ਨਵੀਂ ਦਿੱਲੀ : ਰਿਜ਼ਰਵ ਬੈਂਕ ਨੇ ਮੌਦਰਿਕ ਸਮਿਖਿਅਕ ਦੀ ਬੈਠਕ ਵਿਚ ਰੈਪੋ ਰੇਟ 0.25 ਬੇਸਿਸ ਪੁਆਇੰਟ ਘਟਾ ਦਿਤਾ ਹੈ। ਰਿਜ਼ਰਵ ਬੈਂਕ ਨੇ ਨੀਤੀਗਤ ਦਰ (ਰੈਪੋ ਰੇਟ) 6.50 ਫ਼ੀ ਸਦੀ ਤੋਂ ਘਟਾਕੇ 6.25 ਫ਼ੀ ਸਦੀ ਕਰ ਦਿਤਾ ਹੈ। ਰੈਪੋ ਰੇਟ ਘੱਟ ਹੋਣ ਨਾਲ ਹੋਮ ਲਿਨ,  ਪਰਸਨਲ ਲੋਨ, ਆਟੋ ਲੋਨ ਜਾਂ ਛੋਟੀ ਇਂੰਡਸਟ੍ਰੀਜ਼ ਲਈ ਕਰਜ਼ ਦੀਆਂ ਦਰਾਂ ਵਿਚ ਕਮੀ ਆਵੇਗੀ। ਹਾਲੇ ਹੀ ਦੇ ਰੈਪੋ ਰੇਟ 6.50 ਫ਼ੀ ਸਦੀ ਹੈ ਜਿਸ ਨੂੰ ਆਰਬੀਆਈ ਨੇ ਘਟਾ ਕੇ 6.25 ਫ਼ੀ ਸਦੀ ਕਰ ਦਿਤਾ ਹੈ। ਰੈਪੋ ਰੇਟ 'ਤੇ ਹੀ ਆਰਬੀਆਈ ਬੈਂਕਾਂ ਨੂੰ ਇਕ ਦਿਨ ਲਈ ਉਧਾਰ ਦਿੰਦਾ ਹੈ।

ਇਸ ਰੇਟ ਦੇ ਘਟਣ ਨਾਲ ਬੈਂਕਾਂ ਦਾ ਕਰਜ਼ ਸਸਤਾ ਹੋ ਜਾਂਦਾ ਹੈ। ਕੇਂਦਰੀ ਬੈਂਕ ਨੇ ਪਿਛਲੀ ਤਿੰਨ ਮੌਦਰਿਕ ਕਮੇਟੀ ਬੈਠਕ ਵਿਚ ਪਾਲਿਸੀ ਰੇਟਸ ਵਿਚ ਕੋਈ ਬਦਲਾਅ ਨਹੀਂ ਕੀਤਾ ਸੀ। ਇਸ ਤੋਂ ਪਹਿਲਾਂ ਇਸ ਵਿੱਤੀ ਸਾਲ ਵਿਚ ਦੋ ਵਾਰ 0.25 - 0.25 ਫ਼ੀ ਸਦੀ ਦੀ ਵਾਧਾ ਕੀਤਾ ਗਿਆ ਸੀ। ਦਸੰਬਰ ਦੀ ਬੈਠਕ ਤੋਂ ਬਾਅਦ ਆਰਬੀਆਈ ਨੇ ਕਿਹਾ ਸੀ ਕਿ ਜੇਕਰ ਮਹਿੰਗਾਈ ਵਿਚ ਤੇਜੀ ਦਾ ਜੋਖਮ ਨਹੀਂ ਵਧਦਾ ਹੈ ਤਾਂ ਇਸ ਵਿਚ ਕਟੌਤੀ ਕੀਤੀ ਜਾਵੇਗੀ। ਜ਼ਰੂਰੀ ਵਸਤਾਂ ਅਤੇ ਤੇਲ ਦੇ ਮੁੱਲ ਵਿਚ ਥੋੜ੍ਹੀ ਕਮੀ ਆਉਣ ਨਾਲ ਛੋਟੇ ਮਹਿੰਗਾਈ ਦਰ ਦਸੰਬਰ 2018 ਵਿਚ 2.19 ਫ਼ੀ ਸਦੀ 'ਤੇ ਆ ਗਈ, ਜੋ 18 ਮਹੀਨੇ ਦਾ ਹੇਠਲਾ ਪੱਧਰ ਹੈ।

ਥੋਕ ਮਹਿੰਗਾਈ ਦਰ ਦਸੰਬਰ ਵਿਚ 3.80 ਫ਼ੀ ਸਦੀ ਰਹੀ ਜੋ ਅੱਠ ਮਹੀਨੇ ਦੇ ਹੇਠਲੇ ਪੱਧਰ 'ਤੇ ਹੈ। ਆਰਬੀਆਈ ਗਵਰਨਰ ਸ਼ਕਤੀਕਾਂਤ ਦਾਸ ਦੀ ਪ੍ਰਧਾਨਤਾ ਵਿਚ ਇਹ ਪਹਿਲੀ ਮੌਦਰਿਕ ਨੀਤੀ ਸਮਿਖਿਅਕ ਹੋਈ ਹੈ। ਉਰਜਿਤ ਪਟੇਲ ਦੇ ਅਚਾਨਕ ਅਸਤੀਫ਼ਾ ਦੇਣ ਤੋਂ ਬਾਅਦ ਦਾਸ   ਨੇ ਦਸੰਬਰ 2018 ਵਿਚ ਅਹੁਦਾ ਸੰਭਾਲਿਆ ਸੀ।