ਨਵੀਂ ਦਿੱਲੀ- ਅਯੁੱਧਿਆ ਵਿਚ ਰਾਮ ਮੰਦਰ ਦੇ ਨਿਰਮਾਣ ਦਾ ਮੁੱਦਾ ਕੋਈ ਨਵਾਂ ਨਹੀਂ ਹੈ। ਕਈ ਸਾਲਾਂ ਤੋਂ ਰਾਮ ਮੰਦਰ ਦੀ ਮੰਗ ਹੈ। ਪਰ ਹਰ ਆਮ ਚੋਣਾਂ ਤੋਂ ਪਹਿਲਾਂ ਰਾਮ ਮੰਦਰ ਦਾ ਮੁੱਦਾ ਉੱਠਣ ਲੱਗਦਾ ਹੈ ਅਤੇ ਬਾਕੀ ਮੁੱਦੇ ਕੁਝ ਸਮੇਂ ਲਈ ਠੰਢੇ ਪੈ ਜਾਂਦੇ ਹਨ। ਅਜਿਹੇ ਮੌਕੇ ਵਿਚ ਇੱਥੋ ਦੇ ਲੋਕ ਹੋਰ ਕੀ ਚਾਹੁੰਦੇ ਹਨ, ਇਹ ਜਾਣਨਾ ਵੀ ਦਿਲਚਸਪ ਹੋ ਗਿਆ ਹੈ।

ਦੇਸ਼ਾਂ ਵਿਚ ਬਣੇ ਚੋਣਾਂ ਦੇ ਮਾਹੌਲ ਵਿਚ ਸਾਰੇ ਦਲਾਂ ਦੇ ਲਈ ਲੋਕਸਭਾਂ ਚੋਣਾਂ 2019 ਦੀ ਲੜਾਈ ਕਿਸੇ ਮਹਾਂਸੰਗਰਾਮ ਤੋਂ ਘੱਟ ਨਹੀਂ ਹੈ। ਖਾਸ ਕਰਕੇ 80 ਲੋਕਸਭਾਂ ਸੀਟਾਂ ਵਾਲੇ ਉੱਤਰ ਪ੍ਰਦੇਸ਼ ਦੇ ਲੋਕਾਂ ਦਾ ਮਿਜਾਜ਼ ਸਮਝਣ ਲਈ ਸਾਰੇ ਦਲ ਲੱਗੇ ਹੋਏ ਹਨ। ਉੱਤਰ ਪ੍ਰਦੇਸ਼ ਦਾ ਅਯੁੱਧਿਆ, ਜਿਸ ਉੱਤੇ ਪੂਰੇ ਦੇਸ਼ ਦੀ ਨਜ਼ਰ ਰਹਿੰਦੀ ਹੈ। ਪਰ ਕੁੱਝ ਲੋਕਾਂ ਨੇ ਕਿਹਾ ਰਾਮ ਮੰਦਰ ਦੇ ਇਲਾਵਾ ਵੀ ਇੱਥੇ ਹੋਰ ਕਈ ਜ਼ਰੂਰੀ ਮੁੱਦੇ ਹਨ।