Delhi High Alert

ਨਵੀਂ ਦਿੱਲੀ (ਭਾਸ਼ਾ): ਨਵੀਂ ਦਿੱਲੀ ਦੀ ਖੁਫੀਆ ਏਜੰਸੀ ਨੂੰ ਇਕ ਵਟਸਐਪ ਗਰੁਪ 'ਤੇ ਮੈਸੇਜ਼ ਮਿਲੀਆ ਹੈ ਜਿਸ ਤੋਂ ਬਾਅਦ ਰਾਸ਼ਟਰੀ ਰਾਜਧਾਨੀ ਦਿੱਲੀ ਨੂੰ ਹਾਈ ਅਲਰਟ 'ਤੇ ਰੱਖਿਆ ਗਿਆ ਹੈ। ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਇਹ ਵਟਸਐਪ ਗਰੁਪ ਜੈਸ਼-ਏ-ਮੁਹੰਮਦ ਦੇ ਨਾਲ ਚਲਾਇਆ ਜਾ ਰਿਹਾ ਹੈ। ਜਿਸ 'ਚ ਜੰਮੂ ਕਸ਼ਮੀਰ ਵਿਚ ਪਿਛਲੇ ਮਹੀਨੇ ਇਕ ਕਮਾਂਡਰ ਦੀ ਹੱਤਿਆ ਦਾ ਬਦਲਾ ਲੈਣ ਲਈ ਦਿੱਲੀ  ਦੇ ਸੰਵੇਦਨਸ਼ੀਲ ਅਧਾਰਿਆਂ 'ਤੇ ਅਤਿਵਾਦੀ ਹਮਲੇ ਦੀਆਂ ਗੱਲਾਂ ਕਹੀਆਂ ਹਨ। 

ਦੱਸ ਦਈਏ ਕਿ ਮੰਗਲਵਾਰ ਨੂੰ ਖੁਫੀਆ ਏਜੰਸੀ ਨੇ 13 ਨਵੰਬਰ ਦਾ ਇਕ ਪੱਤਰ ਜਾਰੀ ਕਰਦੇ ਹੋਏ ਖੁਫੀਆ ਵਿੰਗ ਨੂੰ ਕਿਹਾ ਕਿ ਇਸ ਵਟਸਐਪ ਮੈਸੇਜ਼ ਨੂੰ ਵੇਖਦੇ ਹੋਏ ਇੰਟੈਲੀਜੈਂਸ ਨੂੰ ਐਕਟਿਵ ਅਤੇ ਹਾਈ ਅਲਰਟ ਜ਼ਾਰੀ ਰਖਿਆ ਜਾਵੇ। ਇਕ ਪੱਤਰ ਦੀ ਕਾਪੀ ਵਿਚ ਕਿਹਾ ਗਿਆ ਹੈ ਕਿ ਪਾਕਿਸਤਾਨੀ ਨਾਗਰਿਕ ਅਮੀਰ ਹਮਜ਼ਾ ਦੇ ਨਾਲ ਸਰਕੁਲੇਟ ਕੀਤੇ ਗਏ ਮੈਸੇਜ ਦੇ ਮੁਤਾਬਕ ਵਟਸਐਪ ਗਰੁਪ 'ਜੈਸ਼ ਕੰਮਿਯਊਨੀਕੇਸ਼ਨ ਸੈਂਟਰ' ਵਿਚ 30 ਅਕਤੂਬਰ ਨੂੰ ਪੁਲਵਾਮਾ ਦੇ ਤਰਾਲ ਵਿਚ ਕਮਾਂਡਰ

ਉਸਮਾਨ ਉਰਫ ਹੁਜੈਫਾ ਦੀ ਹੱਤਿਆ ਦਾ ਬਦਲਾ ਲੈਣ ਲਈ ਜੈਸ਼ ਏ ਮੁਹੰਮਦ ਦਿੱਲੀ ਵਿਚ ਸੁਰੱਖਿਆ ਅਧਾਰਿਆਂ 'ਤੇ ਹਮਲੇ ਦੀ ਯੋਜਨਾ ਬਣਾ ਰਿਹਾ ਹੈ। ਨਾਲ ਹੀ ਪੱਤਰ ਵਿਚ ਇਹ ਕਿਹਾ ਗਿਆ ਹੈ ਕਿ ਹਮਜਾ ਨੇ ਇਹ ਦਾਅਵਾ ਕੀਤਾ ਕਿ ਉਹ ਪਾਕਿਸਤਾਨ ਦੇ ਕਰਾਚੀ ਵਿਚ ਜੈਸ਼-ਏ-ਮੁਹੰਮਦ ਦੇ ਸਟੂਡੈਂਟ ਵਿੰਗ ਤਾਲਬਲ- ਮੁਰਾਬਿਟੂਨ ਦਾ ਹਿੱਸਾ ਹੈ।ਦੱਖਣ ਕਸ਼ਮੀਰ ਦੇ ਤਰਾਲ ਵਿਚ 30 ਅਕਤੂਬਰ ਨੂੰ ਸੁਰੱਖਿਆਬਲਾਂ ਦੇ ਮੁਕਾਬਲੇ ਵਿਚ ਜੈਸ਼-ਏ-ਮੁਹੰਮਦ ਦੇ ਦੋ ਅਤਿਵਾਦੀ ਮਾਰੇ ਗਏ ਸਨ।

ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਵਿਚੋਂ ਇਕ ਜੈਸ਼-ਏ-ਮੁਹੰਮਦ ਚੀਫ਼ ਮੌਲਾਨਾ ਮਸੂਦ ਅਜਗਹ ਦਾ ਭਤੀਜਾ ਉਸਮਾਨ ਸੀ। ਜ਼ਿਕਰਯੋਗ ਹੈ ਕਿ ਧਮਕੀ ਨੂੰ ਵੇਖਦੇ ਹੋਏ ਕਈ ਸੁਰੱਖਿਆ ਅਧਾਰਿਆਂ ਜਿਵੇਂ ਸੀਆਈਐਸਐਫ, ਐਨਐਸਜੀ, ਆਰਪੀਐਫ ਅਤੇ ਦਿੱਲੀ ਪੁਲਿਸ ਨੂੰ ਪੱਤਰ ਭੇਜਿਆ ਗਿਆ ਹੈ ਜਿਸ ਤੋਂ ਬਾਅਦ ਦਿੱਲੀ ਵਿਚ ਸੰਵੇਦਨਸ਼ੀਲ ਥਾਵਾਂ ਨੂੰ ਹਾਈ ਅਲਰਟ 'ਤੇ ਰੱਖਿਆ ਜਾ ਸਕੇ।