China Plans To Send 100 Satellites

ਬੀਜਿੰਗ: ਚੀਨ ਸਾਲ 2025 ਤਕ ਸਪੇਸ ਵਿਚ ਕਰੀਬ 100 ਉਪਗ੍ਰਹਿ ਲਾਂਚ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਇਹ ਉਪਗ੍ਰਹਿ ਸਪੇਸ ਦੀ ਸ੍ਰੇਣੀ ਵਿਚ ਪਹਿਲਾਂ ਤੋਂ ਮੌਜੂਦ 100 ਤੋਂ ਵੱਧ ਉਪਗ੍ਰਹਿਆਂ ਦੇ ਇਲਾਵਾ ਹੋਣਗੇ। ਚੀਨ ਰਾਸ਼ਟਰੀ ਪੁਲਾੜ ਪ੍ਰਸ਼ਾਸਨ ਦੇ ਇਕ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿਤੀ। ਵਿਸ਼ਵ ਆਰਥਿਕ ਮੰਚ ਦੇ ਅੰਕੜਿਆਂ ਮੁਤਾਬਕ 2022 ਤੱਕ ਅਪਣਾ ਸਪੇਸ ਸਟੇਸ਼ਨ ਬਣਾਉਣ ਦੀ ਯੋਜਨਾ ਨਾਲ ਸਪੇਸ ਤਕਨਾਲੋਜੀ ਵਿਚ ਵੱਡੇ ਪੱਧਰ 'ਤੇ ਨਿਵੇਸ਼ ਕਰ ਰਹੇ ਚੀਨ ਦੇ ਪੁਲਾੜ ਵਿਚ ਫਿਲਹਾਲ ਕਰੀਬ 280 ਉਪਗ੍ਰਹਿ ਮੌਜੂਦ ਹਨ ਜਦਕਿ ਇਸ ਦੀ ਤੁਲਨਾ ਵਿਚ ਭਾਰਤ ਦੇ ਪਿਛਲੇ ਸਾਲ ਨਵੰਬਰ ਤਕ ਸਿਰਫ 54 ਉਪਗ੍ਰਹਿ ਪੁਲਾੜ ਵਿਚ ਸਨ।

ਸਪੇਸ ਵਿਚ 830 ਉਪਗ੍ਰਹਿਆਂ ਦੇ ਨਾਲ, ਅਮਰੀਕਾ ਇਸ ਦੌੜ ਵਿਚ ਸਭ ਤੋਂ ਅੱਗੇ ਹੈ। ਸਰਕਾਰੀ  ‘ਗਲੋਬਲ ਟਾਈਮਜ਼’ ਨੇ ਚੀਨ ਦੇ ਰਾਸ਼ਟਰੀ ਪੁਲਾੜ ਪ੍ਰਸ਼ਾਸਨ ਦੇ ਇਕ ਅਧਿਕਾਰੀ ਯੂ ਕਈ ਦੇ ਹਵਾਲੇ ਨਾਲ ਕਿਹਾ ਕਿ ਚੀਨ ਨੇ ਸਪੇਸ ਤਕਨਾਲੋਜੀ ਵਿਚ ਸਫਲਤਾ ਦੇ ਨਾਲ ਪੁਲਾੜ ਅਰਥ ਵਿਵਸਥਾ ਤੇਜ਼ ਕਰਨ ਲਈ ਮੌਲਿਕ ਅਤੇ ਯੋਗ ਮਾਹੌਲ ਤਿਆਰ ਕੀਤਾ ਹੈ। ਉਹਨਾਂ ਨੇ ਕਿਹਾ ਕਿ ਚੀਨ ਨੇ 2018 ਵਿਚ 39 ਲਾਂਚ ਮਿਸ਼ਨਾਂ ਦੇ ਨਾਲ ਰਿਕਾਰਡ ਬਣਾਇਆ ਅਤੇ ਵਿਸ਼ਵ ਵਿਚ ਸਭ ਤੋਂ ਜ਼ਿਆਦਾ ਲਾਂਚ ਵਾਲੀ ਸੂਚੀ ਵਿਚ ਪਹਿਲੇ ਸਥਾਨ ‘ਤੇ ਹੈ।