ਚਲਦੇ-ਚਲਦੇ ਘਸ ਗਈਆਂ ਮਜ਼ਦੂਰਾਂ ਦੀਆਂ ਚੱਪਲਾਂ,ਮਦਦ ਲਈ ਪੁਲਿਸ ਨੇ ਲਗਾਈ ਸੜਕ 'ਤੇ ਦੁਕਾਨ
ਪੁਲਿਸ ਨੇ ਆਗਰਾ-ਗਵਾਲੀਅਰ ਨੈਸ਼ਨਲ ਹਾਈਵੇ 'ਤੇ ਚੱਪਲਾਂ ਦੀ ਦੁਕਾਨ ਲਗਾ ਰੱਖੀ ਹੈ।
ਨਵੀਂ ਦਿੱਲੀ: ਪੁਲਿਸ ਨੇ ਆਗਰਾ-ਗਵਾਲੀਅਰ ਨੈਸ਼ਨਲ ਹਾਈਵੇ 'ਤੇ ਚੱਪਲਾਂ ਦੀ ਦੁਕਾਨ ਲਗਾ ਰੱਖੀ ਹੈ। ਇਹ ਚੱਪਲਾਂ ਉਨ੍ਹਾਂ ਕਾਮਿਆਂ ਲਈ ਹਨ ਜੋ ਤੇਜ਼ ਧੁੱਪ ਵਿਚ ਸੜਕ ਤੇ ਤੁਰ ਰਹੇ ਹਨ। ਘਰਾਂ ਦਾ ਬੋਝ ਸਿਰ ‘ਤੇ ਲੈ ਕੇ, ਇਹ ਮਜ਼ਦੂਰ ਨਿਰੰਤਰ ਚਲਦੇ ਜਾ ਰਹੇ ਹਨ।
ਦਿੱਲੀ ਐਨਸੀਆਰ ਵਿਚ ਤਾਲਾਬੰਦੀ ਵਿਚ ਜ਼ਿੰਦਗੀ ਰੁਕਣ ਨਾਲ ਰੋਜ਼ੀ ਰੋਟੀ ਦੀ ਘਾਟ ਪੈ ਗਈ। ਹੁਣ ਇਹ ਮਜ਼ਦੂਰ ਤਪਦੀ ਦੁਪਹਿਰ ਵੇਲੇ ਪੈਦਲ ਘਰ ਜਾ ਰਹੇ ਹਨ। ਨਿਰੰਤਰ ਚਲਦਿਆਂ ਉਹਨਾਂ ਦੀਆਂ ਚੱਪਲਾਂ ਟੁੱਟ ਗਈਆਂ। ਇਸ ਤੋਂ ਬਾਅਦ ਬਹੁਤ ਸਾਰੇ ਮਜ਼ਦੂਰ ਤਪਦੀ ਸੜਕ 'ਤੇ ਨੰਗੇ ਪੈਰ ਤੁਰ ਰਹੇ ਹਨ।
ਅਜਿਹੇ ਮਜ਼ਦੂਰਾਂ ਲਈ ਆਗਰਾ ਪੁਲਿਸ ਰਾਹਤ ਸਮਾਨ ਲੈ ਕੇ ਆਈ ਹੈ। ਪੁਲਿਸ ਅਜਿਹੇ ਮਜ਼ਦੂਰਾਂ ਨੂੰ ਚੱਪਲਾਂ ਦੇ ਰਹੀ ਹੈ ਤਾਂ ਜੋ ਉਨ੍ਹਾਂ ਦਾ ਮੀਲ ਲੰਮਾ ਰਸਤਾ ਥੋੜਾ ਸੌਖਾ ਹੋ ਜਾਵੇ। ਆਗਰਾ ਪੁਲਿਸ ਮਜਦੂਰਾਂ ਨੂੰ ਸੈਂਕੜੇ ਜੋੜੇ ਚੱਪਲਾਂ ਮੁਫਤ ਵਿੱਚ ਵੰਡ ਰਹੀ ਹੈ।
ਆਗਰਾ ਸਦਰ ਦੇ ਸੀਓ ਵਿਕਾਸ ਜੈਸਵਾਲ ਨੇ ਕਿਹਾ ਕਿ ਬਾਹਰੋਂ ਆਉਣ ਵਾਲੇ ਮਜ਼ਦੂਰਾਂ ਲਈ ਉਨ੍ਹਾਂ ਦੇ ਬੱਚੇ ਜਾਂ ਬਜ਼ੁਰਗ ਜੋ ਨੰਗੇ ਪੈਰ ਤੁਰ ਰਹੇ ਹਨ, ਅਸੀਂ ਉਨ੍ਹਾਂ ਨੂੰ ਚੱਪਲਾਂ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਅਸੀਂ ਉਨ੍ਹਾਂ ਨੂੰ ਖਾਣੇ ਦੇ ਪੈਕੇਟ ਅਤੇ ਪਾਣੀ ਵੀ ਦੇ ਰਹੇ ਹਾਂ।
ਸਰਕਾਰ ਅਤੇ ਪ੍ਰਸ਼ਾਸਨ ਵੱਲੋਂ ਵਾਰ ਵਾਰ ਅਪੀਲ ਕਰਨ ਦੇ ਬਾਵਜੂਦ ਮਜ਼ਦੂਰ ਲਗਾਤਾਰ ਘਰ ਜਾ ਰਹੇ ਹਨ। ਹੁਣ ਪਰਦੇਸ ਵਿੱਚ ਉਹਨਾਂ ਦਾ ਪੂਰਾ ਆਸਰਾ ਚਲਾ ਗਿਆ ਹੈ।
50 ਦਿਨਾਂ ਦੀ ਬੇਰੁਜ਼ਗਾਰੀ ਤੋਂ ਬਾਅਦ ਨਾ ਤਾਂ ਖਾਣੇ ਦਾ ਪੈਸਾ ਬਚਿਆ ਹੈ ਅਤੇ ਨਾ ਹੀ ਰਹਿਣ ਲਈ ਮਕਾਨ। ਉੱਤਰ ਭਾਰਤ ਵਿੱਚ ਗਰਮੀ ਹੁਣ ਗੰਭੀਰ ਰੂਪ ਧਾਰਨ ਕਰਨ ਲੱਗੀ ਹੈ ਅਤੇ ਕੋਰੋਨਾ ਦੀ ਲਾਗ ਰੁਕਣ ਦਾ ਨਾਮ ਨਹੀਂ ਲੈ ਰਹੀ।
ਪਿਛਲੇ ਕੁੱਝ ਦਿਨਾਂ ਤੋਂ ਹਰਿਆਣਾ, ਦਿੱਲੀ ਅਤੇ ਪੰਜਾਬ ਤੋਂ ਆਏ ਹਜ਼ਾਰਾਂ ਪ੍ਰਵਾਸੀ ਮਜ਼ਦੂਰਾਂ ਦਾ ਕਾਫਲਾ ਆਗਰਾ ਦੇ ਰਸਤੇ ਆਪਣੇ ਘਰਾਂ ਵੱਲ ਜਾ ਰਹੇ ਹਨ। ਇਨ੍ਹਾਂ ਮਜ਼ਦੂਰਾਂ ਦੀ ਮਜਬੂਰੀ ਦਿਲ ਦਹਿਲਾ ਦੇਣ ਵਾਲੀ ਹੈ। ਮਜ਼ਦੂਰਾਂ ਦੀਆਂ ਜੇਬਾਂ ਵਿੱਚ ਕਿਰਾਏ ਦਾ ਕੋਈ ਪੈਸਾ ਨਹੀਂ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।