Three year old Ashfaq

ਨਵੀਂ ਦਿੱਲੀ : ਦਿੱਲੀ ਸਰਕਾਰ ਦੇ ਲੋਕਨਾਇਕ ਹਸਪਤਾਲ ਵਿਚ ਭਰਤੀ ਤਿੰਨ ਸਾਲ ਦੀ ਫਰਹਾਨ ਦੀ ਜਿੰਦਗੀ ਅਤੇ ਮੌਤ ਵਿਚਕਾਰ ਲੜਾਈ ਜਾਰੀ ਹੈ। ਹਾਈਕੋਰਟ ਦੇ ਹੁਕਮ ਤੋਂ ਬਾਅਦ ਵੀ ਹਸਪਤਾਲ ਪ੍ਰਬੰਧਨ ਨੇ ਬੱਚੇ ਨੂੰ ਵੈਂਟੀਲੇਟਰ ਉਪਲਬਧ ਨਹੀਂ ਕਰਵਾਇਆ ਹੈ। ਹਸਪਤਾਲ ਵਿਚ ਭਰਤੀ ਬੱਚੇ ਦੇ ਪਰਵਾਰ ਵਾਲੇ ਹੁਣ ਬੱਚੇ ਨੂੰ ਅੰਬੂ ਬੈਗ ਨਾਲ ਸਾਹ ਦੇਣ ਤੋਂ ਮਜ਼ਬੂਰ ਹਨ। ਦੂਜੇ ਪਾਸੇ ਡਾਕਟਰਾਂ ਦਾ ਤਰਕ ਹੈ ਕਿ

ਬੱਚੇ ਦੇ ਲੀਵਰ ਅਤੇ ਕਿਡਨੀ ਨੇ ਕੰਮ ਕਰਨਾ ਬੰਦ ਕਰ ਦਿਤਾ ਹੈ, ਅਤੇ ਉਸ ਦਾ ਬ੍ਰੇਨ ਡੈੱਡ ਹੋ ਚੁੱਕਿਆ ਹੈ। ਇਸ ਲਈ ਵੈਂਟੀਲੇਟਰ ਦੇਣ 'ਤੇ ਵੀ ਬੱਚੇ ਦੀ ਜਾਨ ਨਹੀਂ ਬਚਾਈ ਜਾ ਸਕਦੀ। ਲੋਕਨਾਇਕ ਹਸਪਤਾਲ ਵਿਖੇ ਭਰਤੀ ਬੱਚੇ ਦੇ ਪਿਤਾ ਅਸ਼ਫਾਕ ਦਾ ਕਹਿਣਾ ਹੈ ਕਿ ਡਾਕਟਰ ਸਾਨੂੰ ਇਹ ਕਹਿ ਰਹੇ ਹਨ ਕਿ ਬੱਚੇ ਦੇ ਲੀਵਰ ਅਤੇ ਕਿਡਨੀ ਨੇ ਕੰਮ ਕਰਨਾ ਬੰਦਾ ਕਰ ਦਿਤਾ ਹੈ,

ਅਜਿਹੇ ਵਿਚ ਵੈਂਟੀਲੇਟਰ ਦੇਣ ਦਾ ਲਾਭ ਨਹੀਂ ਹੋਵੇਗਾ। ਪਰ ਜਦ ਮੇਰੇ ਬੇਟੇ ਨੂੰ ਵੈਂਟੀਲੇਟਰ ਦੀ ਲੋੜ ਸੀ ਉਸ ਵੇਲ੍ਹੇ ਵੀ ਨਹੀਂ ਦਿਤਾ ਗਿਆ। ਡਾਕਟਰ ਮੇਰੇ ਬੇਟੇ ਨੂੰ ਬ੍ਰੇਨ ਡੈੱਡ ਦੱਸ ਰੇ ਹਨ। ਪਰ ਉਹ ਮੂਵਮੇਂਟ ਕਰ ਰਿਹਾ ਹੈ। ਜਦ ਅਸੀਂ ਉਸ ਦੇ ਪੈਰਾਂ 'ਤੇ ਹੱਥ ਲਗਾਉਂਦੇ ਹਾਂ ਉਹ ਇਸ ਨੂੰ ਮਹਿਸੂਸ ਕਰਦਾ ਹੈ। ਜੇਕਰ ਬ੍ਰੇਨ ਡੈੱਡ ਹੁੰਦਾ ਤਾਂ ਅਜਿਹਾ ਨਾ ਕਰਦਾ।

ਡਾਕਟਰ ਇਹ ਵੀ ਕਹਿ ਰਹੇ ਹਨ ਕਿ ਬੱਚਾ ਵੱਧ ਤੋਂ ਵੱਧ 10 ਦਿਨ ਤੱਕ ਜਿੰਦਾ ਰਹਿ ਸਕਦਾ ਹੈ। ਅਸ਼ਫਾਕ ਨੇ ਰੋਂਦੇ ਹੋਏ ਦੱਸਿਆ ਕਿ ਮੇਰੇ ਬਾਅਦ ਤੋਂ ਜੋ ਆਇਆ, ਉਸ ਨੂੰ ਵੈਂਟੀਲੇਟਰ ਦੇ ਦਿਤਾ ਗਿਆ। ਪਰ ਮੇਰੇ ਬੱਚੇ ਨੂੰ ਵੈਂਟੀਲੇਟਰ ਨਹੀਂ ਮਿਲਿਆ। ਹਸਪਤਾਲ ਜਾਂ ਸਰਕਾਰ ਨਾਲ ਮੇਰੀ ਕੋਈ ਦੁਸ਼ਮਨੀ ਨਹੀਂ ਹੈ। ਮੇਰੇ ਬੱਚੇ ਨੂੰ ਵੈਂਟੀਲੇਟਰ ਦੇ ਕੇ ਉਸ ਨੂੰ ਬਚਾ ਲਿਆ ਜਾਵੇ। 

ਜ਼ਿਕਰਯੋਗ ਹੈ ਕਿ ਇਸ ਮਾਮਲੇ ਨੂੰ ਲੈ ਕੇ ਅੱਜ ਦਿੱਲੀ ਸਰਕਾਰ ਨੂੰ ਹਾਈਕੋਰਟ ਵਿਚ ਅਪਣਾ ਜਵਾਬ ਵੀ ਦਾਖਲ ਕਰਨਾ ਹੈ। ਇਸ ਸਬੰਧੀ ਡਾ.ਕਿਸ਼ੋਰ ਸਿੰਘ ਨਿਰਦੇਸ਼ਕ ਲੋਕਨਾਇਕ ਹਸਪਤਾਲ ਦਾ ਕਹਿਣਾ ਹੈ ਕਿ ਬੱਚੇ ਦਾ ਬ੍ਰੇਨ ਡੈੱਡ ਹੋ ਚੁੱਕਾ ਹੈ, ਅਜਿਹੇ ਵਿਚ ਵੈਂਟੀਲੇਟਰ ਦੇ ਕੇ ਵੀ ਉਸ ਦੀ ਜਾਨ ਨੂੰ ਬਚਾਇਆ ਨਹੀਂ ਜਾ ਸਕਦਾ। ਇਸ ਲਈ ਵੈਂਟੀਲੇਟਰ ਨਹੀਂ ਦਿਤਾ ਗਿਆ ਹੈ।