ਖੀਰੇ ਦੀ ਖੇਤੀ ਨੇ ਸੁਰਜੀਤ ਸਿੰਘ ਦੇ ਕੀਤੇ ਵਾਰੇ-ਨਿਆਰੇ,ਬੇਮੌਸਮੀ ਕਾਸ਼ਤ ਜ਼ਰੀਏ ਕਮਾ ਰਿਹੈ ਲੱਖਾਂ ਰੁਪਏ
ਜਿੱਥੇ ਇਕ ਪਾਸੇ ਨੌਜਵਾਨ ਖੇਤੀਬਾੜੀ ਨੂੰ ਛੱਡ ਕੇ ਵਾਇਟ ਕੌਲਰ ਵਾਲੀ ਨੌਕਰੀ ਦੇ ਪਿੱਛੇ ਭੱਜ ਰਹੇ ਹਨ
ਕਰਨਾਲ- ਜਿੱਥੇ ਇਕ ਪਾਸੇ ਨੌਜਵਾਨ ਖੇਤੀਬਾੜੀ ਨੂੰ ਛੱਡ ਕੇ ਵਾਇਟ ਕੌਲਰ ਵਾਲੀ ਨੌਕਰੀ ਦੇ ਪਿੱਛੇ ਭੱਜ ਰਹੇ ਹਨ। ਨੌਜਾਵਾਨ ਸੋਚ ਰਹੇ ਹਨ ਕੀ ਖੇਤੀਬਾੜੀ ਵਿੱਚ ਜ਼ਿਆਦਾ ਕਮਾਈ ਨਹੀਂ ਹੈ। ਉੱਥੇ ਹੀ ਇਕ ਕਿਸਾਨ ਖੇਤੀ ਰਾਹੀਂ ਹੀ ਲੱਖਾਂ ਦੀ ਕਮਾਈ ਕੀਤੀ ਹੈ। ਜੀ ਹਾਂ ਅਸੀਂ ਗੱਲ ਕਰ ਰਹੇ ਹਾਂ ਕਰਨਾਲ ਦੇ ਕਿਸਾਨ ਸੁਰਜੀਤ ਸਿੰਘ ਦੀ, ਜੋ ਖੀਰੇ ਦੀ ਖੇਤੀ ਰਾਹੀਂ ਲੱਖਾਂ ਰੁਪਏ ਕਮਾ ਰਿਹਾ ਹੈ। ਸੁਰਜੀਤ ਸਿੰਘ ਆਧੁਨਿਕ ਟੈਕਨਾਲੋਜੀ ਦੇ ਨਾਲ, ਸ਼ੈਡਨੇਟ ਹਾਉਸ ਵਿੱਚ ਖੀਰੇ ਅਤੇ ਕੈਪਸਿਕਮ ਦੀ ਖੇਤੀ ਕਰ ਰਿਹਾ ਹੈ।
ਉਸਨੇ ਦੱਸਿਆ ਕਿ ਸ਼ੈੱਡਨੇਟ ਹਾਉਸ ਵਿੱਚ ਖੇਤੀ ਦੇ ਬਹੁਤ ਸਾਰੇ ਫਾਇਦੇ ਹਨ। ਜਿਸ ਵਿਚ ਇਕ ਤਾਂ ਤੁਸੀਂ ਬੇ-ਮੌਸਮੀ ਸਬਜ਼ੀਆਂ ਦੀ ਖੇਤੀ ਕਰ ਸਕਦੇ ਹੋ। ਨਾਲ ਹੀ ਇਹ ਕੀਟ-ਰੋਗਾਂ ਦੇ ਘੱਟ ਫੈਲਣ ਦਾ ਕਾਰਨ ਬਣਦਾ ਹੈ। ਅਤੇ ਅਜਿਹੀਆਂ ਫਸਲਾਂ ਤੋਂ, ਤੁਸੀਂ ਘੱਟ ਰਕਬੇ ਤੋਂ ਉੱਚ ਗੁਣਵੱਤਾ ਵਾਲੀਆਂ ਉਤਪਾਦਾਂ ਨੂੰ ਪ੍ਰਾਪਤ ਕਰ ਸਕਦੇ ਹੋ। ਸੁਰਜੀਤ ਸਿੰਘ ਨੇ ਦੱਸਿਆ ਕਿ ਇੱਕ ਸਾਲ ਵਿੱਚ ਉਸਨੇ 300 ਕੁਇੰਟਲ ਖੀਰੇ ਪੈਦਾ ਕੀਤੇ। ਅਤੇ ਉਸ ਨੂੰ ਬਾਜ਼ਾਰ ਵਿੱਚ 24 ਰੁਪਏ ਪ੍ਰਤੀ ਕਿੱਲੋ ਇਸ ਦੀ ਕੀਮਤ ਮਿਲੀ।
ਇਸ ਤਰ੍ਹਾਂ ਉਸ ਦੀ ਕੁਲ ਆਮਦਨੀ 7 ਲੱਖ 20 ਹਜ਼ਾਰ ਰੁਪਏ ਸੀ। ਜਦੋਂ ਕਿ ਇਸ ਫਸਲ ਦੇ ਉਤਪਾਦਣ ਵਿੱਚ ਉਸ ਦੇ ਤਕਰੀਬਨ 2.5 ਲੱਖ ਰੁਪਏ ਖਰਚਾ ਹੋਏ ਹਨ। ਅਤੇ ਉਨ੍ਹਾਂ ਨੂੰ ਸੀਧਾ 4.70 ਲੱਖ ਰੁਪਏ ਦਾ ਲਾਭ ਹੋਇਆ ਹੈ। ਸੁਰਜੀਤ ਸਿੰਘ ਨੇ ਦੱਸਿਆ ਕਿ ਬਹੁਤ ਸਾਰੇ ਫਾਇਦੇ ਦੇਖਦੇ ਹੋਏ, ਉਸਨੇ ਸਾਲ 2013 ਵਿੱਚ 2 ਏਕੜ ਵਿੱਚ ਨੈੱਟ ਹਾਉਸ ਫਾਰਮਿੰਗ ਸ਼ੁਰੂ ਕੀਤੀ। ਅਤੇ ਹੁਣ 10 ਏਕੜ ‘ਤੇ ਨੈੱਟ ਹਾਉਸ ਫਾਰਮਿੰਗ ਕਰ ਰਹੇ ਹਨ। ਉਸਨੇ ਸ਼ੈਡਨੇਟ ਹਾਉਸ ਵਿਚ 25 ਸਤੰਬਰ 2019 ਨੂੰ ਖੀਰੇ ਲਗਾਏ ਸਨ।
ਜਿਸ ਵਿਚ ਕਤਾਰ ਤੋਂ ਕਤਾਰ 30 ਸੈਂਟੀਮੀਟਰ ਰੱਖੀ ਗਈ ਸੀ ਅਤੇ ਪੌਦੇ ਤੋਂ ਪੌਦੇ ਦੀ ਦੂਰੀ 45 ਸੈਂਟੀਮੀਟਰ ਰੱਖੀ ਗਈ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਪਾਣੀ ਦੀ ਬਚਤ ਅਤੇ ਪੌਸ਼ਟਿਕ ਤੱਤਾਂ ਦੀ ਸਹੀ ਵਰਤੋਂ ਲਈ ਡਰਿਪ ਪ੍ਰਣਾਲੀ ਨੂੰ ਅਪਣਾਇਆ ਹੈ। ਫ਼ਸਲ ਤੋਂ ਚੰਗਾ ਝਾੜ ਪ੍ਰਾਪਤ ਕਰਨ ਲਈ ਸੰਤੁਲਿਤ ਪੌਸ਼ਟਿਕ ਤੱਤਾਂ ਦੀ ਵਰਤੋਂ ਬਹੁਤ ਮਹੱਤਵਪੂਰਨ ਹੈ।
ਇਸ ਲਈ ਸੁਰਜੀਤ ਸਿੰਘ ਫਸਲ ਵਿੱਚ 19:19:19 ਖਾਦ 3 ਕਿਲੋ, 12:61:00 ਖਾਦ 3 ਕਿਲੋ, 13:00:45 ਖਾਦ 2 ਕਿਲੋ, ਕੈਲਸੀਅਮ ਨਾਈਟ੍ਰੇਟ. 4 ਕਿਲੋ, ਮੈਗਨੀਸ਼ੀਅਮ ਸਲਫੇਟ 3 ਕਿਲੋ, 00:00:50 ਖਾਦ 3 ਕਿਲੋ, ਹਫ਼ਤੇ ਵਿਚ 1 ਵਾਰ ਪਾਉਣਦੇ ਹਨ। ਫਸਲ ਵਿਚ ਹਫ਼ਤੇ ਵਿਚ ਦੋ ਤੋਂ ਤਿੰਨ ਵਾਰ ਪਾਣੀ ਦਿੰਦੇ ਹਨ।