ਛੱਤੀਸਗੜ੍ਹ: ਵਿਅਕਤੀ ਨੇ ਅਪਣੀ ਪਤਨੀ ਤੇ ਤਿੰਨ ਧੀਆਂ ਦਾ ਬੇਰਹਿਮੀ ਨਾਲ ਕੀਤਾ ਕਤਲ

ਜੰਜਗੀਰ: ਛੱਤੀਸਗੜ੍ਹ ਦੇ ਜੰਜਗੀਰ ਜ਼ਿਲੇ ਦੇ ਦੇਵਰੀ ਪਿੰਡ 'ਚ ਦੇਸ਼ਰਾਜ ਕਸ਼ਯਪ ਨਾਂ ਦੇ ਵਿਅਕਤੀ ਨੇ ਆਪਣੀ ਪਤਨੀ ਅਤੇ 3 ਬੇਟੀਆਂ ਦਾ ਬੇਲਚੇ ਨਾਲ ਕਤਲ ਕਰ ਦਿਤਾ। ਚਾਰਾਂ ਦੀਆਂ ਲਾਸ਼ਾਂ ਬੁੱਧਵਾਰ ਰਾਤ ਘਰ ਤੋਂ ਮਿਲੀਆਂ ਸਨ। ਘਟਨਾ ਤੋਂ ਬਾਅਦ ਮੁਲਜ਼ਮ ਘਰ ਨੂੰ ਬਾਹਰੋਂ ਤਾਲਾ ਲਗਾ ਕੇ ਫਰਾਰ ਹੋ ਗਿਆ ਸੀ। ਪੁਲਿਸ ਨੇ ਮੁਲਜ਼ਮ ਨੂੰ 2 ਅਗਸਤ ਦੀ ਰਾਤ ਨੂੰ ਗ੍ਰਿਫ਼ਤਾਰ ਕਰ ਲਿਆ।

ਇਹ ਵੀ ਪੜ੍ਹੋ: ਚੀਨ 'ਚ ਹੜ੍ਹ ਨੇ ਮਚਾਈ ਤਬਾਹੀ, 21 ਲੋਕਾਂ ਦੀ ਮੌਤ

ਜਾਣਕਾਰੀ ਅਨੁਸਾਰ ਦੇਸ਼ਰਾਜ ਕਸ਼ਯਪ ਆਪਣੀ ਪਤਨੀ ਮੋਂਗੜਾ ਬਾਈ (40) ਅਤੇ ਤਿੰਨ ਬੇਟੀਆਂ ਪੂਜਾ (16), ਭਾਗਿਆ ਲਕਸ਼ਮੀ (10) ਅਤੇ ਯਾਚਨਾ (6) ਨਾਲ ਪਿੰਡ ਦੇਵਰੀ 'ਚ ਰਹਿੰਦਾ ਸੀ। ਮੁਲਜ਼ਮ ਪਿਛਲੇ 10 ਸਾਲਾਂ ਤੋਂ ਮਾਨਸਿਕ ਰੋਗ ਦਾ ਇਲਾਜ ਕਰਵਾ ਰਿਹਾ ਸੀ। 31 ਜੁਲਾਈ ਦੀ ਰਾਤ ਨੂੰ ਖਾਣਾ ਖਾਣ ਤੋਂ ਬਾਅਦ ਮਾਂ ਅਤੇ ਤਿੰਨੇ ਧੀਆਂ ਕਮਰੇ ਵਿਚ ਸੌਣ ਲਈ ਚਲੀਆਂ ਗਈਆਂ।

ਇਹ ਵੀ ਪੜ੍ਹੋ: ਨੂਹ ਹਿੰਸਾ 'ਚ ਫਤਿਹਾਬਾਦ ਦਾ ਹੋਮਗਾਰਡ ਜਵਾਨ ਹੋਇਆ ਸ਼ਹੀਦ

ਦੋਸ਼ੀ ਦੇਸ਼ਰਾਜ ਰਾਤ ਨੂੰ ਹੀ ਉੱਠਿਆ ਅਤੇ ਸੁੱਤੀ ਹੋਈ ਪਤਨੀ ਅਤੇ ਤਿੰਨੋਂ ਬੇਟੀਆਂ ਨੂੰ ਤੇਜ਼ਧਾਰ ਹਥਿਆਰ ਨਾਲ ਮਾਰ ਦਿਤਾ।1 ਅਗਸਤ ਅਤੇ 2 ਅਗਸਤ ਨੂੰ ਦਿਨ ਭਰ ਲੋਕਾਂ ਨੇ ਪਰਿਵਾਰ ਦਾ ਕੋਈ ਮੈਂਬਰ ਨਹੀਂ ਦੇਖਿਆ, ਜਿਸ ਕਾਰਨ ਉਨ੍ਹਾਂ ਨੂੰ ਅਣਸੁਖਾਵੀਂ ਘਟਨਾ ਦਾ ਡਰ ਬਣਿਆ ਰਿਹਾ। ਗੁਆਂਢੀਆਂ ਨੇ ਸਰਪੰਚ ਨੂੰ ਮਾਮਲੇ ਦੀ ਸੂਚਨਾ ਦਿਤੀ। ਸਰਪੰਚ ਵੀ ਦੇਸ਼ਰਾਜ ਦੇ ਘਰ ਪਹੁੰਚਿਆ ਅਤੇ ਪੁਲਿਸ ਨੂੰ ਸੂਚਨਾ ਦਿਤੀ।

ਪੁਲਿਸ ਨੇ ਮੌਕੇ ’ਤੇ ਪਹੁੰਚ ਕੇ ਘਰ ਦਾ ਦਰਵਾਜ਼ਾ ਖੋਲ੍ਹਿਆ। ਅੰਦਰ ਪਤਨੀ ਮੋਂਗਰਾ ਬਾਈ ਅਤੇ ਤਿੰਨੋਂ ਧੀਆਂ ਦੀਆਂ ਲਾਸ਼ਾਂ ਖੂਨ ਨਾਲ ਲੱਥਪੱਥ ਪਈਆਂ ਸਨ। ਕਮਰੇ ਅਤੇ ਘਰ ਦੇ ਸਾਰੇ ਪਾਸੇ ਖੂਨ ਹੀ ਖੂਨ ਸੀ। ਦਰਵਾਜ਼ੇ 'ਤੇ ਇਕ ਲਾਸ਼ ਵੀ ਪਈ ਮਿਲੀ। ਧੀ ਦੀ ਲਾਸ਼ ਜ਼ਮੀਨ 'ਤੇ ਪਈ ਸੀ। ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਧੀਆਂ ਨੇ ਜਾਗ ਕੇ ਭੱਜਣ ਦੀ ਕੋਸ਼ਿਸ਼ ਕੀਤੀ ਹੋਵੇਗੀ, ਪਰ ਉਨ੍ਹਾਂ ਨੂੰ ਮੌਕਾ ਨਹੀਂ ਮਿਲਿਆ ਅਤੇ ਪਿਤਾ ਨੇ ਮਾਂ ਤੋਂ ਬਾਅਦ ਤਿੰਨ ਧੀਆਂ ਦਾ ਕਤਲ ਕਰ ਦਿਤਾ।