Attractive look to small bedroom

ਜੇਕਰ ਤੁਹਾਡਾ ਬੈਡਰੂਮ ਛੋਟਾ ਹੈ ਤਾਂ ਨਿਰਾਸ਼ ਨਾ ਹੋਵੋ। ਹਾਲਾਂਕਿ ਇਸ ਨੂੰ ਬਿਹਤਰ ਅਤੇ ਵੱਡਾ ਲੁੱਕ ਦੇਣਾ ਕਿਸੇ ਚੁਣੋਤੀ ਤੋਂ ਘੱਟ ਨਹੀਂ ਹੈ, ਫਿਰ ਵੀ ਤੁਸੀਂ ਕੁੱਝ ਪਲਾਨਿੰਗ ਅਤੇ ਬਦਲਾਅ ਲਿਆ ਕੇ ਇਸ ਨੂੰ ਆਕਰਸ਼ਕ ਅਤੇ ਵੱਡਾ  ਦਿਖਣ ਲਾਇਕ ਬਣਾ ਸਕਦੇ ਹੋ। ਬਿਹਤਰ ਸਟੋਰੇਜ ਅਤੇ ਬਹੁਉਪਯੋਗੀ ਫਰਨੀਚਰ ਦੀ ਵਰਤੋਂ ਨਾਲ ਤੁਹਾਡਾ ਕੰਮ ਸੌਖਾ ਹੋ ਜਾਵੇਗਾ। 

ਬੇਲੌੜਾ ਫਰਨੀਚਰ ਹਟਾਓ : ਜੇਕਰ ਕਿਸੇ ਫਰਨੀਚਰ ਦੀ ਬੈਡਰੂਮ ਵਿਚ ਕੋਈ ਲੋੜ ਨਾ ਹੋਵੇ ਤਾਂ ਉਸ ਨੂੰ ਜ਼ਰੂਰ ਹਟਾ ਦਿਓ। ਤੁਹਾਡਾ ਕਮਰਾ ਵੱਡਾ ਦਿਖਣ ਲੱਗੇਗਾ।

ਸਮਾਨ ਨੂੰ ਤਰੀਕੇ ਨਾਲ ਰੱਖੋ : ਜ਼ਿਆਦਾ ਸਮਾਨ ਰੱਖਣ ਨਾਲ ਕਮਰਾ ਭਰਿਆ-ਭਰਿਆ ਅਤੇ ਅੱਗੜ ਦੁਗੜ ਦਿਸਦਾ ਹੈ। ਨਾਲ ਹੀ ਤੁਹਾਡੀ ਨਜ਼ਰਾਂ ਇਕ ਚੀਜ਼ ਤੋਂ ਦੂਜੀ ਉਤੇ ਘੁੰਮਦੀ ਰਹਿੰਦੀਆਂ ਹਨ। ਅਜਿਹੇ ਵਿਚ ਬਿਹਤਰ ਹੈ ਕੁੱਝ ਅਜਿਹਾ ਲੁਭਾਵਣਾ ਸਮਾਨ ਸੰਗਠਿਤ ਕਰ ਰੱਖੋ ਜਿਸ ਉਤੇ ਨਜ਼ਰਾਂ ਅਪਣੇ ਆਪ ਹੀ ਆਕਰਸ਼ਿਤ ਹੋਣ।

ਖਿੜਕੀ ਦਾ ਬਿਹਤਰ ਇਸਤੇਮਾਲ : ਤੁਸੀਂ ਅਪਣੇ ਬੈਡ ਨੂੰ ਖਿਡ਼ਕੀ ਤੋਂ ਹਟਾ ਕੇ ਰੱਖ ਸਕਦੇ ਹੋ। ਇਸ ਨਾਲ ਤੁਹਾਡਾ ਕਮਰਾ ਬਹੁਤ ਦਿਖੇਗਾ ਅਤੇ ਕੁੱਝ ਫਾਲਤੂ ਖਾਲੀ ਜਗ੍ਹਾ ਮਿਲੇਗੀ। ਬੈਡ ਕਮਰੇ ਦੇ ਵਿਚ ਰੱਖਣ ਨਾਲ ਉਸ ਦੇ ਆਸ-ਪਾਸ ਦੀ ਕੁੱਝ ਜਗ੍ਹਾ ਬੇਕਾਰ ਹੋ ਜਾਂਦੀ ਹੈ। ਇਸ ਤੋਂ ਇਲਾਵਾ ਸਵੇਰੇ ਤੁਹਾਨੂੰ ਸਮਰੱਥ ਰੋਸ਼ਨੀ ਵੀ ਮਿਲੇਗੀ। ਤੁਸੀਂ ਖਿਡ਼ਕੀ ਵਿਚ ਬਲਾਈਂਡਸ, ਲੇਸ ਜਾਂ ਵੌਇਲ ਦੇ ਪਰਦੇ ਲਗਾ ਕੇ ਜਦੋਂ ਚਾਹੋ ਰੋਸ਼ਨੀ ਘੱਟ ਜਾਂ ਬੰਦ ਕਰ ਸਕਦੇ ਹੋ। 

ਕਸਟਮ ਮੇਡ ਫਰਨੀਚਰ : ਸਟੈਂਡਰਡ ਫਰਨੀਚਰ ਦੀ ਜਗ੍ਹਾ ਤੁਸੀਂ ਅਪਣੇ ਕਮਰੇ ਦੇ ਸਾਈਜ਼ ਦੇ ਮੁਤਾਬਕ ਬੈਡ ਅਤੇ ਹੋਰ ਫਰਨੀਚਰ ਬਣਵਾਓ।