ਚੱਲਦੀ ਬੱਸ ਦੀ ਛੱਤ ਤੋਂ ਡਿੱਗੇ ਵਿਦਿਆਰਥੀ, ਰੌਂਗਟੇ ਖੜ੍ਹੇ ਕਰ ਦੇਵੇਗਾ ਇਹ ਵੀਡੀਓ
ਚੇਨਈ ਵਿਚ ਸੋਮਵਾਰ ਨੂੰ ਕਾਲਜ ਦੇ ਵਿਦਿਆਰਥੀਆਂ ਨੇ ਬੱਸ ਦਿਵਸ ਮਨਾਇਆ ਅਤੇ ਭਾਰੀ ਸੰਖਿਆ ਵਿਚ ਸਾਰੇ ਵਿਦਿਆਰਥੀ ਬੱਸ ਦੇ ਉੱਪਰ ਚੜ੍ਹ ਗਏ।
ਚੇਨਈ : ਚੇਨਈ ਵਿਚ ਸੋਮਵਾਰ ਨੂੰ ਕਾਲਜ ਦੇ ਵਿਦਿਆਰਥੀਆਂ ਨੇ ਬੱਸ ਦਿਵਸ ਮਨਾਇਆ ਅਤੇ ਭਾਰੀ ਸੰਖਿਆ ਵਿਚ ਸਾਰੇ ਵਿਦਿਆਰਥੀ ਬੱਸ ਦੇ ਉੱਪਰ ਚੜ੍ਹ ਗਏ। ਜਿਸਦਾ ਇੱਕ ਹੈਰਾਨ ਕਰਨ ਵਾਲਾ ਵੀਡੀਓ ਸੋਸ਼ਲ ਮੀਡੀਆਂ ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। ਦਰਅਸਲ ਕੁਝ ਵਿਦਿਆਰਥੀ ਬੱਸ ਡੇ ਦੌਰਾਨ ਬੱਸ ਦੀ ਛੱਤ 'ਤੇ ਚੜ੍ਹ ਕੇ ਹੰਗਾਮਾ ਕਰਨ ਦੇ ਨਾਲ ਨਾਅਰੇ ਲਗਾਉਣ ਲੱਗੇ। ਅਚਾਨਕ ਵਿਦਿਆਰਥੀ ਬੱਸ ਦਾ ਬ੍ਰੇਕ ਲੱਗਣ ਕਾਰਨ ਹੇਠਾਂ ਡਿੱਗ ਪਏ।
ਇਹਨਾਂ ਵਿੱਚੋਂ ਬਹੁਤ ਸਾਰੇ ਵਿਦਿਆਰਥੀਆਂ ਨੂੰ ਵੀ ਸੱਟਾਂ ਲੱਗੀਆਂ ਹਨ। ਇਸ ਮਾਮਲੇ ਵਿੱਚ ਪੁਲਿਸ ਨੇ 24 ਵਿਦਿਆਰਥੀਆਂ ਨੂੰ ਹਿਰਾਸਤ ਵਿਚ ਲਿਆ ਹੈ। ਚੇਨਈ ਦੀ ਪੁਲਿਸ ਅਨੁਸਾਰ ਚੇਨਈ ਦੇ ਪੱਚਾਈਅੱਪਾਸ ਕਾਲਜ ਦੇ ਵਿਦਿਆਰਥੀ ਮਹਾਂਨਗਰ ਟਰਾਂਸਪੋਰਟ ਦੀ ਬੱਸ ਨੰਬਰ 40 ਏ ਵਿਚ ਸਵਾਰ ਸਨ। ਬੱਸ ਪਹਿਲਾਂ ਹੀ ਵਿਦਿਆਰਥੀਆਂ ਨਾਲ ਪੂਰੀ ਤਰ੍ਹਾਂ ਭਰ ਚੁੱਕੀ ਸੀ।
ਕੰਡਕਟਰ ਅਤੇ ਡਰਾਈਵਰ ਦੇ ਇਨਕਾਰ ਕਰਨ ਦੇ ਬਾਵਜੂਦ ਬਹੁਤ ਸਾਰੇ ਵਿਦਿਆਰਥੀ ਬੱਸ ਦੀ ਛੱਤ 'ਤੇ ਸਵਾਰ ਹੋ ਗਏ। ਪੂਰੇ ਰਸਤੇ ਉਹ ਕਾਲਜ ਦੇ ਨਾਮ ਦੇ ਨਾਅਰੇ ਲਗਾਉਂਦੇ ਰਹੇ। ਬੱਸ ਦੇ ਅੱਗੇ ਵੀ ਬਾਈਕ ਤੇ ਕਾਲਜ ਦੇ ਵਿਦਿਆਰਥੀ ਚੱਲ ਰਹੇ ਸਨ। ਅਯਨਾਵਰਮ ਦੇ ਨੇੜੇ ਬੱਸ ਦੇ ਅੱਗੇ ਬਾਈਕ 'ਤੇ ਚੱਲ ਰਹੇ ਬਾਈਕ ਨੇ ਬਰੇਕ ਲਗਾ ਦਿੱਤੇ ਤੇ ਫਿਰ ਬੱਸ ਡਰਾਈਵਰ ਨੂੰ ਵੀ ਬਰੇਕ ਲਗਾਉਣੇ ਪਏ।
ਜਿਸਦੀ ਵਜ੍ਹਾ ਨਾਲ ਛੱਤ 'ਤੇ ਸਵਾਰ ਵਿਦਿਆਰਥੀ ਬੱਸ ਦੇ ਸਾਹਮਣੇ ਆ ਡਿੱਗੇ। ਜਦੋਂ ਪੁਲਿਸ ਉੱਥੇ ਪਹੁੰਚੀ ਤਾਂ ਡਰ ਦੀ ਵਜ੍ਹਾ ਨਾਲ ਵਿਦਿਆਰਥੀ ਬੱਸ ਦੇ ਸਾਹਮਣੇ ਆ ਕੇ ਡਿੱਗ ਗਏ। ਜਦੋਂ ਪੁਲਿਸ ਮੌਕੇ ਤੇ ਪਹੁੰਚੀ ਤਾਂ ਵਿਦਿਆਰਥੀ ਉੱਥੋਂ ਫਰਾਰ ਹੋ ਗਏ ਸਨ। ਇਸਦੇ ਬਾਅਦ ਪੁਲਿਸ ਨੇ 24 ਵਿਦਿਆਰਥੀਆਂ ਨੂੰ ਇਸ ਮਾਮਲੇ ਵਿਚ ਹਿਰਾਸਤ ਵਿਚ ਲਿਆ ਹੈ।