ਥੋੜਾ ਜਿਹਾ ਮੌਸਮ ਠੰਡਾ ਹੋਣ ਤੇ ਜਾ ਬਾਰਿਸ਼ ਦੇ ਮੌਸਮ 'ਚ ਕੁਝ ਨਾ ਕੁਝ ਗਰਮਾ-ਗਰਮ ਖਾਣ ਜਾਂ ਪੀਣ ਦਾ ਮਨ ਕਰਦਾ ਹੈ। ਜੇ ਤੁਸੀਂ ਵੀ ਚਾਹ ਜਾਂ ਕੌਫੀ ਦੀ ਥਾਂ 'ਤੇ ਕੁਝ ਵੱਖਰਾ ਪੀਣ ਬਾਰੇ ਸੋਚ ਰਹੇ ਹੋ ਤਾਂ ਤੁਸੀਂ ਕਸ਼ਮੀਰੀ ਕਾੜ੍ਹਾ ਬਣਾ ਕੇ ਵੀ ਪੀ ਸਕਦੇ ਹੋ। ਇਹ ਬਣਾਉਣ 'ਚ ਆਸਾਨ ਅਤੇ ਪੀਣ 'ਚ ਵੀ ਬੇਹੱਦ ਸੁਆਦੀ ਹੁੰਦਾ ਹੈ। 

ਸਮੱਗਰੀ - ਪਾਣੀ 440 ਮਿਲੀਲੀਟਰ, ਦਾਲਚੀਨੀ ਸਟਿਕ 2, ਲੌਂਗ 5, ਗ੍ਰੀਨ ਇਲਾਇਚੀ 4, ਕੇਸਰ 1/2 ਚਮਚ, ਚਾਹ 1 ਵੱਡਾ ਚਮਚ, ਬਾਦਾਮ 50 ਗ੍ਰਾਮ ਗਾਰਨਿਸ਼ਿੰਗ ਲਈ

ਬਣਾਉਣ ਦੀ ਵਿਧੀ - ਘੱਟ ਗੈਸ 'ਤੇ ਇਕ ਪੈਨ 'ਚ 440 ਮਿਲੀਲੀਟਰ ਪਾਣੀ ਗਰਮ ਕਰੋ। ਫਿਰ ਇਸ 'ਚ 2 ਦਾਲਚੀਨੀ ਸਟਿਕ 5 ਲੌਂਗ, 4 ਗ੍ਰੀਨ ਇਲਾਇਚੀ,1/2 ਛੋਟਾ ਚਮਚ ਕੇਸਰ ਮਿਲਾ ਕੇ 3 ਤੋਂ 4 ਮਿੰਟ ਤਕ ਉਬਾਲ ਲਓ। ਇਸ ਤੋਂ ਬਾਅਦ ਇਸ 'ਚ 1 ਵੱਡਾ ਚੱਮਚ ਚਾਹ, 50 ਗ੍ਰਾਮ ਖੰਡ ਪਾ ਕੇ ਚੰਗੀ ਤਰ੍ਹਾਂ ਨਾਲ ਮਿਲਾਓ ਅਤੇ ਇਸ ਨੂੰ ਉਬਾਲ ਲਓ। ਫਿਰ ਇਸ ਨੂੰ ਇਕ ਕੱਪ 'ਚ ਪਾ ਕੇ ਇਸ ਨੂੰ ਬਾਦਾਮ ਅਤੇ ਕੇਸਰ ਦੇ ਨਾਲ ਗਾਰਨਿਸ਼ ਕਰੋ। ਤੁਹਾਡਾ ਕਸ਼ਮੀਰੀ ਕਾੜ੍ਹਾ ਤਿਆਰ ਹੈ ਇਸ ਨੂੰ ਸਰਵ ਕਰੋ।