BJP Minister

ਨਵੀਂ ਦਿੱਲੀ: ਦੇਸ਼ ਵਿਚ ਇਨ੍ਹਾਂ ਦਿਨਾਂ ਆਰਥਿਕ ਮੰਦੀ ਦੇਖੀ ਜਾ ਰਹੀ ਹੈ ਉਥੇ ਹੀ ਭਾਰਤੀ ਜਨਤਾ ਪਾਰਟੀ ਦੇ ਸੰਸਦ ਨੂੰ ਮਾਲੀ ਹਾਲਤ ਚੰਗੀ ਹਾਲਤ ‘ਚ ਨਜ਼ਰ ਆ ਰਹੀ ਹੈ। ਮੰਦੀ ‘ਤੇ ਹੀ ਸਵਾਲ ਖੜੇ ਕਰ ਦਿੱਤੇ ਹਨ। ਸੰਸਦ ਵਰਿੰਦਰ ਸਿੰਘ ਮਸਤ ਨੇ ਮੰਦੀ ਨੂੰ ਹੀ ਗਲਤ ਦੱਸਦੇ ਹੋਏ ਕਿਹਾ ਕਿ ਜੇਕਰ ਦੇਸ਼ ਵਿੱਚ ਮੰਦੀ ਹੁੰਦੀ ਤਾਂ ਲੋਕ ਕੋਟ-ਪੈਂਟ ਦੇ ਬਜਾਏ ਧੋਤੀ-ਕੁੜਤਾ ਪਾਓਂਦੇ।

ਬੀਜੇਪੀ ਸੰਸਦ ਵਰਿੰਦਰ ਸਿੰਘ ਮਸਤ ਬਲਵਾਨ ਵਿੱਚ ਇੱਕ ਰੈਲੀ ਨੂੰ ਸੰਬੋਧਿਤ ਕਰ ਰਹੇ ਸਨ। ਇਸ ਦੁਆਰਾ ਉਨ੍ਹਾਂ ਨੇ ਮੰਦੀ ਨੂੰ ਲੈ ਕੇ ਕਿਹਾ ਕਿ ਮੰਦੀ ਨੂੰ ਲੈ ਕੇ ਦਿੱਲੀ ਅਤੇ ਦੁਨੀਆ ਵਿੱਚ ਚਰਚਾਵਾਂ ਹਨ, ਲੇਕਿਨ ਜੇਕਰ ਭਾਰਤ ਵਿੱਚ ਕੋਈ ਮੰਦੀ ਹੁੰਦੀ ਤਾਂ ਅਸੀਂ ਕੁੜਤਾ ਅਤੇ ਧੋਤੀ ਪਹਿਨਕੇ ਆਉਂਦੇ ਨਾ ਕਿ ਕੋਟ-ਪੈਂਟ। ਇਸਤੋਂ ਪਹਿਲਾਂ ਮੰਦੀ ਉਤੇ ਕੇਂਦਰੀ ਮੰਤਰੀ ਰਵੀਸ਼ੰਕਰ ਪ੍ਰਸ਼ਾਦ ਦਾ ਬਿਆਨ ਵਿਵਾਦਾਂ ਵਿਚ ਰਹਿ ਚੁੱਕਿਆ ਹੈ।

ਕਾਨੂੰਨ ਮੰਤਰੀ ਰਵੀਸ਼ੰਕਰ ਪ੍ਰਸ਼ਾਦ ਨੇ ਪਿਛਲੇ ਸਾਲ ਬੇਰੋਜਗਾਰੀ ਅਤੇ ਅਰਥਵਿਵਸਥਾ ਵਿਚ ਸੁਸਤੀ ਨੂੰ ਨਕਾਰ ਦਿੱਤਾ ਸੀ। ਉਨ੍ਹਾਂ ਨੇ ਮੰਦੀ ਤੋਂ ਇਨਕਾਰ ਕਰਦੇ ਹੋਏ ਕਿਹਾ ਸੀ ਕਿ ਫਿਲਮਾਂ ਚੰਗਾ ਕਾਰੋਬਾਰ ਕਰ ਰਹੀਆਂ ਹਨ ਅਤੇ ਕਰੋੜਾਂ ਕਮਾ ਰਹੀਆਂ ਹਨ। ਰਵੀਸ਼ੰਕਰ ਪ੍ਰਸ਼ਾਦ ਨੇ ਕਿਹਾ ਸੀ ਕਿ ਤਿੰਨ ਹਿੰਦੀ ਫਿਲਮਾਂ ਇਕ ਦਿਨ ਵਿਚ 120 ਕਰੋੜ ਰੁਪਏ ਦਾ ਕਾਰੋਬਾਰ ਰਹੀ ਰਹੀਆਂ ਹਨ, ਤਾਂ ਫਿਰ ਦੇਸ਼ ਵਿਚ ਮੰਦੀ ਕਿੱਥੇ ਹੈ?

ਆਰਥਿਕ ਵਿਕਾਸ ਦੀ ਤਫ਼ਤਾਰ ਘਟੀ

ਦੱਸ ਦਈਏ ਕਿ ਪਿਛਲੇ ਕੁਝ ਸਾਲ ਤੋਂ ਦੇਸ਼ ਦੇ ਆਰਥਿਕ ਵਿਕਾਸ ਦੀ ਦਫ਼ਤਾਰ ਕਾਫ਼ੀ ਘਟ ਗਈ ਹੈ। ਇਸ ਵਿੱਤੀ ਸਾਲ ਯਾਨੀ 2019-20 ਵਿਚ ਮਹਿਜ 5 ਫ਼ੀਸਦੀ ਦੀ ਗ੍ਰੋਥ ਹੋਣ ਦੀ ਸੰਭਾਵਨਾ ਹੈ। ਇਸ ਵਿਤੀ ਸਾਲ ਦੀ ਸਤੰਬਰ ਵਿਚ ਖ਼ਤਮ ਦੂਜੀ ਤਿਮਾਹੀ ਵਿਚ ਤਾਂ ਮਹਿਜ 4.8 ਫ਼ੀਸਦੀ ਦੀ ਗ੍ਰੋਥ ਹੋਈ ਹੈ। ਸਕਲ ਘਰੇਲੂ ਉਤਪਾਦ ਯਾਨੀ ਜੀਡੀਪੀ ਪਿਛਲੇ ਇਕ ਸਾਲ ਵਿਚ ਇਕਾਨਮੀ ਦਾ ਸਭ ਤੋਂ ਚਰਚਿਤ ਮਸਲਾ ਰਿਹਾ ਹੈ।

ਦੇਸ਼ ਦੀ ਡੀਜੀਪੀ ਗ੍ਰੋਥ ਦੀ ਦਫ਼ਤਾਰ ਕਾਫ਼ੀ ਘਟ ਗਈ ਹੈ ਅਤੇ ਅੱਧਾ ਦਰਜਨ ਤੋਂ ਜ਼ਿਆਦਾ ਦੇਸੀ-ਵਿਦੇਸ਼ੀ ਏਜੰਸੀਆਂ ਨੇ ਇਹ ਅਨੁਮਾਨ ਜਾਰੀ ਕੀਤਾ ਹੈ ਕਿ ਮੌਜੂਦਾ ਵਿਤੀ ਸਾਲ 2019-20 ਵਿਚ ਜੀਡੀਪੀ ਗ੍ਰੋਥ ਰੇਟ 5 ਫ਼ੀਸਦੀ ਦੇ ਨੇੜੇ ਹੀ ਰਹੇਗਾ।