ਨਵੀਂ ਦਿੱਲੀ: ਸ਼ਿਵਸੈਨਾ ਕੌਂਸਲਰ ਅਤੇ ਮੁੰਬਈ ਦੇ ਸਾਬਕਾ ਮੇਅਰ ਮਿਲਿੰਦ ਵੈਦਯ ਦੀ ਵੀਡੀਉ ਸੋਸ਼ਲ ਮੀਡੀਆ 'ਤੇ ਛਾਈ ਹੋਈ ਹੈ। ਇਸ ਵੀਡੀਉ ਵਿਚ ਮਿਲਿੰਦ ਵੈਦਯ ਇਕ ਟ੍ਰਕ ਡ੍ਰਾਈਵਰ ਨੂੰ ਥੱਪੜ ਮਾਰਦੇ ਅਤੇ ਅਪਸ਼ਬਦਾਂ ਦਾ ਇਸਤੇਮਾਲ ਕਰਦੇ ਨਜ਼ਰ ਆ ਰਹੇ ਹਨ। ਉਹਨਾਂ ਦੀ ਇਹ ਵੀਡੀਉ ਮੁੰਬਈ ਦੇ ਮਹਿਮ ਏਰੀਏ ਦੀ ਹੈ। ਇਸ ਵੀਡੀਉ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਸ਼ਿਵਸੈਨਾ ਕੌਂਸਲਰ ਮਿਲਿੰਦ ਵੈਦਯ ਕਹਿ ਰਹੇ ਹਨ ਕਿ ਟਰੱਕਾਂ ਦੀ ਗੈਰ ਕਾਨੂੰਨੀ ਪਾਰਕਿੰਗ ਦੀ ਵਜ੍ਹਾ ਨਾਲ ਇਹ ਸਥਾਨਕ ਲੋਕਾਂ ਨੂੰ ਕਾਫ਼ੀ ਦਿੱਕਤਾਂ ਨਜ਼ਰ ਆ ਰਹੀਆਂ ਹਨ।
ਇਸ ਏਰੀਏ ਵਿਚ ਮੀਟ ਨਾਲ ਭਰੇ ਟਰੱਕਾਂ ਦੀ ਪਾਰਕਿੰਗ ਨੂੰ ਲੈ ਕੇ ਵਿਵਾਦ ਹੋਇਆ ਸੀ। ਮੀਟ ਨਾਲ ਭਰੇ ਟਰੱਕਾਂ ਦੀ ਗੈਰ ਕਾਨੂੰਨੀ ਪਾਰਕਿੰਗ ਤੋਂ ਭੜਕੇ ਸ਼ਿਵਸੈਨਾ ਕੌਂਸਲਰ ਵੈਦਯ ਨੇ ਟਰੱਕ ਡ੍ਰਾਈਵਰਾਂ ਨਾਲ ਮਾਰਕੁੱਟ ਕੀਤੀ। ਇਸ ਵੀਡੀਉ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਮਿਲਿੰਦ ਵੈਦਯ ਨਾਲ ਇਕ ਹੋਰ ਵਿਅਕਤੀ ਵੀ ਸੀ ਅਤੇ ਉਹ ਵੀ ਮਾਰਕੁੱਟ ਕਰਦਾ ਨਜ਼ਰ ਆ ਰਿਹਾ ਹੈ।
ਇਸ ਵੀਡੀਉ ਵਿਚ ਸ਼ਿਵਸੈਨਾ ਕੌਂਸਲਰ ਕਹਿਣਾ ਹੈ ਕਿ ਉਹਨਾਂ ਨੇ ਕਈ ਵਾਰ ਟਰੱਕਾਂ ਦੀ ਗੈਰ ਕਾਨੂੰਨੀ ਪਾਰਕਿੰਗ ਦੀ ਸ਼ਿਕਾਇਤ ਬੀਐਮਸੀ ਨੂੰ ਕੀਤੀ ਸੀ ਪਰ ਹੁਣ ਤਕ ਕੋਈ ਜਵਾਬ ਨਹੀਂ ਮਿਲਿਆ। ਇਹ ਘਟਨਾ ਕਦੋਂ ਹੋਈ ਇਸ ਦੀ ਜਾਣਕਾਰੀ ਨਹੀਂ ਹੈ। ਬੀਤੇ ਦਿਨਾਂ ਵਿਚ ਕਾਂਗਰਸ ਵਿਧਾਇਕ ਨਿਤੇਣ ਰਾਣੇ ਅਪਣੇ 16 ਸਮਰਥਕਾਂ ਨੇ ਇਕ ਇੰਜੀਨੀਅਰ ਤੇ ਚਿੱਕੜ ਸਿੱਟਿਆ ਸੀ ਅਤੇ ਫਿਰ ਇੰਜੀਨੀਅਰ ਨੂੰ ਪੁੱਲ ਨਾਲ ਬੰਨ ਦਿੱਤਾ ਗਿਆ ਸੀ। ਇਸ ਮਾਮਲੇ ਵਿਚ ਉਹਨਾਂ ਦੀ ਗ੍ਰਿਫ਼ਤਾਰੀ ਹੋਈ ਸੀ।