Sniper Attack In Jammu and Kashmir

ਸ੍ਰੀਨਗਰ : ਜੰਮੂ-ਕਸ਼ਮੀਰ ਦੇ ਸੁੰਦਰਬਨੀ ਸੈਕਟਰ 'ਚ ਕੰਟਰੋਲ ਰੇਖਾ ਤੋਂ ਪਾਰ ਤੋਂ ਹੋਏ ਸਨਾਈਪਰ ਹਮਲੇ 'ਚ ਬੀ.ਐਸ.ਐਫ਼. ਦਾ ਇਕ ਜਵਾਨ ਸ਼ਹੀਦ ਹੋ ਗਿਆ ਅਤੇ ਦੂਜਾ ਜ਼ਖ਼ਮੀ ਹੋ ਗਿਆ। ਅਧਿਕਾਰੀ ਨੇ ਕਿਹਾ ਕਿ ਘਟਨਾ ਸ਼ਾਮ ਸਮੇਂ ਰਾਖੀ ਚੌਕੀ 'ਤੇ ਹੋਈ। ਇਸ ਸੈਕਟਰ 'ਚ ਸੀਮਾ ਸੁਰੱਖਿਆ ਬਲ (ਬੀ.ਐਸ.ਐਫ਼.) ਦੀ 126ਵੀਂ ਬਟਾਲੀਅਲ ਦੇ ਜਵਾਨ ਤੈਨਾਤ ਹਨ।

ਉਨ੍ਹਾਂ ਕਿਹਾ ਕਿ ਸਿਪਾਹੀ ਬੀ. ਬਿਸ਼ਵਾਸ ਦੇ ਖੱਬੇ ਮੋਢੇ 'ਚ ਗੋਲੀ ਲੱਗੀ, ਜਦਕਿ ਸਿਪਾਹੀ ਮਨਸਾ ਰਾਮ ਦੇ ਪੱਟ 'ਚ ਗੋਲੀ ਲੱਗੀ। ਦੋਹਾਂ ਨੂੰ ਹੈਲੀਕਾਪਟਰ ਰਾਹੀਂ ਸਥਾਨਕ ਹਸਪਤਾਲ ਲਿਆਂਦਾ ਗਿਆ ਪਰ ਬਿਸ਼ਵਾਸ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਕਿਹਾ ਕਿ ਦੂਜੇ ਜਵਾਨ ਦੀ ਹਾਲਤ ਠੀਕ ਹੈ।                  (ਪੀਟੀਆਈ)