Robot IRA 2.0 to help bank customers

ਨਵੀਂ ਦਿੱਲੀ : (ਭਾਸ਼ਾ) ਨਿਜੀ ਖੇਤਰ ਦੇ ਆਗੂ ਐਚਡੀਐਫਸੀ ਬੈਂਕ ਨੇ ਦਿੱਲੀ ਦੇ ਕਸਤੂਰਬਾ ਗਾਂਧੀ ਮਾਰਗ ਵਿਚ ਰੋਬੋਟ ਬੈਂਕਿੰਗ ਦੀ ਸੇਵਾ ਸ਼ੁਰੂ ਕੀਤੀ ਹੈ। ਦਰਅਸਲ ਬੈਂਕ ਦੀ ਇਸ ਸ਼ਾਖਾ ਵਿਚ ਇਰਾ ਯਾਨੀ ਆਈਆਰਏ  (ਇੰਟਰਐਕਟਿਵ ਰੋਬੋਟਿਕ ਅਸਿਸਟੈਂਟ) ਇਰਾ ਨੂੰ ਤੈਨਾਤ ਕੀਤਾ ਜੋ ਗਾਹਕਾਂ ਦੀਆਂ ਜ਼ਰੂਰਤਾਂ ਪੁੱਛ ਕੇ ਉਨ੍ਹਾਂ ਦੀ ਸਹਾਇਤਾ ਕਰੇਗਾ।

ਐਚਡੀਏਫਸੀ ਬੈਂਕ ਦੇ ਡਿਜਿਟਲ ਬੈਂਕਿੰਗ ਵਿਭਾਗ ਦੇ ਮੁਖੀ (ਕੰਟਰੀ ਹੈਡ) ਨਿਤੀਨ ਚੁਘ ਨੇ ਮੰਗਲਵਾਰ ਨੂੰ ਇਥੇ ਇਸ ਦੀ ਸ਼ੁਰੂਆਤ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਗਾਹਕਾਂ ਦੇ ਸ਼ਾਖਾ ਵਿਚ ਪੁੱਜਦੇ ਹੀ ਇਰਾ ਉਨ੍ਹਾਂ ਦਾ ਸਵਾਗਤ ਕਰੇਗੀ ਅਤੇ ਉਨ੍ਹਾਂ ਨੂੰ ਉਨ੍ਹਾਂ ਦੀ ਬੈਂਕਿੰਗ ਜ਼ਰੂਰਤਾਂ ਬਾਰੇ ਪੁੱਛ ਕੇ ਉਨ੍ਹਾਂ ਦੀ ਸਮੱਸਿਆ ਦਾ ਹੱਲ ਕਰੇਗਾ। ਕਿਸੇ ਨੂੰ ਐਫਡੀ ਦੀਆਂ ਦਰਾਂ ਜਾਣਨੀਆਂ ਹੋਣ ਜਾਂ ਕਿਸੇ ਕਰਜ਼ 'ਤੇ ਵਿਆਜ ਦਰ ਜਾਣਨੀਆਂ ਹੋਣ, ਇਰਾ ਸੱਭ ਦੱਸੇਗੀ।

ਇਸ ਦੌਰਾਨ ਉਨ੍ਹਾਂ ਨੇ ਇਕ ਨਵੇਂ ਡਿਜਿਟਲ ਬੈਂਕਿੰਗ ਐਪ ਦੀ ਲਾਂਚਿੰਗ ਵੀ ਕੀਤੀ। ਦੇਸ਼ ਵਿਚ ਪਹਿਲੀ ਵਾਰ ਐਚਡੀਐਫਸੀ ਬੈਂਕ ਨੇ ਬੈਂਕਿੰਗ ਸੇਵਾ ਲਈ ਰੋਬੋਟ ਦੀ ਵਰਤੋਂ ਕਰਨਾ ਸ਼ੁਰੂ ਕੀਤਾ ਹੈ। ਪਹਿਲਾ ਵਰਜਨ ਇਰਾ 1.0 ਸੀ ਇਹ ਸਿਰਫ ਗਾਹਕਾਂ ਦਾ ਸ਼ਾਖਾ ਵਿਚ ਸਵਾਗਤ ਕਰਦਾ ਸੀ ਅਤੇ ਉਨ੍ਹਾਂ ਨੂੰ ਕਾਊਂਟਰ ਤੱਕ ਪਹੁੰਚਾਉਂਦਾ ਸੀ।