ਇੰਨੇ ਸਾਲ ਪਹਿਲਾਂ ਇਤਿਹਾਸ ਦੀ ਪਾਈ ਹੋਈ ਬਾਤ ਅਤੇ ਦਿੱਲੀ ਦੇ ਨਾਲ ਕੀਤਾ ਗਿਆ ਛਿਕਵਾ ਅੱਜ ਵੀ ਉਸੇ ਤਰ੍ਹਾਂ ਬਰਕਰਾਰ ਹੈ। ਅੱਜ ਵੀ ਦਿੱਲੀ ਦੇ ਸ਼ਾਹੀ ਫੁਰਮਾਨਾਂ ਤੋਂ ਨਾਖ਼ੁਸ਼ ਜਨਤਾ ਇਤਿਹਾਸ ਦੀ ਪ੍ਰੇਰਨਾ ਦੇ ਨਾਲ ਇੱਥੇ ਸ਼ਾਂਤਮਈ ਅੰਦੋਲਨ ਦੇ ਰੂਪ ਵਿਚ ਜੰਗ ਦੇ ਮੈਦਾਨ ‘ਚ ਉੱਤਰੀ ਹੋਈ ਹੈ। ਇਸ ਤਰ੍ਹਾਂ ਦੀ ਪ੍ਰੇਰਨਾ ਨੂੰ ਹੋਰ ਡੂੰਘਾ ਕਰਨ ਲਈ ਬਹੁਤ ਵਧੀਆ ਉਪਰਾਲਾ ਕੀਤਾ ਗਿਆ ਹੈ, ਜਿਸ ਵਿਚ ਸਿੱਖ ਅਜਾਇਬ ਘਰ ਕਿਸਾਨਾਂ ਵੱਲੋਂ ਦਿੱਲੀ ਕਿਸਾਨ ਮੋਰਚੇ ‘ਤੇ ਲਿਆਂਦਾ ਗਿਆ ਹੈ। ਇਹ ਤੁਰਦਾ-ਫਿਰਦਾ ਸਿੱਖ ਅਜਾਇਬ ਘਰ ਇੱਕ ਟਰਾਲੇ ‘ਚ ਸਜਾਇਆ ਗਿਆ ਹੈ ਜਿਸ ਵਿਚ ਪੰਜਾਬ ਦੇ ਮਹਾਨ ਸ਼ਹੀਦਾ ਬੁੱਤ ਲਗਾਏ ਗਏ ਜੋ ਆਪਣੇ ਹੱਕਾਂ ਲਈ ਲੜਦੇ ਹੋਏ ਸ਼ਹੀਦ ਹੋ ਗਏ ਸਨ।

ਇਸਦੇ ਵਿਚ ਭਾਈ ਦਿਆਲਾ ਜੀ ਜਿਨ੍ਹਾਂ ਨੂੰ ਉੱਬਲਦੀ ਦੇਗ ‘ਚ ਉਬਾਲਿਆ ਗਿਆ ਸੀ, ਮੈਦਾਨ ਏ ਜੰਗ ‘ਚ ਅਨੋਖੇ ਸ਼ਹੀਦ ਬਾਬਾ ਦੀਪ ਸਿੰਘ ਜੀ, ਸਿੱਖੀ ਦੇ ਵੱਡੇ ਸ਼ਹੀਦ ਭਾਈ ਮਤੀ ਦਾਸ ਜੀ, ਮਹਾਨ ਸ਼ਹੀਦਾਂ ਦੇ ਪੁਤਲਿਆਂ ਦਿੱਲੀ ਅੰਦੋਲਨ ਚ ਲਿਆਂਦਾ ਗਿਆ ਹੈ ਕਿਉਂਕਿ ਇਸ ਸਮੇਂ ਵੀ ਲੜਾਈ ਦੀ ਸਥਿਤੀ ਵੀ ਇਸੇ ਤਰ੍ਹਾਂ ਦੀ ਹੀ ਹੈ ਦੱਸ ਦਈਏ ਕਿ ਕਿਸਾਨਾਂ ਵੱਲੋਂ ਕੇਂਦਰ ਸਰਕਾਰ ਨੂੰ ਚੇਤਾਵਨੀ ਦਿੱਤੀ ਗਈ ਹੈ ਕਿ ‘ਜਾਂ ਜਿੱਤਾਂਗੇ, ਜਾਂ ਮਰਾਂਗੇ’। ਕਿਸਾਨ ਅੰਦੋਲਨ ‘ਚ ਲਿਆਂਦਾ ਇਹ ਸਿੱਖ ਅਜਾਇਬ ਘਰ ਪਿੰਡ ਬਲੌਂਗੀ ਜ਼ਿਲ੍ਹਾ ਮੋਹਾਲੀ ਦੇ ਕਿਸਾਨ ਵੱਲੋਂ ਵੱਡਾ ਉਪਰਾਲਾ ਕੀਤਾ ਗਿਆ ਹੈ, ਉਨ੍ਹਾਂ ਦਾ ਕਹਿਣੈ ਕਿ ਮੈਂ ਸਕੂਟਰ ਮਕੈਨਿਕ ਹਾਂ ਤੇ ਇਹ ਸੇਵਾ ਮੈਂ ਤਕਰੀਬਨ 20 ਸਾਲ ਤੋਂ ਨਿਭਾ ਰਿਹਾ ਹਾਂ।

ਸਿੱਖ ਅਜਾਇਬ ਘਰ ਬਣਾਉਣ ਦਾ ਮੇਰੇ ਮਨ ‘ਚ ਸੀ ਕਿਉਂਕਿ ਸਿੱਖ ਧਰਮ ‘ਚ ਇੰਨੀਆਂ ਕੁਰਬਾਨੀਆਂ ਹੋਈਆਂ ਹਨ ਕਿ ਸਾਡੇ ਬੱਚੇ ਵੀ ਨਹੀਂ ਜਾਣਦੇ। ਉਨ੍ਹਾਂ ਨੇ ਦੱਸਿਆ ਕਿ ਬਲੌਂਗੀ ‘ਚ ਮੈਂ ਸਿੱਖ ਅਜਾਇਬ ਘਰ ਬਣਾਇਆ ਹੋਇਆ ਹੈ, ਉਥੇ ਸਾਰੀਆਂ ਝਾਕੀਆਂ ਹਨ ਪਰ ਇੱਥੇ ਮੈਂ ਸਿਰਫ਼ ਦੋ ਹੀ ਝਾਕੀਆਂ ਲੈ ਕੇ ਆਇਆ ਹਾਂ। ਉਨ੍ਹਾਂ ਨੇ ਕਿਸਾਨ ਅੰਦੋਲਨ ‘ਚ ਸਿੱਖ ਅਜਾਇਬ ਘਰ ਲਿਆਉਣ ਦਾ ਕਾਰਨ ਵੀ ਦੱਸਿਆ ਕਿ ਮੈਨੂੰ ਸਿੱਖ ਅਜਾਇਬ ਘਰ ਚਲਾਉਂਦਿਆ 20 ਸਾਲ ਹੋ ਗਏ ਸੀ ਪਰ ਮੈਨੂੰ ਲੋਕਾਂ ਵੱਲੋਂ ਕੋਈ ਖ਼ਾਸ ਰਿਸਪਾਂਸ ਨਹੀਂ ਮਿਲਿਆ, ਮੈਂ ਸੋਚਿਆ ‘ਚ ਕਾਫ਼ੀ ਸੰਗਤ ਹੈ ਉੱਥੇ ਮੇਰੀ ਮਸ਼ਹੂਰੀ ਹੋ ਜਾਵੇਗੀ ਕਿਉਂਕਿ ਕਾਂਗਰਸ-ਅਕਾਲੀ ਸਰਕਾਰਾਂ ਵੱਲੋਂ ਮੈਨੂੰ ਕੋਈ ਸਹਿਯੋਗ ਨਹੀਂ ਮਿਲਿਆ।

ਕਿਸਾਨ ਅੰਦੋਲਨ ‘ਚ ਕਿਸਾਨ ਨੇ ਕਿਹਾ ਕਿ ਸਿੱਖ ਧਰਮ ਦਾ ਵਿਰਸਾ ਅੱਜ ਕੱਲ੍ਹ ਦੇ ਬੱਚੇ ਮੋਬਾਇਲਾਂ, ਟੀਵੀ ਹੋਰ ਪਾਸੇ ਲੱਗ ਗਏ ਪਰ ਹੁਣ ਸਿੱਖ ਵਿਰਸਾ ਦੁਬਾਰਾ ਲੋਕਾਂ ਨੂੰ ਯਾਦ ਹੋ ਗਿਆ ਹੈ ਤੇ ਹੁਣ ਇੱਥੇ ਦਾਤੇ, ਸੂਰਮੇ, ਭਗਤ ਆ ਗਏ ਹਨ, ਅਸੀਂ ਜਿੱਤ ਕੇ ਹੀ ਜਾਵਾਂਗੇ।