ਨਵੀਂ ਦਿੱਲੀ : ਵੱਡੇ ਸ਼ਹਿਰਾਂ ਵਿਚ ਫਾਸਟ ਫੂਡ ਖਾਣ ਦਾ ਰੁਝਾਨ ਵਧਦਾ ਹੀ ਜਾ ਰਿਹਾ ਹੈ। ਇਹ ਸ਼ੌਕ ਬੱਚਿਆਂ ਦੀ ਸਿਹਤ ਤੇ ਮਾੜਾ ਪ੍ਰਭਾਵ ਪਾ ਰਿਹਾ ਹੈ ਅਤੇ ਬੱਚਿਆਂ ਵਿਚ ਮੋਟਾਪਾ ਵੀ ਵਧ ਰਿਹਾ ਹੈ। ਫਾਸਟ ਫੂਡ ਵਿਚ ਵਿਟਾਮਿਨ ਨਾ ਦੇ ਬਰਾਬਰ ਹੁੰਦੇ ਹਨ।ਇਕ ਖ਼ੋਜ ‘ਚ ਪਤਾ ਲੱਗਿਆ ਹੈ ਕਿ 19 ਤੋਂ 20% ਬੱਚਿਆਂ ‘ਚ ਇਹ ਮੋਟਾਪਾ ਦੇਖਿਆ ਗਿਆ ਹੈ। 

ਉਨ੍ਹਾਂ ਮੁਤਾਬਕ ਇਸ ਦਾ ਜ਼ਿਆਦਾ ਸੇਵਨ ਕਰਨ ਨਾਲ ਉਹ ਜ਼ਿਆਦਾ ਆਲਸੀ ਬਣਦੇ ਜਾ ਰਹੇ ਹਨ ਤੇ ਉਹ ਖੇਡਾਂ ‘ਚ ਘੱਟ ਰੁਚੀ ਰੱਖਦੇ ਹਨ। ਉਹ ਘਰਾਂ ਤੋਂ ਬਾਹਰ ਨਿਕਲਣ ਦੀ ਵੀ ਹਿਮੰਤ ਨਹੀਂ ਕਰਦੇ। ਇਹ ਸਾਰੇ ਲੱਛਣ ਉਨ੍ਹਾਂ ‘ਚ ਫਾਸਟ ਫੂਡ ਜ਼ਿਆਦਾ ਖਾਣ ਕਰਕੇ ਵੱਧ ਰਹੇ ਹਨ। ਜ਼ਿਆਦਾ ਫਾਸਟ ਫੂਡ ਖਾਣ ਨਾਲ ਲੀਵਰ ਕਮਜ਼ੋਰ ਹੁੰਦਾ ਹੈ ਤੇ ਫਾਸਟ ਫੂਡ ਖਾਣ ਨਾਲ ਬੱਚਿਆਂ ਦਾ ਦਿਮਾਗ ਕਮਜ਼ੋਰ ਹੋਣ ਲਗਦਾ ਹੈ।

ਜਿਸ ਕਰਕੇ ਉਹ ਆਪਣੀ ਪੜ੍ਹਾਈ ਵੱਲ ਪੂਰੀ ਤਰ੍ਹਾਂ ਧਿਆਨ ਨਹੀਂ ਦੇ ਪਾਉਂਦੇ।ਫਾਸਟ ਫੂਡ ਨਾਲ ਮੋਟਾਪੇ ਦੀ ਸਮੱਸਿਆ ਵੱਧਣੀ ਸ਼ੁਰੂ ਹੋ ਜਾਂਦੀ ਹੈ। ਸਰੀਰ ‘ਚ ਜ਼ਿਆਦਾ ਕੈਲੋਰੀ ਦੀ ਵਜ੍ਹਾ ਨਾਲ ਵੀ ਦਿਲ ਦੀਆਂ ਬੀਮਾਰੀਆਂ ਲੱਗਣ ਦਾ ਖਤਰਾ ਰਹਿੰਦਾ ਹੈ।ਫਾਸਟ ਫੂਡ ਨਾਲ ਬੱਚਿਆਂ ‘ਚ ਡਾਇਬਟੀਜ਼ ਦੀ ਸਮੱਸਿਆ ਵੀ ਵੱਧ ਰਹੀ ਹੈ। ਬੱਚਿਆਂ ‘ਚ ਵੱਧ ਤੋਂ ਵੱਧ ਖੇਡਣ ਦੀ ਆਦਤ ਪਾਉਣੀ ਬਹੁਤ ਜ਼ਰੂਰੀ ਹੈ ਤਾਂ ਜੋ ਉਨ੍ਹਾਂ ਦੇ ਸਰੀਰ ‘ਚ ਵੱਧ ਰਿਹਾ ਮੋਟਾਪਾ ਅਤੇ ਬਿਮਾਰੀਆਂ ਘੱਟ ਜਾਣ ।