Gurdwara Bangla Sahib

ਨਵੀਂ ਦਿੱਲੀ : ਨਵੰਬਰ 2016 ਮਗਰੋਂ ਨਕਦੀ ਦਾ ਪਸਾਰਾ ਘੱਟ ਕਰਨ ਦਾ ਅਸਰ ਹੁਣ ਰੱਬ ਅਤੇ ਚੇਲੇ ਦੇ ਰਿਸ਼ਤੇ 'ਤੇ ਵੀ ਦਿਸਣ ਲੱਗਾ ਹੈ। ਮੰਦਰ, ਮਸਜਿਦ, ਗੁਰਦਵਾਰੇ ਵਿਚ ਰੱਬ ਦੇ ਚਰਨਾਂ ਵਿਚ ਚੜ੍ਹਵਾ ਚੜ੍ਹਉਣ ਦੀ ਰਵਾਇਤ ਰਹੀ ਹੈ ਪਰ ਹੁਣ ਮੋਬਾਈਲ 'ਤੇ ਸੰਦੇਸ਼ ਆਵੇਗਾ ਅਤੇ ਚੜ੍ਹਵੇ ਦੀ ਰਕਮ ਅਪਣੇ ਆਪ ਤੁਹਾਡੇ ਖਾਤੇ ਵਿਚੋਂ ਕੱਟੀ ਜਾਵੇਗੀ।

ਜੇ ਤੁਸੀਂ ਚਾਹੋ ਤਾਂ ਅਪਣੇ ਬੈਂਕ ਖਾਤੇ ਵਿਚੋਂ ਧਨ ਸਿੱਧੇ 'ਗੁਰੂ ਦੀ ਗੋਲਕ' ਵਿਚ ਪਾ ਸਕਦੇ ਹੋ। ਗੁਰਦਵਾਰਾ ਬੰਗਲਾ ਸਾਹਿਬ ਵਿਚ 'ਗੁਰੂ ਦੀ ਗੋਲਕ' ਯਾਨੀ ਦਾਨਪਾਤਰ ਨੂੰ ਡਿਜੀਟਲ ਕਰ ਦਿਤਾ ਗਿਆ ਹੈ ਅਤੇ ਹੁਣ ਗੁਰੂ ਦਾ ਕੋਈ ਵੀ ਭਗਤ ਇਸ ਡਿਜੀਟਲ ਗੋਲਕ ਵਿਚ ਦਾਨ ਦੀ ਰਕਮ ਜਮ੍ਹਾ ਕਰਾ ਸਕਦਾ ਹੈ। ਦਿੱਲੀ ਸਿੱਖ ਗੁਰਦਵਾਰਾ ਮੈਨੇਜਮੈਂਟ ਕਮੇਟੀ ਨੇ ਹਾਲ ਹੀ ਵਿਚ ਗੁਰਦਵਾਰਾ ਬੰਗਲਾ ਸਾਹਿਬ ਵਿਚ ਲਛਮੀ ਵਿਲਾਸ ਬੈਂਕ ਦੇ ਸਹਿਯੋਗ ਨਾਲ ਡਿਜੀਟਲ ਦਾਨ ਕੇਂਦਰ ਵਿਚ ਕੋਈ ਵੀ ਵਿਅਕਤੀ ਘੱਟੋ ਘੱਟ 100 ਰੁਪਏ ਤੋਂ ਲੈ ਕੇ ਵੱਧ ਤੋਂ ਵੱਧ ਅਪਣੀ ਸ਼ਰਧਾ ਮੁਤਾਬਕ ਰਕਮ ਦਾ ਭੁਗਤਾਨ ਕਮੇਟੀ ਦੇ ਖਾਤੇ ਵਿਚ ਡਿਜੀਟਲ ਤਰੀਕੇ ਨਾਲ ਕਰ ਸਕੇਗਾ।

ਏਟੀਐਮ ਨੁਮਾ ਬਣੇ ਇਸ ਕੇਂਦਰ ਵਿਚ ਕੋਈ ਵੀ ਵਿਅਕਤੀ ਰਕਮ ਜਮ੍ਹਾ ਕਰਾ ਸਕਦਾ ਹੈ। ਦਾਨ ਦੇਣ ਵਾਲੇ ਨੂੰ ਅਪਣੀ ਮਰਜ਼ੀ ਨਾਲ ਦਾਨ ਦੇਣ ਦੀ ਸਹੂਲਤ ਵੀ ਉਪਲਭਧ ਕਰਾਈ ਗਈ ਹੈ। ਜੇ ਦਾਨੀ ਡਿਜੀਟਲ ਗੋਲਕ ਤਕਨੀਕ ਨਾਲ ਅਪਣੇ ਬੈਂਕ ਖਾਤੇ ਨੂੰ ਜੋੜਨ ਵਿਚ ਝਿਜਕਦਾ ਹੈ ਤਾਂ ਦਾਨੀ ਨੂੰ ਸਿਰਫ਼ ਡਿਜੀਟਲ ਗੋਲਕ ਮਸ਼ੀਨ ਦੁਆਰਾ ਅਪਣਾ ਮੋਬਾਈਲ ਨੰਬਰ ਪਾਉਣ 'ਤੇ ਅਪਣੇ ਮੋਬਾਈਲ 'ਤੇ ਡਿਜੀਟਲ ਗੋਲਕ ਦਾ ਲਿੰਕ ਐਸਐਸਮਐਸ ਦੁਆਰਾ ਜਾ ਆਵੇਗਾ। ਸੁਰੱਖਿਅਤ ਸਿਸਟਮ ਨਾਲ ਚਾਰ ਘੰਟਿਆਂ ਅੰਦਰ ਭੁਗਤਾਨ ਕੀਤਾ ਜਾ ਸਕਦਾ ਹੈ।

ਕਮੇਟੀ ਦੇ ਖਾਤੇ ਵਿਚ ਰਕਮ ਆਉਣ ਮਗਰੋਂ ਦਾਨੀ ਦੀ ਈਮੇਲ 'ਤੇ ਧਾਰਾ 80 ਜੀ ਤਹਿਤ ਆਮਦਨ ਕਰ ਤੋਂ ਛੋਟ ਦਾ ਪ੍ਰਮਾਣ ਪੱਤਰ ਅਤੇ ਮੋਬਾਈਲ 'ਤੇ ਧਨ ਪ੍ਰਾਪਤੀ ਦਾ ਸੰਦੇਸ਼ ਵੀ ਪਹੁੰਚ ਜਾਵੇਗਾ। ਦਾਨੀ ਸਿਖਿਆ, ਲੰਗਰ, ਕਾਰਸੇਵਾ ਆਦਿ ਲਈ ਦਾਨ ਦੇ ਸਕਦੇ ਹਨ। ਕਮੇਟੀ ਪ੍ਰਧਾਨ ਮਨਜੀਤ ਸਿੰਘ ਜੀ. ਕੇ. ਨੇ ਕਿਹਾ ਕਿ ਅੱਜਕਲ ਪਲਾਸਟਿਕ ਮਨੀ ਦਾ ਜ਼ਮਾਨਾ ਹੈ। ਬਹੁਤੇ ਲੋਕ ਅਪਣੀ ਜੇਬ ਵਿਚ ਜ਼ਿਆਦਾ ਨਕਦੀ ਰੱਖਣ ਤੋਂ ਸੰਕੋਚ ਕਰਦੇ ਹਨ। ਇਸ ਲਈ ਇਹ ਸਹੂਲਤ ਸ਼ੁਰੁ ਕੀਤੀ ਗਈ ਹੈ। (ਏਜੰਸੀ)