ਰਾਏਪੁਰ (ਭਾਸ਼ਾ): ਛੱਤੀਸਗੜ੍ਹ ਵਿਚ ਸੱਤਾ ਤਬਦੀਲੀ ਅਤੇ ਕਾਂਗਰਸ ਦੀ ਸਰਕਾਰ ਬਣਨ ਦੇ ਨਾਲ ਹੀ ਮੰਤਰੀਆਂ ਦੀਆਂ ਗੱਡੀਆਂ ਵੀ ਬਦਲ ਗਈਆਂ ਹਨ। ਛੱਤੀਸਗੜ ਦੇ 12 ਨਵੇਂ ਮੰਤਰੀਆਂ ਲਈ ਰਾਏਪੁਰ ਵਿਚ 12 ਨਵੀਆਂ ਟਾਟਾ ਸਫਾਰੀਆਂ ਕਾਰਾਂ ਖਰੀਦੀਆਂ ਗਈਆਂ ਹਨ। ਇਹ ਕਾਰਾਂ ਕਾਲੀ ਮੰਦਰ ਸਥਿਤ ਸਟੇਟ ਗੈਰੇਜ ਵਿਚ ਪਹੁੰਚ ਗਈਆਂ ਹਨ। ਇਥੇ ਨਹੀਂ, ਮੁੱਖ ਮੰਤਰੀ ਦੇ ਕਾਰਕੇਡ ਵਿਚ ਸ਼ਾਮਲ ਹੋਣ ਵਾਲੀ ਲਗਜਰੀ ਕਾਰਾਂ ਨੂੰ ਸਜਾਇਆ ਜਾ ਰਿਹਾ ਹੈ। 15 ਦਸੰਬਰ ਨੂੰ ਸਹੁੰ ਚੁਕ ਸਮਾਰੋਹ ਖਤਮ ਹੋਣ ਤੋਂ ਬਾਅਦ ਮੰਤਰੀਆਂ ਨੂੰ ਲਸ਼ਕਦੀਆਂ ਨਵੀਆਂ ਗੱਡੀਆਂ ਦੇ ਦਿਤੀਆਂ ਜਾਣਗੀਆਂ।

ਉਥੇ ਹੀ ਕੁਝ ਪੁਰਾਣੀਆਂ ਗੱਡੀਆਂ ਵੀ ਨਵੇਂ ਤਰੀਕੇ ਨਾਲ ਸਵਾਰੀਆਂ ਜਾ ਰਹੀਆਂ ਹਨ। ਅਫਸਰਾਂ ਦੇ ਮੁਤਾਬਕ ਇਸ ਸਾਲ 12 ਟਾਟਾ ਸਫਾਰੀਆਂ ਗੱਡੀਆਂ ਖਰੀਦਣ ਨੂੰ ਬਹੁਤ ਪਹਿਲਾਂ ਮਨਜ਼ੂਰੀ ਮਿਲ ਗਈ ਸੀ, ਪਰ ਵਿਧਾਨ ਸਭਾ ਚੋਣ ਨੂੰ ਲੈ ਕੇ ਅਚਾਰ ਸਹਿਤਾ ਲਾਗੂ ਹੋ ਗਈ ਸੀ ਜਿਸ ਦੀ ਵਜ੍ਹਾ ਨਾਲ ਖਰੀਦੀ ਨਹੀਂ ਹੋ ਸਕੀ ਸੀ। ਅਚਾਰ ਸਹਿਤਾ ਖਤਮ ਹੋਣ ਤੋਂ ਬਾਅਦ ਬੁੱਧਵਾਰ ਨੂੰ 12 ਗੱਡੀਆਂ ਖਰੀਦਣ ਦੀ ਪਰਿਕ੍ਰੀਆ ਪੂਰੀ ਕੀਤੀ ਗਈ, ਜਿਸ ਤੋਂ ਬਾਅਦ ਕੰਪਨੀ ਨੇ ਤੱਤਕਾਲ ਡਿਲੀਵਰੀ ਕੀਤੀ। ਹੁਣ ਇਨ੍ਹਾਂ ਗੱਡੀਆਂ ਦਾ ਇਸਤੇਮਾਲ ਕਾਂਗਰਸ ਪਾਰਟੀ ਦੀ ਨਵੀਂ ਸਰਕਾਰ ਦੇ ਮੰਤਰੀ ਕਰਨਗੇ।

ਦਰਅਸਲ ਵਿਧਾਨ ਸਭਾ ਚੋਣ ਵਿਚ ਜਿੱਤ ਦਰਜ਼ ਕਰਕੇ ਵਿਧਾਇਕ ਵਲੋਂ ਮੰਤਰੀ ਬਣੇ ਰਾਜਨੇਤਾ ਸਹੁੰ ਚੁਕ ਸਮਾਗਮ ਵਿਚ ਅਪਣੀਆਂ ਗੱਡੀਆਂ ਨਾਲ ਆਉਂਦੇ ਹਨ ਅਤੇ ਸਹੁੰ ਚੁਕਣ ਤੋਂ ਬਾਅਦ ਉਨ੍ਹਾਂ ਨੂੰ ਸਰਕਾਰੀ ਗੱਡੀਆਂ ਉਪਲੱਬਧ ਕਰਵਾਈਆਂ ਜਾਂਦੀਆਂ ਹਨ ਜਿਥੋਂ ਉਹ ਨਿਜੀ ਨਹੀਂ, ਸਗੋਂ ਸਰਕਾਰੀ ਗੱਡੀਆਂ ਵਿਚ ਅਪਣੇ ਨਿਵਾਸ ਲਈ ਰਵਾਨਾ ਹੁੰਦੇ ਹਨ। ਜਾਣਕਾਰੀ ਦੇ ਮੁਤਾਬਕ ਭਾਜਪਾ ਸਰਕਾਰ ਦੇ ਮੰਤਰੀਆਂ ਨੂੰ ਦਿਤੀਆਂ ਗਈਆਂ 12 ਗੱਡੀਆਂ ਨੂੰ ਸਟੇਜ ਗੈਰੇਜ ਵਿਚ ਖੜਾ ਕੀਤਾ ਗਿਆ ਹੈ, ਜਿਨ੍ਹਾਂ ਦੀ ਨਵੀਂ ਗੱਡੀਆਂ ਦੀ ਤਰ੍ਹਾਂ ਤਿਆਰ ਕੀਤੀਆਂ ਗਈਆਂ ਹਨ। ਇਹਨਾਂ ਵਿਚ ਜਿਆਦਾਤਰ ਗੱਡੀਆਂ 2 ਤੋਂ 3 ਸਾਲ ਪੁਰਾਣੀਆਂ ਹਨ।