਸੀ। ਇਸ ਖਬਰ ਵਿਚ ਸਾਫ ਦੱਸਿਆ ਗਿਆ ਕਿ ਵਾਇਰਲ ਵੀਡੀਓ Oppo Reno8 T5G ਮੋਬਾਈਲ ਫੋਨ ਦਾ ਪ੍ਰਮੋਸ਼ਨਲ ਵੀਡੀਓ ਸੀ ਜਿਸਨੂੰ ਲੋਕਾਂ ਨੇ ਅਸਲ ਦੱਸਕੇ ਰਣਬੀਰ ਕਪੂਰ 'ਤੇ ਨਿਸ਼ਾਨੇ ਸਾਧੇ।

ਇਸ ਟਵੀਟ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।

ਇਸ ਜਾਣਕਾਰੀ ਨੂੰ ਧਿਆਨ ਵਿਚ ਰੱਖਦਿਆਂ ਹੋਰ ਸਰਚ ਕਰਨ 'ਤੇ ਸਾਨੂੰ Instagram ਅਕਾਊਂਟ Viral Bhayani 'ਤੇ ਇਸ ਸ਼ੂਟ ਦਾ ਪੂਰਾ ਵੀਡੀਓ ਅਪਲੋਡ ਮਿਲਿਆ। ਇਸ ਵੀਡੀਓ ਵਿਚ ਸਾਫ ਦੇਖਿਆ ਜਾ ਸਕਦਾ ਹੈ ਕਿ ਰਣਬੀਰ ਕਪੂਰ ਜਿਸ ਵਿਅਕਤੀ ਦਾ ਫੋਨ ਸੁੱਟਦੇ ਨੇ ਉਸਨੂੰ ਓਪਪੋੜਾ ਨਵਾਂ ਫੋਨ ਗਿਫਟ ਕਰ ਦਿੰਦੇ ਨੇ।

ਵਾਇਰਲ ਵੀਡੀਓ ਅਤੇ ਅਸਲ ਸ਼ੂਟ ਦੇ ਕੋਲਾਜ ਨੂੰ ਹੇਠਾਂ ਵੇਖਿਆ ਜਾ ਸਕਦਾ ਹੈ। ਕੋਲਾਜ ਤੋਂ ਸਾਫ ਹੁੰਦਾ ਹੈ ਕਿ ਵੀਡੀਓ ਇੱਕ ਪ੍ਰਮੋਸ਼ਨਲ ਸ਼ੂਟ ਦਾ ਹਿੱਸਾ ਸੀ ਨਾ ਕਿ ਕੋਈ ਅਸਲ ਘਟਨਾ।

ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਇੱਕ ਸ਼ੂਟ ਦਾ ਹਿੱਸਾ ਸੀ। ਇੱਕ ਸ਼ੂਟ ਦੇ ਹਿੱਸੇ ਨੂੰ ਵਾਇਰਲ ਕਰਦਿਆਂ ਰਣਬੀਰ ਕਪੂਰ 'ਤੇ ਨਿਸ਼ਾਨੇ ਸਾਧੇ ਗਏ।