Karnataka anti bidar school sedition

ਕਰਨਾਟਕ: ਕਰਨਾਟਕ ਦੇ ਬੀਦਰ ਵਿਚ 9 ਸਾਲ ਦੇ ਬੱਚੇ ਦੀ ਵਿਧਵਾ ਮਾਂ ਦੀ ਸੀਏਏ ਵਿਰੋਧੀ ਪ੍ਰਦਰਸ਼ਨਾਂ ਦੇ ਚਲਦੇ ਦੇਸ਼ਧ੍ਰੋਹ ਦੇ ਮਾਮਲੇ ਵਿਚ ਪੁਛਗਿੱਛ ਅਤੇ ਗ੍ਰਿਫ਼ਤਾਰੀ ਤੋਂ ਬਾਅਦ ਇਸ ਮਾਮਲੇ ਵਿਚ ਕਰਨਾਟਕ ਬਾਲ ਅਧਿਕਾਰ ਕਮਿਸ਼ਨ ਨੇ ਸਖ਼ਤ ਰਵੱਈਆ ਅਪਣਾਇਆ ਹੈ। ਕਮਿਸ਼ਨ ਨੇ ਜ਼ਿਲ੍ਹਾ ਪੁਲਿਸ ਨੂੰ ਕਈ ਨਿਯਮਾਂ ਅਤੇ ਜੁਵੇਨਾਈਲ ਜਸਟਿਸ ਐਕਟ ਦੀ ਉਲੰਘਣਾ ਦਾ ਆਰੋਪ ਲਗਾਇਆ ਹੈ।

ਕਰਨਾਟਕ ਸਟੇਟ ਕਮਿਸ਼ਨ ਫਾਰ ਪ੍ਰੋਟੇਕਸ਼ਨ ਆਫ ਚਾਈਲਡ ਰਾਈਟਸ ਦੇ ਚੇਅਰਮੈਨ ਡਾਕਟਰ ਇੰਟੋਨੀ ਸੈਬੇਸਿਟਅਨ ਨੇ ਬੀਦਰ ਪੁਲਿਸ ਦੇ ਅਧਿਕਾਰੀਆਂ ਨੂੰ ਇਕ ਪੱਤਰ ਲਿਖਿਆ ਹੈ ਜਿਸ ਵਿਚ ਐਸਪੀ ਡਿਪਟੀ ਕਮਿਸ਼ਨਰ ਅਤੇ ਡੀਜੀਪੀ ਪੱਧਰ ਦੇ ਅਧਿਕਾਰੀ ਸ਼ਾਮਲ ਹਨ। ਪੱਤਰ ਵਿਚ ਲਿਖਿਆ ਗਿਆ ਹੈ ਕਿ ਸ਼ਾਹੀਨ ਪ੍ਰਾਈਮਰੀ ਸਕੂਲ ਵਿਚ ਪੁਲਿਸ ਦੀ ਜਾਂਚ ਦੇ ਨਾਮ ਤੇ ਡਰ ਦਾ ਮਾਹੌਲ  ਬਣ ਗਿਆ ਹੈ। ਪੱਤਰ ਵਿਚ ਕਿਹਾ ਗਿਆ ਹੈ ਕਿ ਪੁਲਿਸ ਨੂੰ ਤੁਰੰਤ ਸਕੂਲੀ ਬੱਚਿਆਂ ਤੋਂ ਪੁੱਛਗਿਛ ਬੰਦ ਕਰ ਦੇਣੀ ਚਾਹੀਦੀ ਹੈ।

KSPCR ਦਾ ਮੰਨਣਾ ਹੈ ਕਿ ਬੀਤੀ 30 ਜਨਵਰੀ ਨੂੰ ਔਰਤਾਂ ਓ ਸਕੂਲ ਦੀ ਹੈਡ ਮਿਸਟ੍ਰੇਸ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਅਧਿਕਾਰੀਆਂ ਨੇ ਔਰਤਾਂ ਦੇ 9 ਸਾਲ ਦੇ ਬੱਚੇ ਦੀ ਨਿਗਰਾਨੀ ਗੁਆਂਢੀ ਤੋਂ ਕਰਵਾਈ ਅਤੇ ਇਸ ਸਬੰਧੀ ਸਥਾਨਕ ਚਾਈਲਡ ਵੈਲਫੇਅਰ ਕਮੇਟੀ ਨੂੰ ਵੀ ਸੂਚਿਤ ਨਹੀਂ ਕੀਤਾ ਜੋ ਕਿ ਨਿਯਮਾਂ ਦੀ ਉਲੰਘਣਾ ਹੈ। ਚਾਈਲਡ ਰਾਈਟ ਕਮਿਸ਼ਨ ਨੇ ਇਸ ਮਾਮਲੇ ਵਿਚ ਦੋ ਮੈਂਬਰੀ ਪੈਨਲ ਵਿਚ ਜਾਂਚ ਕਰਵਾਈ।

ਪੈਨਲ ਨੇ ਚਾਈਲਡ ਰਾਈਟ ਐਕਸਪਰਟ ਡਾ. ਜੈਸ਼੍ਰੀ ਦੀ ਪ੍ਰਧਾਨਗੀ ਵਿਚ ਬੱਚਿਆਂ ਦੇ ਪਰਵਾਰਾਂ, ਸਕੂਲਾਂ ਅਤੇ ਅਧਿਕਾਰੀਆਂ, ਬੱਚਿਆਂ ਤੇ ਪੁਲਿਸ ਕਰਮਚਾਰੀਆਂ ਨਾਲ ਗੱਲਬਾਤ, ਸੀਸੀਟੀਵੀ ਫੁਟੇਜ ਵਿਚ ਬੱਚਿਆਂ ਦੇ ਅਧਿਕਾਰਾਂ ਦਾ ਸਾਫ਼ ਉਲੰਘਣ ਕੀਤਾ ਗਿਆ ਹੈ। ਚਾਈਲਡ ਰਾਈਟ ਕਮਿਸ਼ਨ ਦੇ ਪ੍ਰਧਾਨ ਐਂਟੋਨਿਓ ਸੇਬੇਸਿਟਅਨ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਪੁਲਿਸ ਅਧਿਕਾਰੀਆਂ ਦੁਆਰਾ ਬੱਚਿਆਂ ਤੋਂ ਪੁੱਛਗਿਛ ਕਰਨ ਦੀਆਂ ਤਸਵੀਰਾਂ ਦੇਖੀਆਂ ਹਨ।

ਜਦੋਂ ਬੱਚਿਆਂ ਤੋਂ ਪੁੱਛਗਿਛ ਕੀਤੀ ਜਾਵੇ ਤਾਂ ਉਸ ਸਮੇਂ ਉਹਨਾਂ ਦੇ ਮਾਪੇ ਕੋਲ ਮੌਜੂਦ ਹੋਣ। ਕਮਿਸ਼ਨ ਦੇ ਅਧਿਕਾਰੀਆਂ ਮੁਤਾਬਕ ਪੁਲਿਸ ਦੁਆਰਾ ਪੁਛਗਿਛ ਕੀਤੇ ਜਾਣ ਤੋਂ ਬਾਅਦ ਕਈ ਬੱਚਿਆਂ ਨੇ ਸਕੂਲ ਜਾਣਾ ਬੰਦ ਕਰ ਦਿੱਤਾ ਹੈ। KSPCR ਨੇ ਬੀਦਰ ਪੁਲਿਸ ਨੂੰ ਕਿਹਾ ਹੈ ਕਿ ਜਦੋਂ ਅਦਾਲਤ ਵਿਚ ਬੱਚਿਆਂ ਦੀ ਮਾਂ ਦੀ ਜ਼ਮਾਨਤ ਅਰਜ਼ੀ ਤੇ ਸੁਣਵਾਈ ਹੋਵੇ ਤਾਂ ਪੁਲਿਸ ਬੱਚਿਆਂ ਬਾਰੇ ਵੀ ਕੋਰਟ ਨੂੰ ਦੱਸੇ।

ਦਸ ਦਈਏ ਕਿ ਇਹ ਪੁੱਛਗਿਛ ਬੀਤੀ 21 ਜਨਵਰੀ ਨੂੰ ਸਕੂਲ ਵਿਚ ਸਾਲ ਦਿਨ ਤੇ ਆਯੋਜਿਤ ਹੋਏ ਇਕ ਨਾਟਕ ਦੇ ਸਬੰਧ ਵਿਚ ਹੋਈ ਸੀ ਜਿਸ ਨੂੰ ਲੈ ਕੇ ਦੇਸ਼ਧ੍ਰੋਹ ਦੇ ਆਰੋਪ ਲਗ ਰਹੇ ਹਨ। ਸਥਾਨਕ ਏਬੀਵੀਪੀ ਵਰਕਰਾਂ ਦੀ ਸ਼ਿਕਾਇਤ ਤੇ ਪੁਲਿਸ ਨੇ ਮਾਮਲਾ ਦਰਜ ਕੀਤਾ ਸੀ।

ਸ਼ਿਕਾਇਤਕਰਤਾ ਨੇ ਦਸਿਆ ਕਿ ਸੋਸ਼ਲ ਮੀਡੀਆ ਤੇ ਉਸ ਨੇ ਇਕ ਵੀਡੀਉ ਦੇਖੀ ਜਿਸ ਵਿਚ ਸਕੂਲ ਵਿਚ ਦੇਸ਼ ਵਿਰੋਧੀ ਭਾਵਨਾਵਾਂ ਨੂੰ ਭੜਕਾਇਆ ਗਿਆ ਹੈ ਅਤੇ ਬੱਚੇ ਸੀਏਏ ਦੇ ਵਿਰੋਧ ਵਿਚ ਪ੍ਰਧਾਨ ਮੰਤਰੀ ਦੀ ਤਸਵੀਰ ਤੇ ਚੱਪਲਾਂ ਮਾਰ ਰਹੇ ਸਨ। ਬੀਦਰ ਪੁਲਿਸ ਨੇ ਇਸ ਮਾਮਲੇ ਵਿਚ ਦੇਸ਼ਧ੍ਰੋਹ ਦੀਆਂ ਧਾਰਾਵਾਂ ਵਿਚ ਮਾਮਲਾ ਦਰਜ ਕੀਤਾ ਹੈ। ਮਾਮਲੇ ਵਿਚ ਸਕੂਲ ਹੈਡ, ਮੈਨੇਜਮੈਂਟ ਹੈਡ ਮੁਹੰਮਦ ਯੂਸੁਫ਼ ਰਹੀਮ ਅਤੇ ਵੀਡੀਉ ਨੂੰ ਸਟ੍ਰੀਮ ਕਰਨ ਵਾਲੇ ਪੱਤਰਕਾਰ ਨੂੰ ਆਰੋਪੀ ਦਸਿਆ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ   Facebook  ਤੇ ਲਾਈਕ Twitter  ਤੇ follow  ਕਰੋ।