SBI Reports Loss For The Third Straight Quarter

ਨਵੀਂ ਦਿੱਲੀ : ਵਿਤੀ ਸਾਲ 2018 - 19 ਦੀ ਪਹਿਲੀ ਤਿਮਾਹੀ 'ਚ 4,876 ਕਰੋਡ਼ ਰੁਪਏ ਦਾ ਵੱਡਾ ਘਾਟਾ ਸਹਿਣ ਵਾਲੇ ਸਟੇਟ ਬੈਂਕ ਆਫ਼ ਇੰਡੀਆ ਨੂੰ ਤੀਜੀ ਤਿਮਾਹੀ ਵਿਚ ਮੁਨਾਫ਼ੇ ਦੇ ਨਾਲ ਵਾਪਸੀ ਕਰਨ ਦੀ ਉਮੀਦ ਹੈ। ਲਗਾਤਾਰ ਤੀਜੀ ਤਿਮਾਹੀ ਵਿਚ ਬਹੁਤ ਨੁਕਸਾਨ ਚੁੱਕਣ ਤੋਂ ਬਾਅਦ ਦੇਸ਼ ਦੇ ਸੱਭ ਤੋਂ ਵੱਡੇ ਬੈਂਕ  ਦੇ ਚੇਅਰਮੈਨ ਨੇ ਕਿਹਾ ਕਿ ਬੈਡ ਲੋਨ ਦੇ ਅਸਰ ਨਾਲ ਬੈਂਕ ਦਸੰਬਰ ਤੱਕ ਨਿੱਬੜ ਜਾਵੇਗਾ ਅਤੇ ਇਸ ਦੇ ਚੰਗੇ ਨਤੀਜੇ ਦੇਖਣ ਨੂੰ ਮਿਲਣਗੇ। ਦੱਸ ਦਈਏ ਕਿ ਨਾਨ - ਪਰਫਾਰਮਿੰਗ ਲੋਨ ਦੇ ਚਲਦੇ ਮਾਰਚ ਦੇ ਅੰਤ ਤੱਕ ਭਾਰਤੀ ਬੈਂਕਾਂ ਨੂੰ ਕਰੀਬ 150 ਅਰਬ ਡਾਲਰ ਦਾ ਨੁਕਸਾਨ ਹੋਇਆ ਸੀ।  

ਇਹਨਾਂ ਵਿਚ ਵੀ ਐਸਬੀਆਈ ਸਮੇਤ 21 ਸਰਕਾਰੀ ਬੈਂਕਾਂ ਦੀ ਕੁੱਲ ਨੁਕਸਾਨ ਵਿਚ 86 ਫ਼ੀ ਸਦੀ ਹਿੱਸੇਦਾਰੀ ਹੈ। ਇਸ ਬੈਂਕਾਂ ਵਿਚ ਭਾਰਤ ਸਰਕਾਰ ਦਾ ਵੀ ਹਿੱਸਾ ਹੈ। ਜੂਨ ਦੇ ਅੰਤ ਵਿਚ ਐਸਬੀਆਈ ਦੇ ਕੁੱਲ ਨਾਨ - ਪਰਫਾਰਮਿੰਗ ਕਰਜ਼ ਦਾ ਗਿਣਤੀ 30.8 ਅਰਬ ਡਾਲਰ ਤੱਕ ਪਹੁੰਚ ਗਿਆ। ਹਾਲਾਂਕਿ ਬੈਡ ਲੋਨ ਦੇ ਪ੍ਰਬੰਧ ਵਿਚ ਵੀ ਕਮੀ ਆਈ ਹੈ। ਹਾਲਾਂਕਿ ਕਮਜ਼ੋਰ ਟ੍ਰੇਡਿੰਗ ਇਨਕਮ ਅਤੇ ਖਜ਼ਾਨਾ ਘਾਟਾ ਦੇ ਚਲਦੇ ਦੇਸ਼ ਦੀ ਬੈਂਕਿੰਗ ਵਿਚ 20 ਫ਼ੀ ਸਦੀ ਹਿੱਸਾ ਰੱਖਣ ਵਾਲੇ ਐਸਬੀਆਈ ਨੂੰ 4,876 ਕਰੋਡ਼ ਰੁਪਏ ਦਾ ਘਾਟਾ ਚੁੱਕਣਾ ਪਿਆ ਹੈ। ਇਸ ਤੋਂ ਪਹਿਲਾਂ ਵਾਲੀ ਤਿਮਾਹੀ ਵਿਚ ਬੈਂਕ ਨੂੰ 77.18 ਅਰਬ ਰੁਪਏ ਦਾ ਘਾਟਾ ਹੋਇਆ ਸੀ।

ਜੇਕਰ ਪਿਛਲੇ ਸਾਲ ਇਸ ਤਿਮਾਹੀ ਨਾਲ ਤੁਲਨਾ ਕਰੀਏ ਤਾਂ ਵੱਡੇ ਬੈਂਕ ਨੂੰ 20.06 ਅਰਬ ਰੁਪਏ ਦਾ ਫ਼ਾਇਦਾ ਹੋਇਆ ਸੀ। ਨਤੀਜਿਆਂ ਤੋਂ ਬਾਅਦ ਸੰਪਾਦਕਾਂ ਨਾਲ ਕਾਨਫ੍ਰੈਂਸ ਕਾਲ 'ਤੇ ਗੱਲ ਕਰਦੇ ਹੋਏ ਬੈਂਕ ਦੇ ਚੇਅਰਮੈਨ ਰਜਨੀਸ਼ ਕੁਮਾਰ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿਚ ਬੈਡ ਲੋਨ ਦੇ ਜੁਡ਼ਣ ਦੀ ਗਿਣਤੀ ਘੱਟ ਹੋਵੇਗੀ।

ਇਸ ਤੋਂ ਇਲਾਵਾ ਡਿਫਾਲਟ ਕੇਸਾਂ ਨੂੰ ਬੈਂਕਰਪਸੀ ਕੋਰਟ ਲੈ ਜਾਇਆ ਜਾਵੇਗਾ, ਜਿਸ ਦੇ ਨਾਲ ਲੋਨ ਰਿਕਵਰੀ ਤੇਜ ਹੋਵੇਗੀ। ਇਹ ਪੁੱਛੇ ਜਾਣ 'ਤੇ ਕਿ ਅਖੀਰ ਅਜਿਹਾ ਕਦੋਂ ਹੋਵੇਗਾ, ਜਦੋਂ ਬੈਂਕ ਅਪਣੇ ਨਤੀਜਿਆਂ 'ਚ ਫ਼ਾਇਦੇ ਦੀ ਹਾਲਤ ਦਰਜ ਕਰੇਗਾ। ਰਜਨੀਸ਼ ਕੁਮਾਰ ਨੇ ਕਿਹਾ ਕਿ ਜੇਕਰ ਤੁਸੀਂ ਮੇਰੇ ਤੋਂ 100 ਫ਼ੀ ਸਦੀ ਪੁੱਛੇ ਤਾਂ ਇਹ ਦਸੰਬਰ ਤਿਮਾਹੀ ਤੋਂ ਸ਼ੁਰੂ ਹੋਵੇਗਾ।