BSP Chief Mayawati on SP-BSP coalition and relation with Akhilesh-Dimple Yadav

ਨਵੀਂ ਦਿੱਲੀ: ਲੋਕ ਸਭਾ ਚੋਣਾਂ ਦੌਰਾਨ ਉਤਰ ਪ੍ਰਦੇਸ਼ ਵਿਚ ਬਣੇ ਸਪਾ-ਬਸਪਾ ਗਠਜੋੜ 'ਤੇ ਫਿਲਹਾਲ ਬ੍ਰੇਕ ਲਗ ਗਈ ਹੈ। ਮੰਗਲਵਾਰ ਨੂੰ ਬਸਪਾ ਮੁੱਖੀ ਮਾਇਆਵਤੀ ਨੇ ਪ੍ਰੈਸ ਕਾਨਫਰੰਸ ਕਰਕੇ ਅਪਣੀ ਪਾਰਟੀ ਦਾ ਰੁੱਖ ਸਪਸ਼ਟ ਕੀਤਾ। ਉਹਨਾਂ ਨੇ ਕਿਹਾ ਕਿ ਸਪਾ ਬਸਪਾ ਗਠਜੋੜ ਹਮੇਸ਼ਾ ਲਈ ਨਹੀਂ ਟੁੱਟਿਆ, ਬਸ ਕੁਝ ਸਮੇਂ ਲਈ ਹੀ ਬ੍ਰੇਕ ਲਾਈ ਹੈ। ਜੇਕਰ ਭਵਿੱਖ ਵਿਚ ਸਪਾ ਮੁੱਖੀ ਅਪਣੇ ਰਾਜਨੀਤਿਕ ਕਾਰਜਾਂ ਵਿਚ ਸਫਲ ਹੋਣਗੇ ਤਾਂ ਫਿਰ ਨਾਲ ਹੋਣਗੇ।

ਅਸਲ ਵਿਚ ਰਾਜ ਦੀਆਂ 11 ਸੀਟਾਂ 'ਤੇ ਉਪ ਚੋਣਾਂ ਵਿਚ ਬੀਐਸਪੀ ਦੇ ਇਕੱਲੇ ਲੜਨ ਦੇ ਫੈਸਲੇ ਤੋਂ ਬਾਅਦ ਗਠਜੋੜ ਟੁੱਟਣ ਦੀ ਕਿਨਾਰੇ 'ਤੇ ਮੰਨਿਆ ਜਾਂਦਾ ਸੀ। ਮਾਇਆਵਤੀ ਨੇ ਅਖਿਲੇਸ਼ ਅਤੇ ਡਿੰਪਲ ਯਾਦਵ ਨਾਲ ਅਪਣੇ ਰਿਸ਼ਤੇ 'ਤੇ ਕਿਹਾ ਕਿ ਸਪਾ ਅਤੇ ਬਸਪਾ ਗਠਜੋੜ ਹੋਣ ਤੋਂ ਬਾਅਦ ਸਪਾ ਆਗੂ ਅਖਿਲੇਸ਼ ਯਾਦਵ ਅਤੇ ਉਹਨਾਂ ਦੀ ਪਤਨੀ ਡਿੰਪਲ ਯਾਦਵ ਆਦਰ ਸਨਮਾਨ ਨਾਲ ਅਪਣਾ ਵੱਡਾ ਅਤੇ ਆਦਰਸ਼ ਮੰਨ ਕੇ ਉਹਨਾਂ ਦੀ ਇੱਜ਼ਤ ਕਰਦੇ ਹਨ।

ਮਾਇਆਵਤੀ ਨੇ ਉਹਨਾਂ ਨੂੰ ਅਪਣੇ ਸਾਰੇ ਪੁਰਾਣੇ ਗਿਲੇ ਸ਼ਿਕਵਿਆਂ ਨੂੰ ਭੁਲ ਕੇ ਵਿਆਪਕ ਦੇਸ਼ ਅਤੇ ਜਨਹਿਤ ਵੱਲ ਹੋਰ ਵਧਣ ਦੇ ਨਾਤੇ ਉਹਨਾਂ ਨੂੰ ਅਪਣੇ ਪਰਵਾਰ ਦੇ ਮੈਂਬਰਾਂ ਵਾਂਗ ਪੂਰਾ ਸਨਮਾਨ ਦਿੱਤਾ ਹੈ। ਬਸਪਾ ਸੁਪਰੀਮੋ ਨੇ ਕਿਹਾ ਕਿ ਉਹਨਾਂ ਦੇ ਰਿਸ਼ਤੇ ਕੇਵਲ ਅਪਣੇ ਰਾਜਨੀਤਿਕ ਸਵਾਰਥ ਲਈ ਨਹੀਂ ਬਣੇ ਸਗੋਂ ਇਹ ਰਿਸ਼ਤੇ ਅੱਗੇ ਵੀ ਹਰ ਸੁਖ ਦੁਖ ਦੀ ਘੜੀ ਵਿਚ ਹਮੇਸ਼ਾ ਇਸ ਤਰ੍ਹਾਂ ਕਾਇਮ ਰਹਿਣਗੇ। ਇਹ ਰਿਸ਼ਤੇ ਕਦੇ ਵੀ ਖਤਮ ਨਹੀਂ ਹੋਣ ਵਾਲੇ।

ਅਜਿਹੇ ਵਿਚ ਰਾਜਨੀਤਿਕ ਮਜ਼ਬੂਰੀਆਂ ਨੂੰ ਵੀ ਨਜ਼ਰ ਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ। ਇਸ ਲਈ ਲੋਕ ਸਭਾ ਚੋਣਾਂ ਵਿਚ ਜੋ ਨਤੀਜੇ ਸਾਹਮਣੇ ਆਏ ਹਨ ਉਸ 'ਤੇ ਦੁਖ ਨਾਲ ਕਹਿਣਾ ਪੈ ਰਿਹਾ ਹੈ ਕਿ ਸਪਾ ਦਾ ਬੇਸ ਵੋਟ ਯਾਦਵ ਸਮੁਦਾਇ ਅਪਣੇ ਯਾਦਵ ਸੰਭਾਵੀ ਸੀਟਾਂ ਵਿਚ ਵੀ ਸਪਾ ਨਾਲ ਪੂਰੀ ਮਜ਼ਬੂਤੀ ਨਾਲ ਟਿਕਿਆ ਨਹੀਂ ਰਹਿ ਸਕਦਾ।

ਇਸ ਤੋਂ ਇਕ ਦਿਨ ਪਹਿਲਾਂ ਦਿੱਲੀ ਵਿਚ ਵਰਕਰਾਂ ਨਾਲ ਇਕ ਬੈਠਕ ਵਿਚ ਮਾਇਆਵਤੀ ਨੇ ਟਿੱਪਣੀ ਕੀਤੀ ਸੀ ਕਿ ਅਖਿਲੇਸ਼ ਅਪਣੀ ਪਤਨੀ ਡਿੰਪਲ ਨੂੰ ਜਿੱਤਾ ਨਹੀਂ ਸਕਿਆ। ਡਿੰਪਲ ਯਾਦਵ ਨੇ ਕਨੌਜ ਤੋਂ ਚੋਣਾਂ ਲੜੀਆਂ ਸਨ। ਦੋ ਵਾਰ ਦੀ ਸਾਂਸਦ ਡਿੰਪਲ ਯਾਦਵ ਅਪਣੀ ਕਨੌਜ ਸੀਟ ਭਾਜਪਾ ਤੋਂ ਹਾਰ ਗਈ ਸੀ। ਉਹਨਾਂ ਨੇ ਕਿਹਾ ਸੀ ਕਿ ਕਨੌਜ ਵਿਚ ਯਾਦਵ ਵੋਟ ਨਹੀਂ ਮਿਲੇ ਉਹਨਾਂ ਦੀਆਂ ਸਾਰੀਆਂ ਵੋਟਾਂ ਡਿੰਪਲ ਨੂੰ ਮਿਲੀਆਂ ਹਨ।