glass bridge

ਘਰ ਵਿਚ ਜਦੋਂ ਕੋਈ ਕੱਚ ਦਾ ਗਲਾਸ ਟੁੱਟ ਜਾਂਦਾ ਹੈ ਤਾਂ ਤੁਸੀਂ ਸੱਭ ਤੋਂ ਪਹਿਲਾਂ ਸੰਭਾਲ ਕੇ ਉਸ ਟੁੱਟੇ ਹੋਏ ਕੱਚ ਨੂੰ ਠਿਕਾਣੇ ਲਗਾ ਦਿੰਦੇ ਹੋ।  ਜ਼ਾਹਰ - ਜਿਹੀ ਗੱਲ ਹੈ ਕੱਚ ਟੁੱਟਿਆ ਹੋਵੇ ਜਾਂ ਠੀਕ ਇਸ 'ਤੇ ਚੱਲਣਾ ਸਮਝਦਾਰੀ ਤਾਂ ਬਿਲਕੁੱਲ ਨਹੀਂ ਹੈ ਪਰ ਇਕ ਕੱਚ ਅਜਿਹਾ ਵੀ ਹੈ,  ਜਿਸ 'ਤੇ ਚਲ ਕੇ ਹੀ ਅਪਣੀ ਮੰਜ਼ਿਲ ਨੂੰ ਪਾਇਆ ਜਾ ਸਕਦਾ ਹੈ। ਚੀਨ ਵਿਚ 300 ਮੀਟਰ ਲੰਮਾ ਕੱਚ ਦਾ ਪੁੱਲ ਸਫ਼ਰ 'ਤੇ ਨਿਕਲਣ ਦਾ ਜ਼ਰਿਆ ਹੀ ਨਹੀਂ ਸਗੋਂ ਟੂਰਿਸਟ ਸਪੋਰਟਸ ਵੀ ਬਣ ਚੁਕਿਆ ਹੈ।

ਇਸ ਪੁੱਲ ਨੂੰ ਪਸੰਦ ਕਰਨ ਵਾਲਿਆਂ ਦੀ ਤਾਦਾਦ ਇੰਨੀ ਜ਼ਿਆਦਾ ਹੈ ਕਿ ਲੋਕ ਇਸ ਪੁੱਲ 'ਤੇ ਸੈਲਫ਼ੀ ਕਲਿਕ ਕਰਵਾਉਣ ਆਉਂਦੇ ਹਨ। ਇਸ ਪੁੱਲ ਦਾ ਨਾਮ ਹੈ ‘ਹਾਓਹਨ ਕਿਆਓ’ ਜਿਸ ਦਾ ਮਤਲਬ ਹੁੰਦਾ ਹੈ ਬਹਾਦੁਰ ਆਦਮੀ ਦਾ ਪੁੱਲ। ਸਚਮੁੱਚ ਇਹ ਪੁੱਲ ਕਮਜ਼ੋਰ ਦਿਲ ਵਾਲਿਆਂ ਲਈ ਨਹੀਂ ਹੈ। ਚੀਨ ਦੇ ਸ਼ੀਨੀਉਝਾਈ ਨੈਸ਼ਨਲ ਜਿਓਲਾਜਿਕਲ ਪਾਰਕ ਵਿਚ ਸਥਿਤ ਇਹ ਪੁੱਲ ਪਾਰਦਰਸ਼ੀ ਕੱਚ ਦਾ ਬਣਿਆ ਹੈ।

ਇਸ 'ਤੇ ਚਲਦੇ ਹੋਏ ਤੁਹਾਨੂੰ ਲਗੇਗਾ ਕਿ ਤੁਸੀਂ ਬਿਨਾਂ ਕਿਸੇ ਆਧਾਰ 'ਤੇ ਚੱਲ ਰਹੇ ਹੋ ਕਿਉਂਕਿ ਹੇਠਾਂ ਦੇਖਣ 'ਤੇ ਤੁਸੀਂ ਪੁੱਲ ਦੇ ਆਰ - ਪਾਰ ਦੇਖ ਪਾਉਗੇ। ਕੱਚ ਦੇ ਇਸ ਪੁੱਲ 'ਤੇ ਚਲਦੇ ਹੋਏ ਮਨ ਵਿਚ ਇਹ ਵੀ ਸੰਦੇਹ ਰਹਿੰਦੀ ਹੈ ਕਿ ਇਹ ਪੁੱਲ ਕਦੇ ਵੀ ਟੁੱਟ ਸਕਦਾ ਹੈ ਪਰ ਘਬਰਾਓ ਨਹੀਂ। ਇਸ ਪੁੱਲ ਦਾ ਆਧਾਰ 24 ਮਿਲੀਮੀਟਰ ਮੋਟੇ ਬਹੁਤ ਜ਼ਿਆਦਾ ਮਜ਼ਬੂਤ ਸ਼ੀਸ਼ੇ ਦੀ ਚਾਦਰ ਨਾਲ ਬਣਿਆ ਹੈ।

ਚੀਨ ਦੇ ਹੁਨਾਨ ਪ੍ਰਾਂਤ ਵਿਚ ਸਥਿਤ ਇਹ ਪੁੱਲ ਪਹਿਲਾਂ ਲੱਕੜ ਦਾ ਬਣਿਆ ਹੋਇਆ ਸੀ। ਸਾਲ 2014 ਵਿਚ ਨੈਸ਼ਨਲ ਪਾਰਕ ਪ੍ਰਸ਼ਾਸਨ ਨੇ ਇਸ ਦੇ ਇਕ ਹਿੱਸੇ ਨੂੰ ਸ਼ੀਸ਼ੇ ਦਾ ਬਣਾਇਆ। ਬਾਅਦ 'ਚ ਇਸ ਪੂਰੇ ਪੁੱਲ ਨੂੰ ਸ਼ੀਸ਼ੇ ਦਾ ਬਣਾ ਦਿਤਾ ਗਿਆ। ਇਸ ਪੁੱਲ 'ਤੇ ਜਾਣ ਵਾਲੇ ਟੂਰਿਸਟ ਕਦੇ - ਕਦੇ ਡਰ ਦੇ ਮਾਰੇ ਘੁਟਣ ਦੇ ਜ਼ੋਰ ਬੈਠ ਜਾਂਦੇ ਹਨ, ਤਾਂ ਕਦੇ ਇਕ ਕਿਨਾਰੇ ਖੜੇ ਹੋ ਜਾਂਦੇ ਹਨ।

ਕੁੱਝ ਅਜਿਹੇ ਵੀ ਸਾਹਸੀ ਲੋਕ ਪਹੁੰਚਦੇ ਹਨ ਜੋ ਇਸ ਪੁੱਲ 'ਤੇ ਬੈਠ ਕੇ ਸੈਲਫ਼ੀਆਂ ਖਿੱਚਣ ਦੀ ਹਿੰਮਤ ਜੁਟਾ ਪਾਉਂਦੇ ਹਨ ਅਤੇ ਇਸ ਖ਼ਤਰੇ ਦਾ ਆਨੰਦ ਮਾਣਦੇ ਹਨ। ਬਹਰਹਾਲ, ਇਸ ਪੁੱਲ ਨੂੰ ਬਣਾਉਣ ਵਾਲੇ ਮਜ਼ਦੂਰਾਂ ਨੇ ਵੀ ਇਸ ਨੂੰ ਬਣਾਉਣ ਵਿਚ ਘੱਟ ਖ਼ਤਰਾ ਨਹੀਂ ਚੁਕਿਆ ਹੈ।