Gwalior Girl Shoots herself

ਗਵਾਲੀਅਰ :- ਵੀਡੀਓ ਚੈਟ ਦੇ ਦੌਰਾਨ ਕਿਸਮਤ ਵਿਚ ਮੌਤ ਜਾਂ ਜਿੰਦਗੀ ਦੇਖਣ ਦੇ ਖੇਲ (ਰਸ਼ੀਅਨ ਰੂਲੇਟ) ਵਿਚ ਗੋਲੀ ਚਲਣ ਨਾਲ ਇਕ ਮੁਟਿਆਰ ਦੀ ਮੌਤ ਹੋ ਗਈ। ਦੂਜੇ ਪਾਸੇ ਕਾਲ 'ਤੇ ਮੌਜੂਦ ਦੋਸਤ ਨੂੰ ਅੰਦਾਜ਼ਾ ਵੀ ਨਹੀਂ ਲਗਿਆ ਕਿ ਅਚਾਨਕ ਉਸ ਦੀ ਸਹੇਲੀ ਦੁਨੀਆ ਤੋਂ ਚਲੀ ਗਈ। ਘਟਨਾ ਗਵਾਲੀਅਰ ਵਿਚ ਸ਼ੁੱਕਰਵਾਰ ਨੂੰ ਹੋਈ। ਗਵਾਲੀਅਰ ਦੀ ਰਹਿਣ ਵਾਲੀ ਕਰਿਸ਼ਮਾ ਯਾਦਵ ਸ਼ੁੱਕਰਵਾਰ ਨੂੰ ਦਿੱਲੀ ਵਿਚ ਰਹਿਣ ਵਾਲੀ ਆਪਣੀ ਸਹੇਲੀ ਨਜਮਾ ਨਾਲ ਵੀਡੀਓ ਚੈਟ ਕਰ ਰਹੀ ਸੀ। ਕਰਿਸ਼ਮਾ ਆਪਣੇ ਘਰ ਵਿਚ ਸੀ ਅਤੇ ਨਜਮਾ ਮੈਟਰੋ ਵਿਚ ਸਫਰ ਕਰ ਰਹੀ ਸੀ।

ਉਦੋਂ ਕਰਿਸ਼ਮਾ ਨਜਮਾ ਨੂੰ ਆਪਣੇ ਪਿਤਾ ਦੀ ਰਿਵਾਲਵਰ ਦਿਖਾਉਂਦੀ ਹੈ। ਕਰਿਸ਼ਮਾ ਕਹਿੰਦੀ ਹੈ ਕਿ ਇਸ ਦੇ ਚੈਂਬਰ ਵਿਚ ਬਸ ਇਕ ਹੀ ਗੋਲੀ ਹੈ। ਉਸ ਨੇ ਰਿਵਾਲਵਰ ਆਪਣੀ ਕਨਪਟੀ ਉੱਤੇ ਰੱਖੀ ਤਾਂ ਨਜਮਾ ਨੇ ਕਿਹਾ ਕਿ ਇਹ ਕੀ ਕਰ ਰਹੀ ਹੋ। ਹਥਿਆਰ ਦੇ ਨਾਲ ਖੇਡਣਾ ਖਤਰਨਾਕ ਹੋ ਸਕਦਾ ਹੈ। ਇਸ ਤੋਂ ਬਾਅਦ ਕਰਿਸ਼ਮਾ ਨੇ ਰਿਵਾਲਵਰ ਹੇਠਾਂ ਕਰ ਲਈ ਪਰ ਕੁੱਝ ਹੀ ਸੈਕੰਡ ਤੋਂ  ਬਾਅਦ ਉਸ ਨੇ ਰਿਵਾਲਵਰ ਦੁਬਾਰਾ ਕਨਪਟੀ ਉੱਤੇ ਰੱਖੀ ਅਤੇ ਫਿਲਮੀ ਅੰਦਾਜ ਵਿਚ ਕਿਹਾ ਕਿ ‘ਚਲੋ ਵੇਖਦੇ ਹਾਂ ਮੇਰੀ ਕਿਸਮਤ ਵਿਚ ਮੌਤ ਲਿਖੀ ਹੈ ਜਿੰਦਗੀ।

ਇਸ ਤੋਂ ਬਾਅਦ ਨਜਮਾ ਦਾ ਫੋਨ ਡਿਸਕਨੇਕਟ ਹੋ ਗਿਆ ਅਤੇ ਇਸ ਸਮੇਂ ਕਰਿਸ਼ਮਾ ਨੇ ਰਿਵਾਲਵਰ ਚਲਾ ਦਿੱਤੀ, ਗੋਲੀ ਉਸ ਦੀ ਕਨਪਟੀ ਉੱਤੇ ਜਾ ਲੱਗੀ। ਨਜਮਾ ਨੇ ਦੁਬਾਰਾ ਕਰਿਸ਼ਮਾ ਨੂੰ ਫੋਨ ਲਗਾਇਆ ਤਾਂ ਕਰਿਸ਼ਮਾ ਵਲੋਂ ਅਵਾਜ ਆਈ ਗੋਲੀ ਲੱਗ ਗਈ ਅਤੇ ਫੋਨ ਕਟ ਗਿਆ। ਉੱਧਰ ਗੋਲੀ ਦੀ ਅਵਾਜ ਸੁਣ ਕੇ ਕਰਿਸ਼ਮਾ ਦਾ ਭਰਾ ਅੰਦਰ ਤੋਂ ਬੰਦ ਦਰਵਾਜੇ ਨੂੰ ਤੋੜ ਕੇ ਅੰਦਰ ਆਇਆ ਤਾਂ ਖੂਨ ਨਾਲ ਲਤਪਤ ਕਰਿਸ਼ਮਾ ਜ਼ਮੀਨ ਉੱਤੇ ਪਈ ਸੀ। ਉਸ ਨੂੰ ਹਸਪਤਾਲ ਲੈ ਜਾਇਆ ਗਿਆ ਜਿੱਥੇ ਉਸ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ ਗਿਆ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

ਕਰਿਸ਼ਮਾ ਦੇ ਪਿਤਾ ਅਰਵਿੰਦ ਯਾਦਵ ਨੇ ਦੱਸਿਆ ਕਿ ਉਹ ਐਨਸੀਸੀ ਟਾਪਰ ਸੀ। ‘ਰਸ਼ੀਅਨ ਰੂਲੇਟ' ਮੂਲ ਰੂਪ ਤੋਂ ਰੂਸ ਵਿਚ ਸ਼ੁਰੂ ਹੋਇਆ ਇਕ ਮੌਤ ਦਾ ਖੇਲ ਹੈ। ਇਸ ਨੂੰ ਪਹਿਚਾਣ ਦੂਜਾ ਵਿਸ਼ਵ ਯੁੱਧ ਦੇ ਪਹਿਲੇ ਅਮਰੀਕਾ ਪੁੱਜਣ ਉੱਤੇ ਮਿਲੀ। ਕਿਸਮਤ ਦੇ ਇਸ ਖੇਲ ਵਿਚ ਰਿਵਾਲਵਰ ਵਿਚ ਇਕ ਗੋਲੀ ਭਰੀ ਜਾਂਦੀ ਹੈ। ਇਸ ਤੋਂ ਬਾਅਦ ਚੱਕਾ ਘੁਮਾਇਆ ਜਾਂਦਾ ਹੈ। ਇਸ ਤੋਂ ਬਾਅਦ ਕਨਪਟੀ ਉੱਤੇ ਬੰਦੂਕ ਰੱਖ ਕੇ ਟਰਿਗਰ ਦਬਾਇਆ ਜਾਂਦਾ ਹੈ। ਕਿਸਮਤ ਦੇ ਭਰੋਸੇ 'ਤੇ ਆਧਾਰਿਤ ਇਸ ਖੇਲ ਵਿਚ ਦੇਖਿਆ ਜਾਂਦਾ ਹੈ ਕਿ ਕਿਸਮਤ ਵਿਚ ਮੌਤ ਲਿਖੀ ਹੈ ਜਾਂ ਜਿੰਦਗੀ।