Neralink

ਚੰਡੀਗੜ੍ਹ: ਮਰੀਜ਼ਾਂ ਦੀਆਂ ਸਮੱਸਿਆਵਾਂ ਵੱਲੋਂ ਧਿਆਨ ਦਿੰਦਿਆਂ SpaceX ਅਤੇ Tesla ਕੰਪਨੀ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਐਲੋਨ ਮਸਕ ਨੇ ਵੱਡਾ ਐਲਾਨ ਕੀਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਮਰੀਕੀ ਨਿਊਰੋਟੈਕਨਾਲੋਜੀ ਕੰਪਨੀ Neralink ਬ੍ਰੇਨ ਮਸ਼ੀਨ ਇੰਟਰਫੇਸਿਜ਼ ਤਿਆਰ ਕਰ ਰਹੀ ਹੈ। ਇਹ ਇਕ ਅਜਿਹਾ ਰੋਬੋਟਿਕ ਡਿਵਾਈਸ ਹੋਵੇਗਾ, ਜੋ ਅਧਰੰਗ ਦੇ ਸ਼ਿਕਾਰ ਲੋਕਾਂ ਨੂੰ ਬਿਨਾਂ ਹੱਥ ਹਿਲਾਕੇ ਸਮਾਰਟਫੋਨ ਅਤੇ ਕੰਪਿਊਟਰ ਦੀ ਵਰਤੋਂ ਕਰਨ ਵਿਚ ਮਦਦ ਕਰੇਗਾ।

ਯੂਐਸਬੀ ਨਾਲ ਟ੍ਰਾਂਸਮਿਟ ਹੋਵੇਗਾ ਡਾਟਾ

ਐਲੋਨ ਮਸਕ ਅਨੁਸਾਰ ਉਨ੍ਹਾਂ ਦੀ ਕੰਪਨੀ ਨਿਊਰਾਲਿੰਕ ਨੇ ਇਕ ਕਸਟਮ ਚਿੱਪ ਤਿਆਰ ਕੀਤੀ ਹੈ, ਜੋ ਆਸਾਨੀ ਨਾਲ ਦਿਮਾਗ ਨੂੰ ਪੜ੍ਹਦੀ ਹੈ। ਇਹ ਇੰਪਲਾਂਟ ਰੋਬੋਟਿਕ ਡਿਵਾਈਸ ਡਾਟਾ ਸਿਰਫ਼ ਇਕ ਵਾਇਰਡ ਕੁਨੈਕਸ਼ਨ ਰਾਹੀਂ ਟ੍ਰਾਂਸਮਿਟ ਕਰਦਾ ਹੈ। ਨਵੀਂ ਤਕਨੀਕ ਦੀ ਮਦਦ ਨਾਲ ਡਿੰਨੇ ਮਸੇਂ ਵਿਚ ਤੁਸੀਂ ਬੋਲ ਕੇ ਜਾਂ ਇਸ਼ਾਰੇ ਨਾਲ ਗੱਲ ਸਮਝਾਉਂਦੇ ਹੋ, ਇੰਨੇ ਹੀ ਸਮੇਂ ਵਿਚ ਗੱਲ ਕੰਪਿਊਟਰ ਰਾਂਹੀ ਸਮਝਾਈ ਜਾ ਸਕੇਗੀ।

ਚੂਹਿਆਂ ‘ਤੇ ਸ਼ੁਰੂ ਹੋਈ ਪਰਖ

ਅਜੇ ਕੰਪਨੀ ਇਸ ਤਕਨੀਕ ਦੀ ਚੂਹਿਆਂ ‘ਤੇ ਪਰਖ ਕਰ ਰਹੀ ਹੈ, ਜਿਸ ਤੋਂ ਬਾਅਦ ਇਸ ਨੂੰ ਰੋਬੋਟ ਸਰਜਰੀ ਰਾਹੀਂ ਮਨੁੱਖੀ ਦਿਮਾਗ ਵਿਚ ਪਾਇਆ ਜਾਵੇਗਾ। ਕੰਪਨੀ ਕੁਲ ਮਿਲਾ ਕੇ ਚਾਰ N1 ਸੈਂਸਰ ਕਰੇਗੀ। ਇਕ ਡਿਵਾਈਸ ਨੂੰ ਕੰਨ ਦੇ ਪਿੱਛੇ ਲਾਇਆ ਜਾਵੇਗਾ, ਜਿਸ ਵਿਚ ਬੈਟਰੀ ਲੱਗੀ ਹੋਵੇਗੀ। ਇਸ ਡਿਵਾਈਸ ਨੂੰ ਆਈਫੋਨ ਐਪ ਰਾਹੀਂ ਕੰਟਰੋਲ ਕੀਤਾ ਜਾ ਸਕੇਗਾ।

ਵਾਲਾਂ ਨਾਲੋਂ ਵੀ ਚੋਟੀਆਂ ਤਾਰਾਂ ਦੀ ਕੀਤੀ ਗਈ ਵਰਤੋਂ

ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਇਸ ਡਿਵਾਈਸ ਨੂੰ ਲਚਕੀਲੇ ਪਦਾਰਥ ਨਾਲ ਤਿਆਰ ਕੀਤਾ ਗਿਆ ਹੈ ਅਤੇ ਇਨ੍ਹਾਂ ਵਿਚ ਲੱਗੀਆਂ ਧਾਗੇ ਵਰਗੀਆਂ ਤਾਰਾਂ ਦਾ ਆਕਾਰ ਮਨੁੱਖੀ ਵਾਲ ਨਾਲੋਂ ਵੀ ਛੋਟਾ ਹੈ, ਜਿਨ੍ਹਾਂ ਨੂੰ ਥ੍ਰੈੱਡਸ ਕਿਹਾ ਜਾਂਦਾ ਹੈ। ਇਸ ਨਲਾ ਯੂਜ਼ਰ ਨੂੰ ਕਸੇ ਵੀ ਤਰ੍ਹਾਂ ਦਾ ਨੁਕਸਾਨ ਨਹੀਂ ਹੋਵੇਗਾ। ਇਸ ਤੋਂ ਇਲਾਵਾ ਇਹ ਬਹੁਤ ਤੇਜ਼ੀ ਨਾਲ ਡਾਟਾ ਟ੍ਰਾਂਸਫਰ ਕਰ ਸਕਣਗੇ।

ਅਗਲੇ ਸਾਲ ਤੋਂ ਮਨੁੱਖੀ ਰੋਗੀਆਂ ਲਈ ਲਿਆਂਦੀ ਜਾਵੇਗੀ ਵਰਤੋਂ ਵਿਚ

ਮਸਕ ਨੇ ਕਿਹਾ ਕਿ ਇਸ ਤਕਨੀਕ ਉਤੇ ਸਭ ਤੋਂ ਪਹਿਲਾਂ ਤਜਰਬੇ ਸਟੈਨਫੋਰਡ ਯੂਨੀਵਰਸਿਟੀ ਦੇ ਨਿਊਰੋ ਸਾਈਂਟਿਸਟ ਕਰਨਗੇ। ਸਾਨੂੰ ਆਸ ਹੈ ਕਿ ਇਸ ਨੂੰ ਅਗਲੇ ਸਾਲ ਦੇ ਅਖੀਰ ਤੱਕ ਮਨੁੱਖੀ ਰੋਗੀ ਲਈ ਵਰਤੋਂ ਵਿਚ ਲਿਆਂਦਾ ਜਾ ਸਕੇਗਾ। ਉਨ੍ਹਾਂ ਦੱਸਿਆ ਕਿ ਅਜੇ ਮਨੁੱਖ ‘ਤੇ ਇਸ ਨਵੀਂ ਤਕਨੀਕ ਸਬੰਧੀ ਕਿਸ ਤਰ੍ਹਾਂ ਦੇ ਨਤੀਜੇ ਆਉਣਗੇ, ਇਸ ਬਾਰੇ ਕੁਝ ਨਹੀਂ ਕਿਹਾ ਜਾ ਸਕਦਾ ਪਰ ਮੰਨਿਆ ਜਾ ਰਿਹਾ ਹੈ ਕਿ ਅਸੀਂ AI ਭਾਵ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਤਕਨੀਕ ਦੀ ਮਦਦ ਨਾਲ ਖੋਪੜੀ ਨੂੰ ਪਾਰ ਕਰਦੇ ਹੋਏ ਦਿਮਾਗ ਤੱਕ ਪਹੁੰਚਾਂਗੇ ਅਤੇ ਪੜ੍ਹ ਸਕਾਂਗੇ ਕਿ ਮਨੁੱਖ ਕੀ ਸੋਚ ਰਿਹਾ ਹੈ।