ਜੈਪੁਰ (ਪੀਟੀਆਈ) :- ਰਾਜਸਥਾਨ ਵਿਚ 7 ਦਸੰਬਰ ਨੂੰ ਚੋਣਾਂ ਹੋਈਆਂ ਸਨ। ਇੱਥੇ ਜਨਤਾ ਜਨਾਰਦਨ ਨੇ ਕਿਸਦੀ ਕਿਸਮਤ ਖੋਲ੍ਹਣ 'ਤੇ ਅਪਣੀ ਮੁਹਰ ਲਗਾਈ ਹੈ ਉਸ ਦੀ ਗਿਣਤੀ ਚੱਲ ਰਹੀ ਹੈ। ਇੱਥੇ ਪਿਛਲੇ 20 ਸਾਲਾਂ ਤੋਂ ਸਰਕਾਰ ਬਦਲਣ ਦੀ ਪਰੰਪਰਾ ਰਹੀ ਹੈ। ਇੱਥੇ ਦੀ ਜਨਤਾ ਪੰਜ ਸਾਲ ਬਾਅਦ ਸਰਕਾਰ ਬਦਲ ਦਿੰਦੀ ਹੈ। ਭਾਜਪਾ ਦਾ ਮੰਨਣਾ ਹੈ ਕਿ ਇਸ ਵਾਰ ਇਹ ਪਰੰਪਰਾ ਟੁੱਟੇਗੀ ਅਤੇ ਵਿਕਾਸ ਦੇ ਦਮ 'ਤੇ ਪਾਰਟੀ ਇਕ ਵਾਰ ਫਿਰ ਤੋਂ ਰਾਜ ਵਿਚ ਅਪਣੀ ਸਰਕਾਰ ਬਣਾਉਣ ਵਿਚ ਸਫਲ ਰਹੇਗੀ। ਹਾਲਾਂਕਿ ਸ਼ੁਰੂਆਤੀ ਰੁਝਾਨਾਂ ਵਿਚ ਕਾਂਗਰਸ ਦਾ ਪੱਖ ਭਾਰੀ ਵਿੱਖ ਰਿਹਾ ਹੈ।

ਹੁਣ ਤੱਕ ਆਏ ਰੁਝੇਨਾਂ ਵਿਚ ਕਾਂਗਰਸ ਨੂੰ ਜਿੱਤ ਦੇ ਵੱਲ ਵੱਧਦੇ ਹੋਏ ਦਖਾਇਆ ਗਿਆ ਹੈ। ਇਸ ਨਾਲ ਕਾਂਗਰਸ ਕਰਮਚਾਰੀਆਂ ਵਿਚ ਖੁਸ਼ੀ ਦੀ ਲਹਿਰ ਛਾਈ ਹੋਈ ਹੈ। ਉਹ ਜਸ਼ਨ ਮਨਾਉਣ ਲਈ ਉਦੈਪੁਰ ਸਥਿਤ ਦਫ਼ਤਰ ਵਿਚ ਪਟਾਖੇ ਲੈ ਕੇ ਪਹੁੰਚ ਚੁੱਕੇ ਹਨ। ਸਚਿਨ ਪਾਇਲਟ ਦੇ ਘਰ ਦੇ ਬਾਹਰ ਕਰਮਚਾਰੀ ਜਸ਼ਨ ਮਨਾਉਂਦੇ ਹੋਏ ਵਿਖਾਈ ਦੇ ਰਹੇ ਹਨ। ਤਸਵੀਰ ਸਾਫ਼ ਹੁੰਦੇ ਹੀ ਉਹ ਜਸ਼ਨ ਸ਼ੁਰੂ ਕਰ ਦੇਣਗੇ।

ਭਾਜਪਾ ਦੀ ਗੱਲ ਕਰੀਏ ਤਾਂ ਰਾਜਸਥਾਨ ਸਥਿਤ ਦਫਤਰ ਵਿਚ ਸੱਨਾਟਾ ਪਸਰਿਆ ਹੋਇਆ ਹੈ। ਇੱਥੇ ਪਾਰਟੀ ਦਫ਼ਤਰ ਵਿਚ ਰੱਖੀਆਂ ਕੁਰਸੀਆਂ ਖਾਲੀ ਪਈਆਂ ਹਨ। ਉਥੇ ਹੀ ਦਿੱਲੀ ਸਥਿਤ ਕਾਂਗਰਸ ਹੈਡਕੁਆਰਟਰ ਵਿਚ ਕੁੱਝ ਦੇਰ ਪਹਿਲਾਂ ਪਟਾਖੇ ਛੱਡੇ ਗਏ ਸਨ। ਅਜਿਹਾ ਲੱਗ ਰਿਹਾ ਹੈ ਕਿ ਅਪਣੀ ਜਿੱਤ ਨੂੰ ਲੈ ਕੇ ਕਾਂਗਰਸ ਲਗਭੱਗ ਯਕੀਨੀ ਹੋ ਗਏ ਹਨ। ਇਸ ਤੋਂ ਪਹਿਲਾਂ ਅੱਜ ਸਵੇਰੇ ਕਾਂਗਰਸ ਕਰਮਚਾਰੀਆਂ ਨੇ ਰਾਸ਼ਟਰੀ ਪ੍ਰਧਾਨ ਰਾਹੁਲ ਗਾਂਧੀ ਦੇ ਘਰ ਦੇ ਬਾਹਰ ਪੰਜਾਂ ਰਾਜਾਂ ਵਿਚ ਜਿੱਤ ਹਾਸਲ ਕਰਨ ਲਈ ਹਵਨ ਕੀਤਾ ਸੀ।