ਦਿਵਾਲੀ 'ਤੇ ਘਰ 'ਚ ਬਣਾਓ ਰੰਗ ਬਿਰੰਗੀ ਮੋਮਬੱਤੀਆਂ
ਦਿਵਾਲੀ ਦੇ ਕੁੱਝ ਦਿਨ ਪਹਿਲਾਂ ਹੀ ਮਾਰਕੀਟ ਵਿਚ ਰੰਗ - ਬਿਰੰਗੀ ਅਤੇ ਸੁਗੰਧਿਤ ਮੋਮਬੱਤੀਆਂ ਦਿਸਣ ਨੂੰ ਮਿਲਦੀਆਂ ਹਨ। ਮੋਮਬੱਤੀਆਂ ਦਿਸਣ ਵਿਚ ਜਿੰਨੀ ਖੂਬਸੂਰਤ ...
ਦਿਵਾਲੀ ਦੇ ਕੁੱਝ ਦਿਨ ਪਹਿਲਾਂ ਹੀ ਮਾਰਕੀਟ ਵਿਚ ਰੰਗ - ਬਿਰੰਗੀ ਅਤੇ ਸੁਗੰਧਿਤ ਮੋਮਬੱਤੀਆਂ ਦਿਸਣ ਨੂੰ ਮਿਲਦੀਆਂ ਹਨ। ਮੋਮਬੱਤੀਆਂ ਦਿਸਣ ਵਿਚ ਜਿੰਨੀ ਖੂਬਸੂਰਤ ਹੁੰਦੀਆਂ ਹਨ, ਮਹਿੰਗੀਆਂ ਵੀ ਓਨੀ ਹੀ ਹੁੰਦੀਆਂ ਹਨ। ਅਜਿਹੇ ਵਿਚ ਬਿਹਤਰ ਆਪਸ਼ਨ ਹੈ ਕਿ ਤੁਸੀਂ ਘਰ ਵਿਚ ਮੋਮਬੱਤੀ ਬਣਾ ਕੇ ਉਨ੍ਹਾਂ ਨੂੰ ਆਪਣੀ ਪਸੰਦ ਦੇ ਹਿਸਾਬ ਨਾਲ ਸ਼ੇਪ ਦਿਓ ਅਤੇ ਡੇਕੋਰੇਟ ਕਰੋ। ਆਓ ਜੀ ਅੱਜ ਅਸੀਂ ਤੁਹਾਨੂੰ ਘਰ ਵਿਚ ਮੋਮਬੱਤੀ ਬਣਾਉਣ ਦਾ ਆਸਾਨ ਤਰੀਕਾ ਦੱਸਦੇ ਹਾਂ ਜਿਸ ਨੂੰ ਤੁਸੀਂ ਇਸ ਦਿਵਾਲੀ ਟਰਾਈ ਕਰ ਸਕਦੇ ਹੋ।
ਸਮੱਗਰੀ - ਪੈਰਾਫਿਨ ਵੈਕਸ ਯਾਨੀ ਮੋਮ (ਜਿਨੀ ਲੋੜ ਹੋਵੇ), ਖਾਣ ਵਾਲਾ ਤੇਲ, ਹਲਕਾ ਬੱਟਾ ਹੋਇਆ ਸੂਤੀ ਧਾਗਾ, ਰੰਗ (ਕਲਰਫੁਲ ਮੋਮਬੱਤੀਆਂ ਬਣਾਉਣ ਲਈ), ਮੋਮਬਤੀ ਰੱਖਣ ਲਈ ਪਾਟ
ਬਣਾਉਣ ਦਾ ਢੰਗ :- ਪੈਰਾਫਿਨ ਵੈਕਸ ਕਿਸੇ ਬਰਤਨ ਵਿਚ ਪਾ ਕੇ ਪਿਘਲਾਉਣ ਲਈ ਰੱਖ ਦਿਓ। ਫਿਰ ਮੋਮ ਪਿਘਲਾਉਣ ਤੱਕ ਮੋਮਬੱਤੀ ਦੇ ਸਾਂਚੇ ਸਾਫ਼ ਕਰ ਲਓl ਹੁਣ ਉਸ ਸਾਂਚੇ 'ਤੇ ਕੱਪੜੇ ਜਾਂ ਰੂਈ ਦੀ ਮਦਦ ਨਾਲ ਖਾਣ ਵਾਲਾ ਤੇਲ ਲਗਾਓ, ਤਾਂਕਿ ਮੋਮ ਉਸ ਸਾਂਚੇ ਵਿਚ ਚੰਗੀ ਤਰ੍ਹਾਂ ਚਿਪਕ ਜਾਏ। ਸਾਂਚੇ ਦੇ ਹੈਂਡਲ ਵਿਚ ਧਾਗੇ ਨੂੰ ਇਕ ਸਿਰੇ ਤੋਂ ਬੰਨ੍ਹ ਕੇ ਮੋਮਬੱਤੀ ਦੇ ਬਣੇ ਸਾਂਚੇ ਦੇ ਵਿਚ ਲੈ ਜਾਂਦੇ ਹੋਏ ਹੈਂਡਲ ਵਿਚ ਧਾਗੇ ਨੂੰ ਇਕ ਸਿਰੇ ਤੋਂ ਬੰਨ੍ਹ ਲੈ ਮੋਮਬੱਤੀ ਦੇ ਬਣੇ ਸਾਂਚੇ ਦੇ ਵਿਚ ਤੋਂ ਲੈ ਜਾਂਦੇ ਹੋਏ ਹੈਂਡਲ ਵਿਚ ਬਣੇ ਗਰੁਵ ਵਿਚ ਲੈ ਜਾ ਕੇ ਲਪੇਟਦੇ ਜਾਓ।
ਇਸ ਤੋਂ ਬਾਅਦ ਪੁਰਾਣੇ ਸੂਤੀ ਕੱਪੜੇ ਨੂੰ ਗਿੱਲਾ ਕਰ ਕੇ ਜ਼ਮੀਨ ਜਾਂ ਬੈਂਚ 'ਤੇ ਵਿਛਾਓ ਅਤੇ ਫਿਰ ਉਸ ਦੇ ਉੱਤੇ ਸਾਂਚੇ ਨੂੰ ਰੱਖੋl ਇੰਨਾ ਕਰਨ ਤੱਕ ਸਾਡਾ ਮੋਮ ਪਿਘਲ ਜਾਵੇਗਾl ਹੁਣ ਖੁਰੇ ਹੋਈ ਮੋਮ ਨੂੰ ਚਮਚ ਜਾਂ ਕਟੋਰੀ ਦੀ ਸਹਾਇਤਾ ਨਾਲ ਸਾਂਚੇ ਵਿਚ ਪਾਓl ਇਸ ਤੋਂ ਬਾਅਦ ਸਾਂਚੇ ਨੂੰ ਪਾਣੀ ਨਾਲ ਭਰੀ ਬਾਲਟੀ ਵਿਚ 10 - 15 ਮਿੰਟ ਤੱਕ ਠੰਡਾ ਹੋਣ ਲਈ ਰੱਖੋ। ਸਾਂਚੇ ਨੂੰ (ਜਿਸ ਵਿਚ ਮੋਮਬੱਤੀ ਜਮ ਚੁੱਕੀ ਹੈ) ਪਾਣੀ ਵਿੱਚੋਂ ਕੱਢ ਕੇ ਸਾਂਚੇ ਦੇ ਵਿਚ ਲੱਗੇ ਧਾਗੇ ਨੂੰ ਬਲੇਡ ਜਾਂ ਕੈਂਚੀ ਨਾਲ ਕੱਟੋ।
ਸਾਂਚੇ ਦੇ ਉੱਤੇ ਦੀ ਤਰਫ ਜਮੇ ਹੋਏ ਮੋਮ ਨੂੰ ਵਿਚੋਂ ਚਾਕੂ ਨਾਲ ਕੱਟ ਕੇ ਸਾਂਚੇ ਦੇ ਦੋਨਾਂ ਹਿਸਿਆਂ ਨੂੰ ਕਲੈਪ ਖੋਲ ਕੇ ਵੱਖ ਕਰੋ। ਹੁਣ ਮੋਮਬੱਤੀਆਂ ਨੂੰ ਸਾਂਚੇ ਤੋਂ ਬਾਹਰ ਕੱਢ ਕੇ ਦੂਜੇ ਸਿਰੇ ਨੂੰ ਬਲੇਡ ਨਾਲ ਕੱਟ ਕੇ ਪਲੇਨ ਕਰੋ ਅਤੇ ਆਪਣੀ ਪਸੰਦ ਨਾਲ ਉਨ੍ਹਾਂ ਨੂੰ ਕੋਈ ਵੀ ਸ਼ੇਪ ਦਿਓ। ਜੇਕਰ ਤੁਸੀ ਮੋਮਬੱਤੀਆਂ ਨੂੰ ਰੰਗ ਬਿਰੰਗਾ ਬਣਾਉਣਾ ਚਾਹੁੰਦੇ ਹੋ ਤਾਂ ਮਾਰਕੀਟ ਵਿਚ ਇਸ ਦੇ ਲਈ ਰੰਗੀਨ ਮੋਮ ਦਾ ਇਸਤੇਮਾਲ ਕਰ ਸਕਦੇ ਹੋ। ਇਸ ਕਲਰਫੁਲ ਮੋਮ ਨੂੰ ਕੱਟ ਕੇ ਪਿਘਲਾ ਲਓ। ਉਂਜ ਤੁਹਾਨੂੰ ਬਾਜ਼ਾਰ ਵਿਚ ਮੋਮ ਦੇ ਰੰਗ ਵੀ ਉਪਲੱਬਧ ਹੋ ਜਾਣਗੇ।
ਕੈਂਡਲ ਬਣਾਉਂਦੇ ਸਮੇਂ ਵਰਤੋਂ ਇਹ ਸਾਵਧਾਨੀਆਂ - ਸਾਂਚੇ ਵਿਚ ਧਾਗਾ ਕਸ ਕੇ ਲਪੇਟਨਾ ਚਾਹੀਦਾ ਹੈl ਪਾਣੀ ਨਾਲ ਭਰੀ ਬਾਲਟੀ ਵਿਚ ਸਾਂਚੇ ਨੂੰ ਜਿਆਦਾ ਤੋਂ ਜਿਆਦਾ ਡਬੋ ਦਿਓ, ਉਸ ਨੂੰ ਡੁਬਣ ਨਾ ਦਿਓ। ਮੋਮ ਨੂੰ ਗੈਸ 'ਤੇ ਰੱਖ ਕੇ ਕੇਵਲ ਪਿਘਲਾਓ, ਨਾ ਕਿ ਉਬਲਣੀ ਚਾਹੀਦੀ ਹੈ।