ਰਾਹੁਲ ਗਾਂਧੀ ਨੇ ਮੋਦੀ ਸਰਕਾਰ ਨੂੰ ਫਿਰ ਘੇਰਿਆ
ਰਾਹੁਲ ਨੇ ਟਵੀਟ ਕਰ ਕਿਹਾ, “ਬੀਜੇਪੀ ਸਰਕਾਰ ਕੁਝ ਨਿਰਮਾਣ ਨਹੀਂ ਕਰ ਸਕਦੀ।
ਨਵੀਂ ਦਿੱਲੀ: ਆਏ ਦਿਨ ਸਿਆਸਤ ਵਿਚ ਕੁੱਝ ਨਾ ਕੁੱਝ ਨਵਾਂ ਹੁੰਦਾ ਹੀ ਰਹਿੰਦਾ ਹੈ। ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਆਟੋ ਖੇਤਰ ਵਿਚ ਮੁਸੀਬਤ ਅਤੇ ਆਰਥਿਕ ਵਿਕਾਸ ਵਿਚ ਆਈ ਸੁਸਤੀ ਸਬੰਧੀ ਖ਼ਬਰਾਂ ਨੂੰ ਲੈ ਕੇ ਮੋਦੀ ਸਰਕਾਰ ‘ਤੇ ਇਲਜ਼ਾਮ ਲਗਾਇਆ ਹੈ ਕਿ ਬੀਜੇਪੀ ਸਰਕਾਰ ਦੇਸ਼ ਵਿਚ ਕੁੱਝ ਨਿਰਮਾਣ ਨਹੀਂ ਕਰ ਸਕਦੀ, ਉਹ ਸਿਰਫ ਸਦੀਆਂ ਦੀ ਮਿਹਨਤ ਨਾਲ ਬਣੀਆਂ ਸਾਡੀਆਂ ਸੰਸਥਾਵਾਂ ਨੂੰ ਤਬਾਹ ਕਰ ਸਕਦੀ ਹੈ।
ਰਾਹੁਲ ਨੇ ਟਵੀਟ ਕਰ ਕਿਹਾ, “ਬੀਜੇਪੀ ਸਰਕਾਰ ਕੁਝ ਨਿਰਮਾਣ ਨਹੀਂ ਕਰ ਸਕਦੀ। ਉਹ ਸਿਰਫ ਉਹਨਾਂ ਚੀਜ਼ਾਂ ਨੂੰ ਖ਼ਤਮ ਕਰ ਸਕਦੀ ਹੈ ਜੋ ਦਹਾਕਿਆਂ ਦੀ ਮਿਹਨਤ ਅਤੇ ਲਗਨ ਨਾਲ ਬਣਾਇਆਂ ਗਈਆਂ ਹਨ।” ਇਸ ਤੋਂ ਪਹਿਲਾਂ ਪਾਰਟੀ ਦੇ ਮੁੱਖ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਦਾਅਵਾ ਕੀਤਾ ਕਿ ਦੇਸ਼ ਦੇ ਕੁਝ ਮੰਨੇ ਪ੍ਰਮੰਨੇ ਉਦਯੋਗਪਤੀਆਂ ਦੇ ਸੁਚੇਤ ਕਰਨ ਦੇ ਬਾਵਜੂਦ ਇਹ ਸਰਕਾਰ ‘ਵਿਕਾਸ ਦੇ ਥਾਂ ਵੰਡ’ ਵਿਚ ਲੱਗੀ ਹੋਈ ਹੈ।
ਸੁਰਜੇਵਾਲਾ ਨੇ ਟਵੀਟ ਕੀਤਾ, “ਕਾਰ ਵਿਕਰੀ ‘ਚ 15 ਤੋਂ 48 ਫੀਸਦ ਤਕ ਦੀ ਗਿਰਾਵਟ, 30 ਲੋਹਾ ਕੰਪਨੀਆਂ ਬੰਦ ਹੋਈਆਂ।” ਉਹਨਾਂ ਦਾਅਵਾ ਕੀਤਾ, “ਉਦਯੋਗਕ ਖੇਤਰ ਦੇ ਮੁੱਖ ਨਾਂ ਰਾਹੁਲ ਬਜਾਜ, ਆਦੀ ਗੋਦਰੇਜ, ਨਾਰਾਇਣਮੁਰਤੀ ਨੇ ਸਮਾਜਿਕ ਵੈਰ, ਨਫ਼ਰਤ ਅਪਰਾਧ ਅਤੇ ਮੰਦੀ ਨੂੰ ਲੈ ਕੇ ਸਚੇਤ ਕੀਤਾ।” ਸੁਰਜੇਵਾਲਾ ਨੇ ਕਿਹਾ, “ਫੇਰ ਵੀ ਮੋਦੀ ਸਰਕਾਰਨ ਰੋਜਗਾਰ ਦੇ ਥਾਂ ਨਕਾਰ ਅਤੇ ਵਿਕਾਸ ਦੀ ਥਾਂ ਵੰਢ ‘ਤੇ ਧਿਆਨ ਦੇਣ ‘ਤੇ ਲੱਗੀ ਹੋਈ ਹੈ। ਇਹ ਨਿਊ ਇੰਡੀਆ ਹੈ।”
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।