ਤਾਈਪੇ: ਚੀਨ ਵਿਚ ਸੂਬਾ ਸਰਕਾਰਾਂ ਨੇ ਕੋਰੋਨਾ ਵਾਇਰਸ ਦੀ ਰੋਕਥਾਮ ਲਈ ਪ੍ਰਯੋਗਾਤਮਕ ਅਤੇ ਸਵਦੇਸ਼ੀ ਟੀਕਿਆਂ ਦੇ ‘ਆਰਡਰ’ ਦੇਣੇ ਸ਼ੁਰੂ ਕਰ ਦਿਤੇ ਹਨ ਪਰ ਸਿਹਤ ਅਧਿਕਾਰੀਆਂ ਨੇ ਹਾਲੇ ਤਕ ਇਹ ਨਹੀਂ ਦਸਿਆ ਕਿ ਇਹ ਟੀਕੇ ਕਿੰਨੇ ਕਾਰਗਰ ਹਨ ਜਾਂ ਇਨ੍ਹਾਂ ਨੂੰ ਦੇਸ਼ ਦੇ 14 ਅਰਬ ਲੋਕਾਂ ਤਕ ਕਿਵੇਂ ਪਹੁੰਚਾਇਆ ਜਾਵੇਗੇ? ਚੀਨ ਦੇ ਵਿਦੇਸ਼ ਮੰਤਰੀ ਨੇ ਪਿਛਲੇ ਹਫ਼ਤੇ ਸੰਯੁਕਤ ਰਾਸ਼ਟਰ ਦੀ ਇਕ ਬੈਠਕ ਵਿਚ ਕਿਹਾ ਸੀ ਕਿ ਟੀਕਾ ਬਨਾਉਣ ਵਾਲੇ ਆਖ਼ਰੀ ਪ੍ਰੀਖਣ ਨੂੰ ਪੂਰਾ ਕਰਨ ਦਾ ਕੰਮ ਤੇਜ਼ੀ ਨਾਲ ਕਰ ਰਹੇ ਹਨ।

 ਜਿਆਂਗਸੂ ਸੂਬੇ ਦੀ ਸਰਕਾਰ ਨੇ ਐਮਰਜੇਂਸੀ ਉਪਯੋਗ ਲਈ ਬੁਧਵਾਰ ਨੂੰ ‘ਸਿਨੋਵੈਕ’ ਅਤੇ ‘ਸਿਨਾਫ਼ਾਰਮਾ’ ਨਾਲ ਟੀਕੇ ਦੀ ਖ਼ਰੀਦ ਲਈ ਇਕ ਨੋਟਿਸ ਜਾਰੀ ਕੀਤਾ। ਪੱਛਮ ਵਿਚ ਸਿਚੂਆਨ ਸੂਬੇ ਦੇ ਅਧਿਕਾਰੀਆਂ ਨੇ ਵੀ ਸੋਮਵਾਰ ਨੂੰ ਐਲਾਨ ਕੀਤਾ ਸੀ ਕਿ ਉਹ ਟੀਕਾ ਖੀਰੀਦ ਰਹੀ ਹੈ। ਹਾਲਾਂਕਿ ਟੀਕਾ ਬਨਾਉਣ ਵਾਲੀਆਂ ਕੰਪਨੀਆਂ ਨੇ ਹਾਲੇ ਤਕ ਇਹ ਨਹੀਂ ਦਸਿਆ ਹੈ ਕਿ ਇਹ ਟੀਕੇ ਕਿੰਨੇ ਅਸਰਦਾਰ ਹੋਣਗੇ ਜਾਂ ਇਨ੍ਹਾਂ ਦਾ ਦੁਸ਼ਪ੍ਰਭਾਵ ਕੀ ਹੋਵੇਗਾ। ਇਸ ਵਿਚਾਲੇ ਚੀਨੀ ਕੰਪਨੀ ‘ਸਿਨੋਵੈਕ’ ਦੇ ਕੋਵਿਡ ਟੀਕੇ ਦੀਆਂ 12 ਲੱਖ ਖ਼ੁਰਾਕਾਂ ਐਤਵਾਰ ਨੂੰ ਇੰਡੋਨੇਸ਼ੀਆ ਪਹੁੰਚੀਆਂ।