5G

ਨਵੀਂ ਦਿੱਲੀ (ਭਾਸ਼ਾ) :- ਭਾਰਤ ਵਿਚ 2019 ਦੀ ਪਹਿਲੀ ਤੀਮਾਹੀ ਵਿਚ ਨਵੀਂ ਦਿੱਲੀ ਵਿਚ 5G ਸੇਵਾ ਦਾ ਟ੍ਰਾਇਲ ਕੀਤਾ ਜਾਵੇਗਾ ਪਰ ਨੀਦਰਲੈਂਡ ਵਿਚ 5ਜੀ ਸਰਵਿਸ ਦੀ ਟੈਸਟਿੰਗ ਨਾਲ ਜੁੜੀ ਇਕ ਖਬਰ ਨੇ ਸਾਰਿਆ ਨੂੰ ਚੌਂਕਾ ਦਿਤਾ ਹੈ। ਪੰਛੀਆਂ ਲਈ ਇਸ ਦੀ ਟੈਸਟਿੰਗ ਕਾਲ ਬਣ ਕੇ ਆਈ ਅਤੇ ਕਰੀਬ 300 ਬੇਜ਼ੁਬਾਨਾਂ ਦੀ ਜਾਨ ਚਲੀ ਗਈ।

ਅਜਿਹੇ ਵਿਚ ਸਵਾਲ ਖੜੇ ਹੋ ਰਹੇ ਹਨ ਕੀ ਭਾਰਤ ਵੀ ਇਸ ਰਿਪੋਰਟ ਤੋਂ ਕੋਈ ਸਬਕ ਲਵੇਗਾ। ਗੈਲੈਕਟਿਕ ਕਨੈਕਸ਼ਨ ਵੈਬਸਾਈਟ ਦੀ ਇਕ ਖ਼ਬਰ ਦੇ ਮੁਤਾਬਕ ਕਰੀਬ ਇਕ ਹਫ਼ਤੇ ਪਹਿਲਾਂ ਦੀ ਗੱਲ ਹੈ। ਨੀਦਰਲੈਂਡ ਦੇ ਸ਼ਹਿਰ 'ਹੇਗ' ਦੇ ਪਾਰਕ ਵਿਚ ਕਈ ਪੰਛੀਆਂ ਦੀ ਮੌਤ ਹੋ ਗਈ। ਸ਼ੁਰੂਆਤ ਵਿਚ ਲੋਕਾਂ ਨੇ ਇਸ ਖ਼ਬਰ 'ਤੇ ਧਿਆਨ ਨਹੀਂ ਦਿਤਾ ਪਰ ਜਦੋਂ ਮਰਨ ਵਾਲੇ ਪੰਛੀਆਂ ਦੀ ਤਾਦਾਦ 300 ਦੇ ਕਰੀਬ ਪਹੁੰਚ ਗਈ ਤਾਂ ਮੀਡੀਆ ਦਾ ਧਿਆਨ ਇਸ 'ਤੇ ਗਿਆ।

ਸ਼ੁਰੂਆਤੀ ਜਾਂਚ - ਪੜਤਾਲ ਵਿਚ ਸਾਹਮਣੇ ਆਇਆ ਕਿ ਡਚ ਰੇਲਵੇ ਸਟੇਸ਼ਨ ਉੱਤੇ 5G ਦੀ ਟੈਸਟਿੰਗ ਕੀਤੀ ਗਈ। ਟੇਸਟਿੰਗ ਦੇ ਤੱਤਕਾਲ ਬਾਅਦ ਆਸਪਾਸ ਦੇ ਪੰਛੀ ਰੁੱਖਾਂ ਤੋਂ ਡਿੱਗਣ ਲੱਗੇ। ਆਸਪਾਸ ਦੇ ਤਾਲਾਬਾਂ ਦੀਆਂ ਬੱਤਖਾਂ ਨੇ ਅਜੀਬ ਵਿਵਹਾਰ ਪ੍ਰਦਰਸ਼ਨ ਕੀਤਾ। ਰੇਡੀਏਸ਼ਨ ਤੋਂ ਬਚਣ ਲਈ ਉਹ ਵਾਰ - ਵਾਰ ਅਪਣਾ ਸਿਰ ਪਾਣੀ ਵਿਚ ਡੁਬੋਂਦੀਆਂ ਨਜ਼ਰ  ਆਈਆਂ। ਕੁੱਝ ਉਥੋਂ ਭੱਜ ਗਈਆਂ।

ਹਾਲਾਂਕਿ ਆਧਿਕਾਰਿਕ ਤੌਰ ਉੱਤੇ ਇਸ ਦੀ ਪੁਸ਼ਟੀ ਨਹੀਂ ਹੋਈ। ਡਚ ਫੂਡ ਐਂਡ ਉਪਭੋਗਤਾ ਉਤਪਾਦ ਸੇਫਟੀ ਅਥਾਰਿਟੀ ਦਾ ਕਹਿਣਾ ਹੈ ਕਿ ਮਰੇ ਹੋਏ ਪੰਛੀਆਂ ਦੀ ਲੈਬ ਵਿਚ ਟੈਸਟਿੰਗ ਹੋ ਰਹੀ ਹੈ। ਮ੍ਰਿਤਕ ਪਾਏ ਗਏ ਪੰਛੀਆਂ ਵਿਚ ਜ਼ਹਿਰ ਦੇ ਕੋਈ ਨਿਸ਼ਾਨ ਨਹੀਂ ਮਿਲੇ ਪਰ ਭਾਰੀ ਮਾਤਰਾ ਵਿਚ ਅੰਦਰੂਨੀ ਰਕਤਸਰਾਵ ਹੋਇਆ ਜਿਸ ਦੇ ਚਲਦੇ ਮੌਤ ਹੋਈ। 

2.0 ਫਿਲਮ 'ਚ ਚੁੱਕਿਆ ਇਸ ਮੁੱਦੇ ਨੂੰ - ਹਾਲ ਹੀ ਵਿਚ ਰਿਲੀਜ਼ ਹੋਈ 2.0 ਫਿਲਮ ਵਿਚ ਵੀ ਇਸ ਮੁੱਦੇ ਨੂੰ ਚੁੱਕਿਆ ਗਿਆ ਹੈ। ਫਿਲਮ ਵਿਚ ਅਕਸ਼ੈ ਕੁਮਾਰ ਇਕ ਅਜਿਹੀ ਭੂਮਿਕਾ ਵਿਚ ਹਨ ਜੋ ਲੋਕਾਂ ਨੂੰ ਇਲੈਕਟ੍ਰੋਮੈਗਨੈਟਿਕ ਫੀਲਡ ਰੇਡੀਏਸ਼ਨ (ਈਐਮਐਫ) ਦੇ ਪ੍ਰਭਾਵ ਤੋਂ ਲੋਕਾਂ ਦੀ ਜਾਗਰੂਕ ਕਰਦਾ ਹੈ। ਫਿਲਮ ਵਿਚ ਦਿਖਾਇਆ ਗਿਆ ਹੈ ਕਿ ਰੇਡੀਏਸ਼ਨ ਦੇ ਪ੍ਰਭਾਵ ਨਾਲ ਪੰਛੀਆਂ ਦੀ ਮੌਤ ਹੋ ਰਹੀ ਹੈ।

ਫਿਲਮ ਸਾਫ਼ ਸੁਨੇਹਾ ਦਿੰਦੀ ਹੈ ਕਿ ਮੋਬਾਈਲ ਅਤੇ ਟਾਵਰ ਤੋਂ ਨਿਕਲਣ ਵਾਲੇ ਰੇਡੀਏਸ਼ਨ ਨਾਲ ਪੰਛੀ ਕਾਲ ਦੇ ਗਾਲ ਵਿਚ ਸਮਾ ਰਹੇ ਹਨ। ਫਿਲਮ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਜੋ ਵੀ ਮੋਬਾਈਲ ਦਾ ਯੂਜ ਕਰਦਾ ਹੈ, ਉਹ ਪੰਛੀਆਂ ਦਾ ਹਤਿਆਰਾ ਹੈ। ਕਈ ਮਾਹਿਰਾਂ ਦਾ ਕਹਿਣਾ ਹੈ ਕਿ ਸ਼ਹਿਰੀ ਖੇਤਰਾਂ ਵਿਚ ਜਿੱਥੇ ਮੋਬਾਈਲ ਟਾਵਰ ਦੀ ਗਿਣਤੀ ਬਹੁਤ ਜ਼ਿਆਦਾ ਹੈ, ਉੱਥੇ ਇਨ੍ਹਾਂ ਤੋਂ ਨਿਕਲਣ ਵਾਲੇ ਰੇਡੀਏਸ਼ਨ ਪੰਛੀਆਂ ਲਈ ਤਨਾਅ ਵਾਲੀਆਂ ਸਥਿਤੀਆਂ ਪੈਦਾ ਕਰਦੇ ਹਨ।    

ਜੂਹੀ ਚਾਵਲਾ ਨੇ ਵੀ 5ਜੀ ਨੂੰ ਲੈ ਕੇ ਜਤਾਈ ਸੀ ਚਿੰਤਾ - ਬਾਲੀਵੁਡ ਅਦਾਕਾਰਾ ਜੂਹੀ ਚਾਵਲਾ ਮੇਹਤਾ ਮੋਬਾਈਲ ਟਾਵਰ ਰੇਡੀਏਸ਼ਨ ਦੇ ਮੁੱਦੇ ਨੂੰ ਲੈ ਕੇ ਸੁਪਰੀਮ ਕੋਰਟ ਜਾ ਚੁੱਕੀ ਹੈ। ਜੂਹੀ ਨੇ ਅਪਣੀ ਪਟੀਸ਼ਨ ਵਿਚ ਸਿਹਤ ਖਤਰਿਆਂ ਨੂੰ ਘੱਟ ਤੋਂ ਘੱਟ ਕਰਨ ਲਈ ਰੇਡੀਏਸ਼ਨ ਨੂੰ ਘੱਟ ਕਰਨ ਦੇ ਨਿਅਮਨ ਤੈਅ ਕੀਤੇ ਜਾਣ ਦੀ ਅਪੀਲ ਕੀਤੀ ਸੀ। ਇਸ ਤੋਂ ਪਹਿਲਾਂ ਫਰਵਰੀ ਮਹੀਨੇ ਵਿਚ ਜੂਹੀ ਚਾਵਲਾ ਨੇ ਮੋਬਾਈਲ ਫੋਨ ਦੀ 5ਜੀ ਤਕਨੀਕ ਨੂੰ ਲੈ ਕੇ ਚਿੰਤਾ ਜਤਾਉਂਦੇ ਹੋਏ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦੇਵਿੰਦਰ ਫੜਨਵੀਸ ਨੂੰ ਪੱਤਰ ਲਿਖਿਆ ਸੀ।

ਉਨ੍ਹਾਂ ਨੇ ਮੋਬਾਈਲ ਟਾਵਰ ਅੰਟੀਨਾ ਅਤੇ ਵਾਈ-ਫਾਈ ਹਾਟਸਪਾਟ ਤੋਂ ਨਿਕਲਣ ਵਾਲੀ ਇਲੈਕਟ੍ਰੋਮੈਗਨੈਟਿਕ ਰੇਡੀਏਸ਼ਨ (ਐਮਐਫ) ਦੇ ਕਾਰਨ ਸਿਹਤ ਨੂੰ ਪੁੱਜਣ ਵਾਲੇ ਨੁਕਸਾਨ ਦੇ ਪ੍ਰਤੀ ਚਿਤਾਵਨੀ ਦਿਤੀ ਸੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਲੋਕਾਂ ਦੀ ਸਿਹਤ 'ਤੇ ਰੇਡੀਉਫ੍ਰੀਕੁਐਂਸੀ ਦੇ ਸੰਭਾਵੀ ਨੁਕਸਾਨਦਾਇਕ ਪ੍ਰਭਾਵਾਂ ਦਾ ਵਿਸ਼ਲੇਸ਼ਣ ਕੀਤੇ ਬਿਨਾਂ ਇਸ ਨੂੰ ਲਾਗੂ ਨਹੀਂ ਕਰਨਾ ਚਾਹੀਦਾ। ਜੂਹੀ ਨੇ ਪੁੱਛਿਆ ਸੀ ਕਿ ਕੀ ਇਸ ਨਵੀਂ ਤਕਨੀਕ 'ਤੇ ਜਾਂਚ ਕੀਤੀ ਗਈ ਹੈ?