Markandey katju ask if there is a god why does he not eradicate corona

ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਨੂੰ ਲੈ ਕੇ ਦੁਨੀਆਭਰ ਵਿਚ ਹਾਹਾਕਾਰ ਮਚਿਆ ਹੋਇਆ ਹੈ। ਅਮਰੀਕਾ ਵਰਗੇ ਸ਼ਕਤੀਸ਼ਾਲੀ ਦੇਸ਼ ਵੀ ਇਸ ਵਾਇਰਸ ਦੇ ਅੱਗੇ ਲਾਚਾਰ ਦਿਖ ਰਿਹਾ ਹੈ। ਭਾਰਤ ਵਿਚ ਵੀ ਕੋਰੋਨਾ ਵਾਇਰਸ ਨੇ ਮਾਹੌਲ ਗੰਭੀਰ ਬਣਾ ਦਿੱਤਾ ਹੈ।

13 ਅਪ੍ਰੈਲ ਤਕ ਦੇਸ਼ ਵਿਚ ਕਰੀਬ 9 ਹਜ਼ਾਰ ਲੋਕ ਇਸ ਵਾਇਰਸ ਦੀ ਚਪੇਟ ਵਿਚ ਆ ਚੁੱਕੇ ਹਨ। ਉੱਥੇ ਹੀ ਕੋਰੋਨਾ ਨਾਲ ਇੱਥੇ 300 ਲੋਕਾਂ ਦੀ ਜਾਨ ਵੀ ਜਾ ਚੁੱਕੀ ਹੈ। ਇਸ ਮੁਸ਼ਕਿਲ ਸਮੇਂ ਵਿਚ ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਅਤੇ ਪ੍ਰੈਸ ਕੌਂਸਲਿੰਗ ਆਫ ਇੰਡੀਆ ਦੇ ਸਾਬਕਾ ਪ੍ਰਧਾਨ ਰਹੇ ਮਾਰਕੰਡੇ ਕਾਟਜੂ ਦਾ ਇਕ ਟਵੀਟ ਸੋਸ਼ਲ ਮੀਡੀਆ ਵਿਚ ਵਾਇਰਲ ਹੋ ਰਿਹਾ ਹੈ।

ਦਰਅਸਲ ਕੋਰੋਨਾ ਵਾਇਰਸ ਕਾਰਨ ਫੈਲੀ ਮਹਾਂਮਾਰੀ ਤੇ ਮਾਰਕੰਡੇ ਕਾਟਜੂ ਨੇ ਲਿਖਿਆ ਕਿ ਜੇ ਰੱਬ ਹੈ ਤਾਂ ਉਹ ਕੋਰੋਨਾ ਨੂੰ ਜੜ੍ਹ ਤੋਂ ਖ਼ਤਮ ਕਿਉਂ ਨਹੀਂ ਕਰ ਦਿੰਦਾ? ਜੱਜ ਕਾਟਜੂ ਦੇ ਇਸ ਸਵਾਲ ਦਾ ਸੋਸ਼ਲ ਮੀਡੀਆ ਯੂਜ਼ਰਸ ਵੱਖ-ਵੱਖ ਤਰ੍ਹਾਂ ਦੇ ਜਵਾਬ ਦੇ ਰਹੇ ਹਨ। ਕੁੱਝ ਯੂਜ਼ਰਾਂ ਨੇ ਲਿਖਿਆ ਕਿ ਪ੍ਰਮਾਤਮਾ ਲੋਕਾਂ ਨੂੰ ਮਹਿਸੂਸ ਕਰਵਾਉਣਾ ਚਾਹੁੰਦੇ ਹਨ ਕਿ ਰੱਬ ਹੈ, ਇਕ ਵਾਰ ਜੇ ਇਹ ਗੱਲ ਸਮਝ ਜਾਣਗੇ ਤਾਂ ਕੋਰੋਨਾ ਵਾਇਰਸ ਅਪਣੇ ਆਪ ਖ਼ਤਮ ਹੋ ਜਾਵੇਗਾ।

ਕੁੱਝ ਹੋਰ ਯੂਜ਼ਰਾਂ ਨੇ ਮਾਰਕੰਡੇ ਕਾਟਜੂ ਦੇ ਸਵਾਲ ਤੇ ਜਵਾਬ ਦਿੰਦੇ ਹੋਏ ਲਿਖਿਆ ਕਿ ਰੱਬ ਇਨਸਾਨਾਂ ਦੇ ਨਾਲ-ਨਾਲ ਜਾਨਵਰਾਂ ਅਤੇ ਕੁਦਰਤ ਲਈ ਵੀ ਹੁੰਦਾ ਹੈ। ਉਹ ਇਸ ਸਮੇਂ ਸਾਰੇ ਲੋਕਾਂ ਨੂੰ ਸੁਣ ਰਿਹਾ ਹੈ। ਕੁੱਝ ਯੂਜ਼ਰ ਜਸਟਿਸ ਕਾਟਜੂ ਤੋਂ ਹੀ ਪੁੱਛ ਰਹੇ ਹਨ ਕਿ ਕੀ ਉਹਨਾਂ ਨੇ ਪ੍ਰਮਾਤਮਾ ਅੱਗੇ ਕੋਰੋਨਾ ਖਤਮ ਕਰਨ ਲਈ ਪ੍ਰਾਥਨਾ ਕੀਤੀ ਹੈ...ਕੀ ਕਦੇ ਇਸ ਤੋਂ ਪਹਿਲਾਂ ਰੱਬ ਦੀ ਪੂਜਾ ਕੀਤੀ ਹੈ?

ਇਸ ਤੋਂ ਪਹਿਲਾਂ ਮਾਰਕੰਡੇ ਕਾਟਜੂ ਲਾਕਡਾਊਨ ਵਧਾਉਣ ਤੇ ਅਪਣਾ ਵਿਰੋਧ ਦਰਜ ਕਰਵਾ ਚੁੱਕੇ ਹਨ। ਕਾਟਜੂ ਦਾ ਕਹਿਣਾ ਹੈ ਕਿ ਜੇ ਇਹ ਲਾਕਾਡਊਨ ਵਧੇਗਾ ਤਾਂ ਲੋਕ ਭੁੱਖ ਨਾਲ ਮਰਨ ਲੱਗਣਗੇ।

ਜੱਜ ਕਾਟਜੂ ਨੇ ਇਹ ਵੀ ਕਿਹਾ ਸੀ ਕਿ ਦੇਸ਼ ਦੇ ਰਾਜਨੇਤਾ ਲਾਕਡਾਊਨ ਇਸ ਲਈ ਵਧਾਉਣਾ ਚਾਹੁੰਦੇ ਹਨ ਕਿਉਂ ਕਿ ਜੇ ਲਾਕਡਾਊਨ ਵਧਾਉਣ ਨਾਲ ਕਿਸੇ ਦੀ ਵੀ ਮੌਤ ਹੋ ਜਾਂਦੀ ਹੈ ਤਾਂ ਉਸ ਦੀ ਜ਼ਿੰਮੇਵਾਰੀ ਉਹਨਾਂ ਦੀ ਹੀ ਹੋਵੇਗੀ। ਇਸ ਲਈ ਇਹ ਲੋਕ ਚਾਹੁੰਦੇ ਹਨ ਕਿ ਲਾਕਡਾਊਨ ਜਾਰੀ ਰਹੇ। ਦੱਸ ਦੇਈਏ ਕਿ ਦੇਸ਼ ਇਸ ਵੇਲੇ 25 ਮਾਰਚ ਤੋਂ 17 ਮਈ ਤੱਕ ਲਾਕਡਾਊਨ ਜਾਰੀ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।