pramod muthalik

ਬੰਗਲੁਰੂ : ਕਰਨਾਟਕ ਵਿਚ ਸ੍ਰੀਰਾਮ ਸੈਨਾ ਦੇ ਵਿਵਾਦਤ ਮੁਖੀ ਪ੍ਰਮੋਦ ਮੁਤਾਲਿਕ ਨੇ ਪੱਤਰਕਾਰ ਗੌਰੀ ਲੰਕੇਸ਼ ਦੀ ਹੱਤਿਆ 'ਤੇ ਟਿੱਪਣੀ ਕਰਦੇ ਹੋਏ ਕਿਹਾ ਕਿ ਕੀ ਕਰਨਾਟਕ ਵਿਚ ਕਿਸੇ ਕੁੱਤੇ ਦੇ ਮਰਨ 'ਤੇ ਵੀ ਮੋਦੀ ਜ਼ਿੰਮੇਵਾਰ ਹੈ ਅਤੇ ਕੀ ਹਰ ਕੁੱਤੇ ਦੀ ਮੌਤ 'ਤੇ ਪੀਐਮ ਨੂੰ ਜਵਾਬ ਦੇਣ ਦੀ ਲੋੜ ਹੈ? ਸ੍ਰੀਰਾਮ ਸੈਨਾ ਮੁਖੀ ਨੇ ਕਿਹਾ ਕਿ ਕਰਨਾਟਕ ਵਿਚ ਦੋ ਹੱਤਿਆਵਾਂ ਹੋਈਆਂ ਤਾਂ ਹੰਗਾਮਾ ਖੜ੍ਹਾ ਹੋ ਗਿਆ। ਪ੍ਰਧਾਨ ਮੰਤਰੀ ਮੋਦੀ 'ਤੇ ਉਂਗਲ ਉਠਾਈ ਗਈ ਅਤੇ ਕੇਂਦਰ ਸਰਕਾਰ ਨੂੰ ਫੇਲ੍ਹ ਦਸਿਆ ਗਿਆ ਪਰ ਕਾਂਗਰਸ ਸ਼ਾਸਨ ਵਿਚ ਜਦੋਂ ਮਹਾਰਸ਼ਟਰ ਵਿਚ ਇਸੇ ਤਰ੍ਹਾਂ ਦੋ ਹੱਤਿਆਵਾਂ ਹੋਈਆਂ ਸਨ ਤਾਂ ਕਿਸੇ ਨੇ ਵੀ ਉਥੋਂ ਦੀ ਸਰਕਾਰ ਨੂੰ ਫੇਲ੍ਹ ਨਹੀਂ ਦਸਿਆ ਸੀ। ਤੁਹਾਨੂੰ ਦਸ ਦੇਈਏ ਕਿ ਗੌਰੀ ਲੰਕੇਸ਼ ਹੱਤਿਆ ਕਾਂਡ ਵਿਚ ਸ੍ਰੀਰਾਮ ਸੈਨਾ ਨਾਲ ਜੁੜੇ ਕੁੱਝ ਲੋਕ ਵੀ ਸ਼ੱਕ ਦੇ ਘੇਰੇ ਵਿਚ ਹਨ।