NYSE and Nasdaq halt trading in stocks of Russia-based companies

ਨਿਊਯਾਰਕ: ਰੂਸ-ਯੂਕਰੇਨ ਜੰਗ ਵਿਚਾਲੇ ਰੂਸ ’ਤੇ ਲਗਾਈਆਂ ਗਈਆਂ ਅਮਰੀਕੀ ਪਾਬੰਦੀਆਂ ਦੇ ਚਲਦਿਆਂ ਹੁਣ  ਨੈਸਡੈਕ ਇੰਕ (NDAQ.O) ਅਤੇ ਇੰਟਰਕੌਂਟੀਨੈਂਟਲ ਐਕਸਚੇਂਜ ਇੰਕ (ICE.N) NYSE ਨੇ ਆਪਣੇ ਐਕਸਚੇਂਜਾਂ ਵਿਚ ਸੂਚੀਬੱਧ ਰੂਸ ਸਥਿਤ ਕੰਪਨੀਆਂ ਦੇ ਸ਼ੇਅਰਾਂ ਦੇ ਕਾਰੋਬਾਰ ਨੂੰ ਅਸਥਾਈ ਤੌਰ 'ਤੇ ਰੋਕ ਦਿੱਤਾ ਹੈ। ਇਸ ਮਾਮਲੇ ਤੋਂ ਜਾਣੂ ਲੋਕਾਂ ਦਾ ਕਹਿਣਾ ਹੈ ਕਿ ਇਹ ਰੋਕਾਂ ਰੈਗੂਲੇਟਰੀ ਚਿੰਤਾਵਾਂ ਦੇ ਕਾਰਨ ਸਨ ਕਿਉਂਕਿ ਯੂਕਰੇਨ 'ਤੇ ਰੂਸ ਦੇ ਹਮਲੇ ਕਾਰਨ ਲਗਾਈਆਂ ਗਈਆਂ ਆਰਥਿਕ ਪਾਬੰਦੀਆਂ ਤੋਂ ਬਾਅਦ ਐਕਸਚੇਂਜ ਵਧੇਰੇ ਸਪੱਸ਼ਟ ਹੋਣਾ ਚਾਹੁੰਦੇ ਹਨ।

NYSE and Nasdaq halt trading in stocks of Russia-based companies

ਨੈਸਡੈਕ ਵਿਚ ਸੂਚੀਬੱਧ ਸਟਾਕ ਨੈਕਸਟਕਸ ਇੰਕ, ਹੇਡਹੰਟਰ ਗਰੁੱਪ ਪੀਐਲਸੀ, ਓਜ਼ੋਨ ਹੋਲਡਿੰਗਰਸ ਪੀਐਲਸੀ, ਕਿਵੀ ਪੀਐਲਸੀ ਅਤੇ ਯੈਂਡੈਕਸ ’ਤੇ ਰੋਕ ਲਗਾਈ ਗਈ ਹੈ। ਜਦਕਿ NYSE-ਸੂਚੀਬੱਧ ਸਟਾਕ ਵਿਚ Cian PLC (CIAN.N), ਮੇਕੇਲ ਪੀਏਓ ਅਤੇ ਮੋਬਾਈਲ ਟੈਲੀਸਿਸਟਮਜ਼ ਪੀਏਓ  ਉੱਤੇ ਰੋਕ ਲਗਾਈ ਗਈ ਹੈ। NYSE ਦੀ ਮਾਲਕ ICE ਨੇ ਇਹ ਵੀ ਕਿਹਾ ਕਿ ਉਹ ਮਨਜ਼ੂਰਸ਼ੁਦਾ ਰੂਸੀ ਕੰਪਨੀਆਂ ਤੋਂ ਆਪਣੇ ਨਿਸ਼ਚਿਤ ਆਮਦਨ ਸੂਚਕਾਂਕ ਵਿਚ ਕੋਈ ਨਵਾਂ ਕਰਜ਼ਾ ਜਾਰੀ ਨਹੀਂ ਕਰੇਗੀ ਅਤੇ ਇਸ ਤੋਂ ਪ੍ਰਭਾਵਿਤ ਮੌਜੂਦਾ ਕਰਜ਼ੇ ਨੂੰ 31 ਮਾਰਚ ਨੂੰ ਹਟਾ ਦਿੱਤਾ ਜਾਵੇਗਾ।

NYSE and Nasdaq halt trading in stocks of Russia-based companies

ਨਿਊਯਾਰਕ ਸਥਿਤ ਕੰਪਨੀ ਨੇ ਇਕ ਈਮੇਲ ਬਿਆਨ ਵਿਚ ਕਿਹਾ, "ਓਟੀਸੀ ਮਾਰਕਿਟ ਗਰੁੱਪ ਨਿਗਰਾਨੀ ਕਰ ਰਿਹਾ ਹੈ ਅਤੇ ਫੈਡਰਲ ਰੈਗੂਲੇਟਰਾਂ ਨਾਲ ਨਾਲ ਕੰਮ ਕਰ ਰਿਹਾ ਹੈ ਅਤੇ ਜਾਣਕਾਰੀ ਉਪਲਬਧ ਹੋਣ 'ਤੇ ਉਹਨਾਂ ਦੇ ਮਾਰਗਦਰਸ਼ਨ ਅਤੇ ਨਿਰਦੇਸ਼ਾਂ ਦੇ ਅਨੁਸਾਰ ਕੰਮ ਕਰੇਗਾ।" ਉੱਥੇ ਹੀ ਲਗਭਗ ਸਾਰੇ ਅਮਰੀਕੀ ਪ੍ਰਤੀਭੂਤੀਆਂ ਦੇ ਲੈਣਦੇਣ ਨੂੰ ਰੇਗੂਲੇਟ ਕਰਨ ਵਾਲੇ ਡਿਪਾਜ਼ਿਟਰੀ ਟਰੱਸਟ ਅਤੇ ਕਲੀਅਰਿੰਗ ਕਾਰਪੋਰੇਸ਼ਨ ਨੇ ਇਹ ਵੀ ਕਿਹਾ ਕਿ ਰੂਸ 'ਤੇ ਪਾਬੰਦੀਆਂ ਦੇ ਸੰਭਾਵੀ ਪ੍ਰਭਾਵ ਦਾ ਮੁਲਾਂਕਣ ਕੀਤਾ ਜਾ ਰਿਹਾ ਹੈ।

NYSE and Nasdaq halt trading in stocks of Russia-based companies

ਸਮੂਹ ਦੇ ਬੁਲਾਰੇ ਨੇ ਕਿਹਾ, "ਅਸੀਂ ਯੂਕਰੇਨ ਵਿਚ ਸਥਿਤੀ ਨੂੰ ਕਰੀਬ ਤੋਂ ਦੇਖ ਰਹੇ ਹਾਂ ਅਤੇ ਮਾਰਕਿਟ ਸਥਿਰਤਾ ਦੀ ਰੱਖਿਆ ਕਰਨ ਅਤੇ ਸਾਡੇ ਗਾਹਕਾਂ ਅਤੇ ਵਿਆਪਕ ਉਦਯੋਗ ਨੂੰ ਨਿਸ਼ਚਤਤਾ ਪ੍ਰਦਾਨ ਕਰਨ ਲਈ ਵਚਨਬੱਧ ਹਾਂ"।