ਆਗਰਾ : (ਭਾਸ਼ਾ) ਆਗਰਾ ਦੇ ਭਾਰਤੀ ਜਨਤਾ ਪਾਰਟੀ ਮਹਾਨਗਰ ਸੰਗਠਨ ਵਿਚ ਹੜਕੰਪ ਮੱਚ ਗਿਆ ਹੈ। ਮਹਿਲਾ ਮੋਰਚਾ ਦੀ ਪ੍ਰਧਾਨ ਡਾ. ਮੰਜੂ ਗੁਪਤਾ ਨੇ ਵੀਰਵਾਰ ਨੂੰ ਅਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿਤਾ। ਕਈ ਸਾਲਾਂ ਤੋਂ ਭਾਜਪਾ ਨਾਲ ਜੁਡ਼ੀ ਰਹੀ ਮੰਜੂ ਗੁਪਤਾ ਨੇ ਆਗਰਾ ਦੇ ਹੀ ਅਹੁਦਾ ਅਧਿਕਾਰੀਆਂ ਉਤੇ ਮਾਨਸਿਕ ਸ਼ੋਸ਼ਣ ਦਾ ਇਲਜ਼ਾਮ ਲਗਾਇਆ ਹੈ। ਹਾਲਾਂਕਿ ਉਨ੍ਹਾਂ ਨੇ ਅਪਣੇ ਇਲਜ਼ਾਮਾਂ ਦੇ ਸਬੰਧ ਵਿਚ ਖੁੱਲ੍ਹ ਕੇ ਗੱਲ ਕਰਨ ਤੋਂ ਇਨਕਾਰ ਦਿਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਠੀਕ ਸਮੇਂ 'ਤੇ ਠੀਕ ਪਲੇਟਫਾਰਮ 'ਤੇ ਅਪਣੀ ਗੱਲ ਰੱਖਾਂਗੀ।

ਅਜਿਹੇ ਵਿਚ ਅਗਲੀ ਲੋਕਸਭਾ ਚੋਣ ਤੋਂ ਪਹਿਲਾਂ ਭਾਜਪਾ ਨੇਤਾਵਾਂ ਸਾਹਮਣੇ ਵੱਡੀ ਮੁਸ਼ਕਲ ਖੜੀ ਹੋ ਸਕਦੀ ਹੈ। ਭਾਜਪਾ ਵਿਚ ਕਈ ਅਹੁਦਿਆਂ ਉਤੇ ਰਹਿ ਕੇ ਕੰਮ ਕਰ ਚੁੱਕੀ ਡਾ. ਮੰਜੂ ਗੁਪਤਾ ਨੂੰ ਜੁਲਾਈ 2018 ਵਿਚ ਮਹਿਲਾ ਮੋਰਚਾ ਦੀ ਕਮਾਨ ਸੌਂਪੀ ਗਈ ਸੀ। ਜ਼ਿੰਮੇਵਾਰੀ ਮਿਲਣ ਤੋਂ ਬਾਅਦ ਉਨ੍ਹਾਂ ਨੇ ਸੰਗਠਨ ਨੂੰ ਸਰਗਰਮ ਕਰਨਾ ਸ਼ੁਰੂ ਕਰ ਦਿਤਾ ਸੀ।  ਵੀਰਵਾਰ ਸ਼ਾਮ ਨੂੰ ਉਨ੍ਹਾਂ ਦੇ ਅਸਤੀਫ਼ੇ ਦੀ ਚਰਚਾ ਹੋਣ ਲੱਗੀ। ਇਸ ਸਬੰਧ ਵਿਚ ਜਦੋਂ ਉਨ੍ਹਾਂ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਅਸਤੀਫ਼ੇ ਦੀ ਗੱਲ ਨੂੰ ਸਵੀਕਾਰ ਕਰ ਲਿਆ। ਮੰਜੂ ਗੁਪਤਾ ਨੇ ਦੱਸਿਆ ਕਿ ਪਿਛਲੇ ਕਈ ਮਹੀਨਿਆਂ ਤੋਂ ਉਨ੍ਹਾਂ ਦਾ ਮਾਨਸਿਕ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ।

ਬਹੁਤ ਸਹਿਣ ਕੀਤਾ ਪਰ ਹੁਣ ਮਾਨਸਿਕ ਦਬਾਅ ਬਰਦਾਸ਼ਤ ਨਹੀਂ ਹੋਇਆ ਤਾਂ ਅਸਤੀਫ਼ਾ ਹੀ ਆਖਰੀ ਵਿਕਲਪ ਦਿਖਿਆ। ਉਨ੍ਹਾਂ ਨੇ ਦੱਸਿਆ ਕਿ ਅਸਤੀਫ਼ਾ ਪ੍ਰਦੇਸ਼ ਸੰਗਠਨ ਮੰਤਰੀ, ਪ੍ਰਦੇਸ਼ ਪ੍ਰਧਾਨ, ਬ੍ਰਿਜ ਖੇਤਰ ਪ੍ਰਧਾਨ, ਮਹਿਲਾ ਮੋਰਚਾ ਦੀ ਪ੍ਰਦੇਸ਼ ਪ੍ਰਧਾਨ ਅਤੇ ਮਹਾਂਨਗਰ ਪ੍ਰਧਾਨ ਨੂੰ ਭੇਜ ਦਿਤਾ ਹੈ। ਛੇਤੀ ਹੀ ਅਗਵਾਈ ਨਾਲ ਮਿਲ ਕੇ ਸਾਰੀ ਗੱਲ ਦੱਸੇਗੀ। ਉੱਧਰ, ਪਾਰਟੀ ਸੂਤਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਕੋਈ ਮਾਨਸਿਕ ਸ਼ੋਸ਼ਣ ਨਹੀਂ ਹੋ ਰਿਹਾ ਸੀ। ਉਹ ਅਪਣੇ ਸੁਭਾਅ ਦੀ ਵਜ੍ਹਾ ਨਾਲ ਹੀ ਵਿਵਾਦਿਤ ਹੋਈ ਹਨ। ਉਹ ਪ੍ਰਦੇਸ਼ ਅਤੇ ਰਾਸ਼ਟਰੀ ਅਗਵਾਈ ਦੀ ਵੀ ਉਲੰਘਣਾ ਕਰ ਰਹੀ ਸੀ।

ਡਾ. ਮੰਜੂ ਗੁਪਤਾ ਕਈ ਅਹੁਦਿਆਂ ਉਤੇ ਕਈ ਕੰਮ ਕਰ ਚੁੱਕੀ ਹਨ। ਮਹਾਨਗਰ ਪ੍ਰਧਾਨ ਵਿਜੇ ਸ਼ਿਵਹਰੇ ਨੇ ਕਿਹਾ ਕਿ ਮਹਿਲਾ ਮੋਰਚਾ ਦੀ ਮਹਾਨਗਰ ਪ੍ਰਧਾਨ ਨੇ ਅਪਣੇ ਅਹੁਦੇ ਤੋਂ ਅਸਤੀਫ਼ਾ ਸੌਪਿਆ ਹੈ। ਉਨ੍ਹਾਂ ਦਾ ਅਸਤੀਫਲਾ ਅਤੇ ਰਿਪੋਰਟ ਅਗਵਾਈ ਨੂੰ ਭੇਜ ਦਿਤੀ ਜਾਵੇਗੀ। ਫੈਸਲਾ ਅਗਵਾਈ ਨੂੰ ਹੀ ਕਰਨਾ ਹੈ