Narendra Modi

ਨਵੀਂ ਦਿੱਲੀ, ਨਰਿੰਦਰ ਮੋਦੀ ਨੇ ਮੰਗਲਵਾਰ ਨੂੰ ਪ੍ਰਧਾਨ ਮੰਤਰੀ ਘਰ ਯੋਜਨਾ ਦੇ ਲਾਭਪਾਤਰੀਆਂ ਨਾਲ ਐਪ 'ਤੇ ਗੱਲ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਸਾਡੀ ਸਰਕਾਰ ਦਾ ਟੀਚਾ 2022 ਤੱਕ ਸਾਰਿਆ ਨੂੰ ਘਰ ਦੇਣ ਦਾ ਹੈ।

ਸਰਕਾਰੀ ਯੋਜਨਾਵਾਂ ਦੇ ਲਾਭਪਾਤਰੀਆਂ ਨਾਲ ਸਿੱਧਾ ਰੁ ਬ ਰੁ ਹੋਣਾ ਬਹੁਤ ਚੰਗਾ ਲੱਗਦਾ ਹੈ। ਹਰ ਇਕ ਦਾ ਸੁਪਨਾ ਹੁੰਦਾ ਹੈ, ਉਸ ਦਾ ਇੱਕ ਆਪਣਾ ਘਰ ਹੋਵੇ ਅਤੇ ਆਜ਼ਾਦੀ ਦੇ ਕਈ ਸਾਲਾਂ ਬਾਅਦ ਵੀ ਗਰੀਬਾਂ ਦੀ ਇੱਛਾ ਅਜੇ ਅਧੂਰੀ ਹੈ। ਉਨ੍ਹਾਂ ਨੇ ਕਿਹਾ -  ਇੱਕ ਜਿੰਦਗੀ ਲੰਘ ਜਾਂਦੀ ਹੈ, ਆਪਣਾ ਘਰ ਬਣਾਉਣ ਵਿਚ ਪਰ ਇਹ ਦੂਜੀ  ਸਰਕਾਰ ਹੈ ਅਤੇ ਹੁਣ ਕਹਾਵਤ ਬਦਲ ਰਹੀ ਹੈ।

ਹੁਣ ਕਹਾਵਤ ਹੋਵੇਗੀ -  ਹੁਣ ਜਿੰਦਗੀ ਲੰਘਦੀ ਹੈ ਆਪਣੇ ਹੀ ਸੁਪਨਿਆਂ ਦੇ ਘਰ ਵਿਚ। ਉਨ੍ਹਾਂ ਨਾਲ ਇਹ ਵੀ ਕਿਹਾ ਕਿ ਜੇਕਰ ਇਸ ਯੋਜਨਾ ਲਈ ਕੋਈ ਉਨ੍ਹਾਂ ਕੋਲੋਂ ਪੈਸੇ ਦੀ ਮੰਗ ਕਰਦਾ ਹੈ ਤਾਂ ਉਸਦੀ ਤੁਰਤ ਸ਼ਿਕਾਇਤ ਕਰੋ। 

ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਤਿੰਨ ਸਰਕਾਰੀ ਯੋਜਨਾ ਦੇ ਲਾਭਪਾਤਰੀਆਂ ਨਾਲ ਗੱਲ ਕਰ ਚੁੱਕੇ ਹਨ ਮੋਦੀ। ਮੋਦੀ ਨੇ 28 ਮਈ ਨੂੰ ਨਮੋ ਐਪ ਦੁਆਰਾ ਉੱਜਵਲਾ ਯੋਜਨਾ ਦੇ ਲਾਭਪਾਤਰੀਆਂ ਨਾਲ ਗੱਲ ਕੀਤੀ ਸੀ। ਇਸ ਤੋਂ ਬਾਅਦ, 29 ਮਈ ਨੂੰ ਮੁਦਰਾ ਯੋਜਨਾ ਦੇ ਲਾਭਪਾਤਰੀਆਂ ਨਾਲ ਉਨ੍ਹਾਂ ਦੇ ਅਨੁਭਵ ਸਾਂਝੇ ਕੀਤੇ। ਇਸ ਤੋਂ ਬਾਅਦ ਸਕਿਲ ਇੰਡਿਆ ਦੇ ਲਾਭਪਾਤਰੀਆਂ ਨਾਲ ਵੀ ਗੱਲਬਾਤ ਕੀਤੀ।