ਮਨਜਿੰਦਰ ਸਿੰਘ ਸਿਰਸਾ ਸਿੱਖਾਂ ਦਾ ਸਭ ਤੋਂ ਵੱਡਾ ਦੁਸ਼ਮਣ: ਪਾਕਿ ਸਿੱਖ ਆਗੂ
ਹੋਰ ਕੀ ਕਿਹਾ ਪਾਕਿ ਸਿੱਖ ਆਗੂ ਨੇ ਮਨਜਿੰਦਰ ਸਿਰਸਾ ਬਾਰੇ, ਸੁਣੋ
ਨਵੀਂ ਦਿੱਲੀ- ਪਾਕਿਸਤਾਨ 'ਚ ਸਿੱਖ ਲੜਕੀ ਜਗਜੀਤ ਕੌਰ ਦੇ ਜ਼ਬਰੀ ਨਿਕਾਹ ਅਤੇ ਇਸਲਾਮ ਕਬੂਲ ਕਰਵਾਏ ਜਾਣ ਤੋਂ ਬਾਅਦ ਦੁਨੀਆ ਦੇ ਸਿੱਖ ਭਾਈਚਾਰੇ 'ਚ ਕਾਫੀ ਨਾਰਾਜ਼ਗੀ ਹੈ। ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਵਲੋਂ ਇਸ ਮਾਮਲੇ 'ਤੇ ਸੋਸ਼ਲ ਮੀਡੀਆ ਜ਼ਰੀਏ ਕਿਹਾ ਜਾ ਰਿਹਾ ਹੈ ਕਿ ਪਾਕਿਸਤਾਨ 'ਚ ਘੱਟ ਗਿਣਤੀ ਸੁਰੱਖਿਅਤ ਨਹੀਂ ਹਨ ਅਤੇ ਉਨ੍ਹਾਂ ਨੂੰ ਜਗਜੀਤ ਕੌਰ ਸਿੱਖ ਲੜਕੀ ਦੇ ਪਰਿਵਾਰ ਵਾਂਗ ਧੱਕਾ ਝੱਲਣਾ ਪੈ ਰਿਹਾ ਹੈ। ਜਿਸਦਾ ਕਿ ਹੁਣ ਪਾਕਿ ਦੇ ਹੀ ਸਿੱਖ ਆਗੂ ਨੇ ਸਿਰਸਾ ਨੂੰ ਕਰਾਰਾ ਜਵਾਬ ਦਿੰਦੇ ਹੋਏ ਉਨ੍ਹਾਂ ਦਾ ਸ਼ੱਕ ਦੂਰ ਕੀਤਾ ਹੈ।
ਪਾਕਿ ਸਿੱਖ ਆਗੂ ਨੇ ਸਿੱਧੇ ਸ਼ਬਦਾਂ ਵਿਚ ਸਿਰਸਾ ਨੂੰ ਸਿੱਖਾਂ ਦਾ ਦੁਸ਼ਮਣ ਹੀ ਆਖ ਦਿੱਤਾ। ਸ਼ਾਇਦ ਪਾਕਿ ਸਿੱਖ ਆਗੂ ਬਿਸ਼ਨ ਸਿੰਘ ਦੇ ਸ਼ਬਦ ਇਹ ਕਹਿਣਾ ਚਾਹੁੰਦੇ ਹਨ ਕਿ ਸੋਸ਼ਲ ਮੀਡੀਆ ਜ਼ਰੀਏ ਪਾਕਿ ਸਿੱਖਾਂ ਨੂੰ ਭੜਕਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਪਰ ਉਨ੍ਹਾਂ ਦੱਸ ਦਿੱਤਾ ਕਿ ਉਨ੍ਹਾਂ ਨੂੰ ਆਪਣੀ ਸਰਕਾਰ ਉੱਤੇ ਪੂਰਾ ਭਰੋਸਾ ਹੈ। ਦੱਸ ਦਈਏ ਕਿ ਪਹਿਲਾਂ ਵੀ ਬਾਲੀਵੁੱਡ ਅਦਾਕਾਰਾਂ ਦੀ ਪਾਰਟੀ ਦੀ ਵੀਡੀਓ ਨੂੰ ਮਨਜਿੰਦਰ ਸਿਰਸਾ ਨਸ਼ਾ ਕਰਕੇ ਬੈਠਾ ਉੜਤਾ ਬਾਲੀਵੁੱਡ ਆਖ ਚੁੱਕੇ ਹਨ। ਜਿਸਦਾ ਕਿ ਜਵਾਬ ਬਾਲੀਵੁੱਡ ਅਦਾਕਾਰ ਵਿੱਕੀ ਕੌਸ਼ਲ ਵਲੋਂ ਸਿਰਸਾ ਨੂੰ ਮਿਲ ਚੁੱਕਿਆ ਹੈ।