Coronavirus america stay at home research social distancing donald trump

ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਦਾ ਕਹਿਰ ਦੁਨੀਆ ਵਿਚ ਲਗਾਤਾਰ ਵਧਦਾ ਜਾ ਰਿਹਾ ਹੈ। ਅਮਰੀਕਾ ਇਸ ਵਾਇਰਸ ਦਾ ਸਭ ਤੋਂ ਵਧ ਸ਼ਿਕਾਰ ਹੋਇਆ ਹੈ ਅਤੇ ਇੱਥੇ ਕਰੀਬ 6 ਲੱਖ ਤੋਂ ਵਧ ਲੋਕ ਇਸ ਦੀ ਚਪੇਟ ਵਿਚ ਆਏ ਹਨ। ਹਾਲ ਹੀ ਵਿਚ ਅਮਰੀਕਾ ਵਿਚ ਕੁੱਝ ਰਿਸਰਚਰ ਨੇ ਦਾਅਵਾ ਕੀਤਾ ਹੈ ਕਿ ਜੇ ਦੇਸ਼ ਵਿਚ ਇਸੇ ਤਰ੍ਹਾਂ ਹਾਲਾਤ ਬਣੇ ਤਾਂ Stay at home ਨੂੰ ਲੈ ਕੇ ਜਾਰੀ ਆਦੇਸ਼ 2022 ਤਕ ਜਾਰੀ ਰਹਿ ਸਕਦਾ ਹੈ।

ਅਮਰੀਕਾ ਨਿਊਜ਼ ਚੈਨਲ ਗੱਲਬਾਤ ਕਰਦੇ ਹੋਏ ਹਾਵਰਡ ਪਬਲਿਕ ਹੈਲਥ ਸਕੂਲ ਦੇ ਰਿਸਰਚਰ ਨੇ ਦਾਅਵਾ ਕੀਤਾ ਹੈ ਕਿ ਦੇਸ਼ ਵਿਚ 2022 ਤਕ ਸਟੇ ਏਟ ਹੋਮ ਜਾਰੀ ਰਹਿ ਸਕਦਾ ਹੈ। ਜਿਸ ਤਹਿਤ ਸਕੂਲ ਬੰਦ ਰਹਿਣਗੇ ਅਤੇ ਪਬਲਿਕ ਟ੍ਰਾਂਸਪੋਰਟ ਦਾ ਇਸਤੇਮਾਲ ਕਾਫੀ ਲਿਮਿਟੇਡ ਰਹੇਗਾ। ਰਿਸਰ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਜੇ ਜਲਦੀ ਹੀ ਕੋਰੋਨਾ ਵਾਇਰਸ ਨੂੰ ਲੈ ਕੇ ਵੈਕਸੀਨ ਨਹੀਂ ਬਣਾਈ ਗਈ ਅਤੇ ਇਸ ਦਾ ਸਫ਼ਲ ਪ੍ਰੀਖਣ ਨਹੀਂ ਹੋਇਆ ਤਾਂ ਹਾਲਾਤ ਬੇਕਾਬੂ ਹੋ ਸਕਦੇ ਹਨ।

ਰਿਪੋਰਟ ਵਿਚ ਲਿਖਿਆ ਗਿਆ ਕਿ 2022 ਤਕ ਲੋਕਾਂ ਨੂੰ ਅਪਣੇ ਘਰਾਂ ਵਿਚ ਕੈਦ ਰਹਿਣਾ ਪਵੇਗਾ। ਸੋਸ਼ਲ ਡਿਸਟੈਂਸਿੰਗ ਨੂੰ ਲੈ ਕੇ ਕਿਹਾ ਗਿਆ ਕਿ ਇਸ ਨੂੰ ਜਿੰਨਾ ਵਧਾਉਣਗੇ ਉੰਨਾ ਹੀ ਇਸ ਵਾਇਰਸ ਦਾ ਘਟ ਅਸਰ ਹੋਵੇਗਾ। ਇਸ ਦੇ ਲਈ ਜ਼ੁਰਮਾਨਾ ਵਧਾਉਣਾ ਪਵੇਗਾ ਅਤੇ ਕਾਨੂੰਨ ਨੂੰ ਸਖ਼ਤ ਕਰਨਾ ਪਵੇਗਾ। ਰਿਪੋਰਟ ਵਿਚ ਇਸ ਗੱਲ ਤੇ ਵੀ ਚਿੰਤਾ ਜ਼ਾਹਰ ਕੀਤੀ ਗਈ ਕਿ ਅਮਰੀਕਾ ਵਿਚ ਕਾਫੀ ਲੋਕ ਸਟੇ ਏਟ ਹੋਮ ਦਾ ਪਾਲਣ ਨਹੀਂ ਕਰ ਰਹੇ ਅਤੇ ਸੋਸ਼ਲ ਡਿਸਟੇਂਸਿੰਗ ਦਾ ਉਲੰਘਣ ਕਰ ਰਹੇ ਹਨ।

ਜਿਸ ਦਾ ਅਸਰ ਹੁਣ ਲਗਾਤਾਰ ਵਧਦੇ ਕੇਸਾਂ ਤੇ ਦਿਖ ਰਿਹਾ ਹੈ। ਦਸ ਦਈਏ ਕਿ ਜਾਨ ਹਾਪਕਿੰਸ ਯੂਨੀਵਰਸਿਟੀ ਦੇ ਅੰਕੜਿਆਂ ਮੁਤਾਬਕ ਬੁੱਧਵਾਰ ਤਕ ਅਮਰੀਕਾ ਵਿਚ 6 ਲੱਖ ਤੋਂ ਵਧ ਲੋਕ ਇਸ ਵਾਇਰਸ ਦਾ ਸ਼ਿਕਾਰ ਹੋ ਚੁੱਕੇ ਹਨ ਜਦਕਿ ਮਰਨ ਵਾਲਿਆਂ ਦੀ ਗਿਣਤੀ 25 ਹਜ਼ਾਰ ਤੋਂ ਪਾਰ ਹੋ ਚੁੱਕਾ ਹੈ।

ਗੌਰਤਲਬ ਹੈ ਕਿ ਅਮਰੀਕਾ ਵਿਚ ਕੋਰੋਨਾ ਵਾਇਰਸ ਦੇ ਇੰਨੇ ਵੱਡੇ ਕਹਿਰ ਦੇ ਬਾਵਜੂਦ ਲਾਕਡਾਊਨ ਨਹੀਂ ਲਗਾਇਆ ਗਿਆ ਹੈ ਨਾ ਹੀ ਜਹਾਜ਼ ਸਰਵਿਸ ਰੋਕੀ ਗਈ ਹੈ। ਜਿਸ ਨੂੰ ਲੈ ਕੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਅਲੋਚਨਾ ਵੀ ਹੋਈ ਹੈ। ਬਲਕਿ ਡੋਨਾਲਡ ਟਰੰਪ ਨੇ ਲਗਾਤਾਰ ਦਾਅਵਾ ਕੀਤਾ ਹੈ ਕਿ ਉਹਨਾਂ ਦੇ ਫ਼ੈਸਲਿਆਂ ਕਰ ਕੇ ਅਮਰੀਕਾ ਵਿਚ ਕੋਰੋਨਾ ਦੇ ਮਾਮਲੇ ਕਾਫ਼ੀ ਘਟ ਹਨ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।