Haryana News : ਤੇਜ਼ ਰਫਤਾਰ ਔਡੀ ਸਵਾਰ ਨੇ ਸੈਰ ਕਰਨ ਆਏ ਪਰਿਵਾਰ ਨੂੰ ਕੁਚਲਿਆ 

Haryana News :ਹਰਿਆਣਾ ਦੇ ਕਰਨਾਲ ਦੇ ਅਸੰਧ ਰੋਡ ’ਤੇ ਇਕ ਤੇਜ਼ ਰਫਤਾਰ ਔਡੀ ਕਾਰ ਨੇ ਸੜਕ ’ਤੇ ਪੈਦਲ ਜਾ ਰਹੇ ਪਰਿਵਾਰ ਨੂੰ ਕੁਚਲ ਦਿੱਤਾ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਇੱਕ ਵਿਅਕਤੀ ਦੇ ਸਰੀਰ ਦੇ ਟੁਕੜੇ-ਟੁਕੜੇ ਹੋ ਗਏ। ਉਸ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਇਸ ਤੋਂ ਇਲਾਵਾ ਇਕ ਔਰਤ ਦੀ ਲੱਤ ਕੱਟੀ ਗਈ ਅਤੇ 19 ਸਾਲਾ ਲੜਕੀ ਦੀ ਲੱਤ ਟੁੱਟ ਗਈ।

ਇਹ ਵੀ ਪੜੋ:Lok Sabha elections 2024: ਭਾਜਪਾ ਦੀ ਜਿੱਤ ’ਚ ਪੰਜਾਬ ਦੇ ਲੋਕ ਵੱਡੀ ਭੂਮਿਕਾ ਨਿਭਾਉਣ ਲਈ ਤਿਆਰ: ਪ੍ਰਨੀਤ ਕੌਰ

ਸੂਚਨਾ ਮਿਲਣ ’ਤੇ ਪੁਲਿਸ ਮੌਕੇ ’ਤੇ ਪਹੁੰਚ ਗਈ। ਉਨ੍ਹਾਂ ਨੇ ਰਾਤ ਨੂੰ ਟਾਰਚ ਲਾਈਟ ਨਾਲ ਖੇਤਾਂ ’ਚੋਂ ਪੁਰਸ਼ ਅਤੇ ਔਰਤ ਦੇ ਸਰੀਰ ਦੇ ਅੰਗ ਇਕੱਠੇ ਕੀਤੇ। ਇਹ ਹਾਦਸਾ ਸ਼ਨੀਵਾਰ ਰਾਤ ਪਿੰਡ ਜਲਮਾਣਾ ਨੇੜੇ ਵਾਪਰਿਆ।ਜਾਲਮਾਣਾ ਚੌਕੀ ਦੇ ਜਾਂਚ ਅਧਿਕਾਰੀ ਜਸਬੀਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਰਾਤ ਸਮੇਂ ਸੂਚਨਾ ਮਿਲੀ ਸੀ ਕਿ ਕਰਨਾਲ ਤੋਂ ਸੰਧਵਾਂ ਵੱਲ ਆ ਰਹੀ ਇੱਕ ਔਡੀ ਕਾਰ (ਐਚਆਰ06ਏਐਚ-8088) ਨੇ ਸੜਕ ’ਤੇ ਪੈਦਲ ਜਾ ਰਹੇ ਇੱਕ ਪਰਿਵਾਰ ਨੂੰ ਕੁਚਲ ਦਿੱਤਾ, ਜਿਸ ਵਿੱਚ ਉਕਤ ਵਿਅਕਤੀ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਇਸ ਦੇ ਨਾਲ ਹੀ ਕੁਝ ਲੋਕ ਜ਼ਖਮੀ ਵੀ ਹੋਏ ਹਨ।

ਇਹ ਵੀ ਪੜੋ:Punjab News : ਪਟਿਆਲਾ ਵਾਸੀਆਂ ਲਈ ਜ਼ਰੂਰੀ ਖ਼ਬਰ,ਅਸਲਾ ਜਮ੍ਹਾ ਕਰਵਾਉਣ ਦੀ ਤਾਰੀਖ਼ 15 ਅਪ੍ਰੈਲ ਤੱਕ ਵਧਾਈ

ਮ੍ਰਿਤਕ ਦੀ ਪਛਾਣ ਸਾਹਬ ਸਿੰਘ (50) ਵਾਸੀ ਜਲਮਾਣਾ ਵਜੋਂ ਹੋਈ ਹੈ। ਜ਼ਖਮੀ ਔਰਤ ਦਾ ਨਾਂ ਗੁਰਜੀਤ ਕੌਰ (48) ਹੈ। ਉਹ ਮ੍ਰਿਤਕ ਸਾਹਬ ਸਿੰਘ ਦੀ ਭਾਬੀ  ਹੈ। ਜਦੋਂਕਿ ਤੀਜੀ ਲੜਕੀ ਉਸ ਦੀ ਭਤੀਜੀ ਸੁਖਵੰਤ ਕੌਰ (19) ਹੈ। ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਹੈ ਕਿ ਸੁਖਵੰਤ ਕੌਰ ਦਾ ਆਸਟ੍ਰੇਲੀਆ ਦਾ ਵੀਜ਼ਾ ਸ਼ਨੀਵਾਰ ਨੂੰ ਹੀ ਆਇਆ ਸੀ। ਦੇਰ ਰਾਤ ਖਾਣਾ ਖਾਣ ਤੋਂ ਬਾਅਦ ਉਹ ਸੜਕ ’ਤੇ ਸੈਰ ਕਰਨ ਲਈ ਨਿਕਲ ਗਏ। ਇਸੇ ਦੌਰਾਨ ਇਹ ਹਾਦਸਾ ਵਾਪਰ ਗਿਆ।ਹਾਦਸੇ ਵਿੱਚ ਔਡੀ ਕਾਰ ਵੀ ਤਬਾਹ ਹੋ ਗਈ। ਹਾਦਸੇ ਤੋਂ ਬਾਅਦ ਏਅਰਬੈਗ ਖੁੱਲ੍ਹ ਗਿਆ ਅਤੇ ਬੋਨਟ ਬੁਰੀ ਤਰ੍ਹਾਂ ਟੁੱਟ ਗਿਆ। ਉਸ ਸਮੇਂ ਇਸ ਦੇ ਸਵਾਰ ਫ਼ਰਾਰ ਹੋ ਗਏ ਸਨ। 

ਇਹ ਵੀ ਪੜੋ:Pakistan News: ਖੈਬਰ ਪਖਤੂਨਖਵਾ ਅਤੇ ਬਲੋਚਿਸਤਾਨ ’ਚ ਅੱਤਵਾਦੀ ਹਮਲੇ, 6 ਸੁਰੱਖਿਆ ਕਰਮੀ, 12 ਅੱਤਵਾਦੀ ਹਲਾਕ 

ਮੌਕੇ ’ਤੇ ਮੌਜੂਦ ਰਾਹਗੀਰ ਗੁਰਜੰਟ ਸਿੰਘ ਅਨੁਸਾਰ ਗੱਡੀ ਵਿੱਚ ਦੋ ਨੌਜਵਾਨ ਜਾ ਰਹੇ ਸਨ। ਦੋਵੇਂ ਸ਼ਰਾਬੀ ਸਨ। ਉਸ ਨੇ ਸ਼ਰਾਬ ਦੇ ਨਸ਼ੇ ’ਚ ਰਹਿ ਕੇ ਇਹ ਅਪਰਾਧ ਕੀਤਾ। ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਕਾਰ ਚਾਲਕ ਤਿੰਨਾਂ ਨੂੰ ਕਰੀਬ ਸੌ ਮੀਟਰ ਤੱਕ ਘਸੀਟਦਾ ਲੈ ਗਿਆ। ਇਸ ਦੌਰਾਨ ਸਾਹਬ ਸਿੰਘ ਦੀਆਂ ਲੱਤਾਂ ਅਤੇ ਸਰੀਰ ਦੇ ਹੋਰ ਅੰਗ ਵੱਖ ਹੋ ਗਏ। ਕਾਰ ਦੇ ਅੰਦਰੋਂ ਸਾਹਬ ਸਿੰਘ ਦੀਆਂ ਲੱਤਾਂ ਬਰਾਮਦ ਹੋਈਆਂ। ਘਟਨਾ ਤੋਂ ਬਾਅਦ ਦੋਵੇਂ ਮੁਲਜ਼ਮ ਕਾਰ ਛੱਡ ਕੇ ਮੌਕੇ ਤੋਂ ਫਰਾਰ ਹੋ ਗਏ।
ਜਾਂਚ ਅਧਿਕਾਰੀ ਜਸਬੀਰ ਸਿੰਘ ਨੇ ਦੱਸਿਆ ਕਿ ਔਰਤ ਗੁਰਜੀਤ ਕੌਰ ਅਤੇ ਲੜਕੀ ਸੁਖਵੰਤ ਕੌਰ ਕਰਨਾਲ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਜ਼ੇਰੇ ਇਲਾਜ ਹਨ।

ਇਹ ਵੀ ਪੜੋ:Uttar Pardesh News : Alexa ਦੀ ਮਦਦ ਨਾਲ ਲੜਕੀ ਨੇ ਭੈਣ ਨੂੰ ਬਾਂਦਰਾਂ ਤੋਂ ਬਚਾਇਆ 

ਮ੍ਰਿਤਕ ਦੀ ਲਾਸ਼ ਨੂੰ ਪੋਸਟਮਾਰਟਮ ਹਾਊਸ ’ਚ ਰਖਵਾਇਆ ਗਿਆ ਹੈ। ਸਾਹਬ ਸਿੰਘ ਖੇਤੀ ਦਾ ਕੰਮ ਕਰਦਾ ਸੀ। ਉਸ ਦਾ ਇੱਕ ਭਤੀਜਾ ਵਿਦੇਸ਼ ਗਿਆ ਹੋਇਆ ਹੈ।
ਇਸ ਦੇ ਨਾਲ ਹੀ ਐਤਵਾਰ ਨੂੰ ਮ੍ਰਿਤਕ ਸਾਹਬ ਸਿੰਘ ਦੇ ਪਰਿਵਾਰਕ ਮੈਂਬਰਾਂ ਅਤੇ ਪਿੰਡ ਵਾਸੀਆਂ ਨੇ ਕਰਨਾਲ-ਅਸੰਧ ਹਾਈਵੇਅ ’ਤੇ ਜਾਮ ਲਗਾ ਕੇ ਰੋਸ ਪ੍ਰਦਰਸ਼ਨ ਕੀਤਾ। ਉਹ ਲਾਸ਼ ਨੂੰ ਲੈਣ ਹਸਪਤਾਲ ਪੁੱਜੇ। ਇਸ ਦੌਰਾਨ ਉਨ੍ਹਾਂ ਨੇ ਲਾਸ਼ ਨੂੰ ਹਾਈਵੇਅ ’ਤੇ ਰੱਖ ਦਿੱਤਾ ਅਤੇ ਦੋਸ਼ੀ ਫੜੇ ਜਾਣ ਤੱਕ ਇਸ ਨੂੰ ਨਾ ਚੁੱਕਣ ’ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਜਾਂਚ ਅਧਿਕਾਰੀ ’ਤੇ ਸਬੂਤਾਂ ਨੂੰ ਨਸ਼ਟ ਕਰਨ ਦਾ ਵੀ ਦੋਸ਼ ਲਾਇਆ।

ਇਹ ਵੀ ਪੜੋ:S. Sreesanth News : IPL 2013 ’ਚ ਮੈਚ ਫਿਕਸਿੰਗ ਮਾਮਲੇ ’ਚ ਸ਼ਾਮਲ ਕ੍ਰਿਕਟਰ ਸ਼੍ਰੀਸੰਤ ਕਾਨੂੰਨੀ ਕਮੀਆਂ ਕਾਰਨ ਬਚ ਗਏ  

ਜਾਮ ਦੀ ਸੂਚਨਾ ਮਿਲਣ ’ਤੇ ਥਾਣਾ ਸੰਦੌੜ ਦੇ ਐਸਐਚਓ ਗੌਰਵ ਕੁਮਾਰ ਮੌਕੇ ’ਤੇ ਪੁੱਜੇ। ਉਸ ਨੇ ਕਾਫੀ ਦੇਰ ਤੱਕ ਪਰਿਵਾਰ ਨੂੰ ਸਮਝਾਇਆ। ਉਨ੍ਹਾਂ ਭਰੋਸਾ ਦਿੱਤਾ ਕਿ ਭਲਕੇ ਸ਼ਾਮ ਤੱਕ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ। ਇਸ ਤੋਂ ਬਾਅਦ ਪਰਿਵਾਰਕ ਮੈਂਬਰ ਉਥੋਂ ਚਲੇ ਗਏ।

ਇਹ ਵੀ ਪੜੋ:Punjab News : ਅਮਰੀਕਨ ਯੂਨੀਵਰਸਿਟੀ ਤੋਂ ਹਸ਼ਨਪ੍ਰੀਤ ਕੌਰ ਨੇ 30 ਹਜ਼ਾਰ ਡਾਲਰ ਦਾ ਵਜ਼ੀਫ਼ਾ ਜਿੱਤਿਆ  

 (For more news apart from Audi rider crushed a family that came for a walk in haryana News in Punjabi, stay tuned to Rozana Spokesman)