ਸਿੱਖ ਨੇ 'ਸ੍ਰੀ ਨਿਸ਼ਾਨ ਸਾਹਿਬ' ਨਾਲ ਸਕਾਈ ਡਾਈਵਿੰਗ ਕਰਕੇ ਬਣਾਇਆ ਵਿਸ਼ਵ ਰਿਕਾਰਡ
ਸ੍ਰੀ ਅਨੰਦਪੁਰ ਸਾਹਿਬ ਵਿੱਚ ਚੱਲ ਰਹੇ ਹੋਲੇ-ਮਹੱਲੇ ਦੀ ਧੂਮ ਦੁਨੀਆਂ ਭਰ ਦੇ ਸਿੱਖਾਂ ਵਿੱਚ ਵੇਖੀ ਜਾ ਰਹੀ ਹੈ।
ਚੰਡੀਗੜ੍ਹ: ਸ੍ਰੀ ਅਨੰਦਪੁਰ ਸਾਹਿਬ ਵਿੱਚ ਚੱਲ ਰਹੇ ਹੋਲੇ-ਮਹੱਲੇ ਦੀ ਧੂਮ ਦੁਨੀਆਂ ਭਰ ਦੇ ਸਿੱਖਾਂ ਵਿੱਚ ਵੇਖੀ ਜਾ ਰਹੀ ਹੈ। ਅਜਿਹੀ ਸਥਿਤੀ ਵਿਚ ਸਿੱਖੀ ਦਾ ਪ੍ਰਚਾਰ ਵੀ ਸਿੱਖਾਂ ਦੁਆਰਾ ਵੱਖਰੇ ਢੰਗ ਨਾਲ ਕੀਤਾ ਜਾ ਰਿਹਾ ਹੈ।
ਦੁਬਈ ਵਿੱਚ ਇੱਕ ਸਿੱਖ ਨੇ ਸਿੱਖ ਪੰਥ ਦੇ ਪ੍ਰਚਾਰ ਲਈ ਇੱਕ ਨਵਾਂ ਅਤੇ ਵਿਲੱਖਣ ਤਰੀਕਾ ਅਪਣਾਇਆ। ਸਿਰਫ ਇਹ ਹੀ ਨਹੀਂ ਉਸਨੇ ਇਸ ਤਰ੍ਹਾਂ ਵਿਸ਼ਵ ਰਿਕਾਰਡ ਵੀ ਆਪਣੇ ਨਾਮ ਕੀਤਾ।
ਨਵਜੋਤ ਗੁਰਦੱਤ ਨਾਮ ਦੇ ਇੱਕ ਸਿੱਖ ਨੇ ਨਿਸ਼ਾਨ ਸਾਹਿਬ ਦੇ ਨਾਲ ਸਮੁੰਦਰ ਤਲ ਤੋਂ 13 ਹਜ਼ਾਰ ਫੁੱਟ ਦੀ ਉਚਾਈ ਤੇ ਦੁਬਈ ਵਿੱਚ ਸਕਾਈ ਡਾਈਵਿੰਗ ਕੀਤੀ। ਇਸਦੇ ਨਾਲ ਉਸਨੇ ਵਿਸ਼ਵ ਰਿਕਾਰਡ ਆਪਣੇ ਨਾਮ ਕਰ ਲਿਆ
ਕਿਉਂਕਿ ਨਵਜੋਤ ਅਜਿਹਾ ਕਰਨ ਵਾਲਾ ਪਹਿਲਾ ਸਿੱਖ ਬਣ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਨਵਜੋਤ ਗੁਰਦੱਤ ਸ਼ੋਅ ਰੋਡੀਜ਼ ਵਿੱਚ ਵੀ ਨਜ਼ਰ ਆਏ ਹਨ ਅਤੇ ਉਸਨੇ ਬੀਤੀ 29 ਫਰਵਰੀ ਨੂੰ ਦੁਬਈ ਵਿੱਚ ਇਹ ਸਕਾਈ ਡਾਈਵਿੰਗ ਕੀਤੀ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ