Deepak Talwar

ਨਵੀਂ ਦਿੱਲੀ : ਇਨਫੋਰਸਮੈਂਟ ਡਾਰੈਕਟੋਰੇਟ ਦੁਬਈ ਤੋਂ ਸਪੁਰਦ ਕੀਤੇ ਗਏ ਦੀਪਕ ਤਲਵਾਰ ਤੋਂ ਕੋਮਾਂਤਰੀ ਏਅਰਲਾਈਨਜ਼ ਵੱਲੋਂ ਬੈਂਕ ਆਫ਼ ਸਿੰਗਾਪੁਰ ਵਿਚ ਜਮ੍ਹਾਂ ਕਰਵਾਏ ਗਏ ਕਥਿਤ 270 ਕਰੋੜ ਰੁਪਏ ਦੇ ਸਬੰਧ ਵਿਚ ਪੁਛਗਿਛ ਕਰ ਰਹੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਤਲਵਾਰ ਦੇ ਯੂਪੀਏ ਸ਼ਾਸਨ ਵਿਖੇ ਸੀਨੀਅਰ ਮੰਤਰੀਆਂ ਅਤੇ ਨੌਕਰਸ਼ਾਹਾਂ ਦੇ ਨਾਲ ਸਬੰਧ ਸਨ। ਤਲਵਾਰ ਨੇ ਦਿੱਲੀ ਦੀ ਪਟਿਆਲਾ ਹਾਊਸ ਕੋਰਟ

ਵਿਚ ਸੀਬੀਆਈ ਜੱਜ ਦੇ ਸਾਹਮਣੇ ਜਮਾਨਤ ਪਟੀਸ਼ਨ ਦਾਖਲ ਕੀਤੀ ਹੈ। ਈਡੀ ਉਸ ਤੋਂ ਪੁਛਗਿਛ ਕਰ ਰਹੀ ਹੈ ਤਾਂ ਕਿ ਉਸ ਪੈਸੇ ਦਾ ਪਤਾ ਲਗ ਸਕੇ ਕਿ ਜਿਹਨਾਂ ਨੂੰ ਤਲਵਾਰ ਅਧੀਨ ਸੰਸਥਾਵਾਂ ਦੇ ਬੈਂਕ ਅਕਾਉਂਟ ਤੋਂ ਕੱਢਣ ਤੋਂ ਬਾਅਦ ਸਿਆਸਤਦਾਨੀਆਂ ਅਤੇ ਅਧਿਕਾਰੀਆਂ ਵਿਚ ਵੰਡਿਆ ਗਿਆ ਸੀ। ਇਹਨਾਂ ਸਿਆਸਤਦਾਨੀਆਂ ਅਤੇ ਅਧਿਕਾਰੀਆਂ ਤੇ ਸ਼ੱਕ ਹੈ ਕਿ ਉਹਨਾਂ ਨੇ ਖਾਸ

ਵਿਦੇਸ਼ੀ ਜਹਾਜ਼ ਨਿਰਮਾਤਾ ਜਾਂ ਏਅਰਲਾਈਨਜ਼ ਨੂੰ ਲਾਭ ਪਹੁੰਚਾਉਣ ਵਿਚ ਭੂਮਿਕਾ ਨਿਭਾਈ। 31 ਜਨਵਰੀ ਨੂੰ ਖੋਜ ਅਤੇ ਵਿਸ਼ਲੇਸ਼ਣ ਵਿੰਗ (ਰਾਅ) ਤਲਵਾਰ ਨੂੰ ਦੁਬਈ ਤੋਂ ਸਪੁਰਦਗੀ ਰਾਹੀਂ ਭਾਰਤ ਲਿਆਈ ਸੀ। ਉਸ ਵੇਲ੍ਹੇ ਤੋਂ ਹੀ ਦਿੱਲੀ ਦੀ ਇਕ ਅਦਾਲਤ ਨੇ ਮਨੀ ਲਾਡਰਿੰਗ ਮਾਮਲੇ ਵਿਚ 12 ਫਰਵਰੀ ਤੱਕ ਈਡੀ ਦੀ ਹਿਰਾਸਤ ਵਿਚ ਭੇਜਿਆ ਹੋਇਆ ਹੈ।

ਸੂਤਰਾਂ ਮੁਤਾਬਕ ਈਡੀ ਨੂੰ 2008 ਅਤੇ 2012 ਦੌਰਾਨ ਬੈਂਕ ਆਫ਼ ਸਿੰਗਾਪੁਰ ਵਿਚ ਜਮ੍ਹਾਂ ਹੋਏ 55 ਮਿਲੀਅਨ ਦਾ ਵੇਰਵਾ ਮਿਲਿਆ ਹੈ। ਇਹ ਪੈਸਾ ਕਥਿਤ ਤੌਰ ਤੇ ਉਹਨਾਂ ਕੰਪਨੀਆਂ ਦੇ ਖਾਤੇ ਵਿਚ ਜਮ੍ਹਾਂ ਹੋਇਆ ਹੈ ਜਿਸ ਦੀ ਮਲਕੀਅਤ ਤਲਵਾਰ ਕੋਲ ਹੈ। ਚਾਰ ਮੁੱਖ ਕੌਮਾਂਤਰੀ ਏਅਰਲਾਈਨਜ਼ ਅਤੇ ਜਹਾਜ਼ ਨਿਰਮਾਤਾ ਏਅਰਬਸ ਨੇ ਕਥਿਤ ਤੌਰ ਤੇ ਕਈ ਮਿਲੀਅਨ ਡਾਲਰ ਟਰਾਂਸਫਰ ਕੀਤੇ ਸਨ।

ਉਹਨਾਂ ਦਾ ਨਾਮ ਜਾਂਚ ਏਜੰਸੀ ਨੇ ਤਲਵਾਰ ਨੂੰ ਹਿਰਾਸਤ ਵਿਚ ਲੈਣ ਦੇ ਲਈ ਰਿਮਾਂਡ ਨੋਟ ਵਿਚ ਲਿਖ ਦਿਤਾ ਸੀ। ਏਅਰਲਾਈਨ ਦੇ ਨਾਮ ਏਮੀਰੇਟਸ, ਏਅਰ ਏਸ਼ੀਆ, ਏਅਰ ਅਰਬੀਆ ਅਤੇ ਕਤਰ ਏਅਰਵੇਜ਼ ਹਨ। ਪਿਛਲੇ ਦੋ ਸਾਲਾਂ ਦੀ ਈਡੀ ਦੀ ਜਾਂਚ ਵਿਚ ਪਤਾ ਲਗਾ ਹੈ ਕਿ ਤਲਵਾਰ ਨੂੰ ਵਿਦੇਸ਼ੀ ਏਅਰਲਾਨੀਜ਼ ਅਤੇ ਜਹਾਜ਼ ਨਿਰਮਾਤਾ ਏਅਰਬਸ ਤੋਂ ਕਥਿਤ ਤੌਰ ਤੇ 270 ਕਰੋੜ ਰੁਪਏ ਮਿਲੇ ਹਨ ਤਾਂ ਕਿ ਉਹਨਾਂ ਨੂੰ ਗ਼ੈਰ ਕਾਨੂੰਨੀ ਤਰੀਕੇ ਨਾਲ ਲਾਭ ਮਿਲ ਸਕੇ।