ਲਖਨਊ : ਉੱਤਰ ਪ੍ਰਦੇਸ਼ ਸਰਕਾਰ ਹੁਣ ਗਊਆਂ ਦੇ ਅਤੇ ਪਸ਼ੂਆਂ ਦੇ ਪਾਲਣ ਪੋਸ਼ਣ ਲਈ ਸ਼ਰਾਬ ਤੋਂ ਟੈਕਸ ਵਸੂਲ ਕਰਕੇ ਇੰਤਜਾਮ ਕਰੇਗੀ। ਇਸ ਨਵੀਂ ਵਿਵਸਥਾ ਦੇ ਤਹਿਤ ਪ੍ਰਦੇਸ਼ ਵਿਚ ਵਿਕਣ ਵਾਲੀ ਸ਼ਰਾਬ ਉਤੇ ਕਈ ਤਰੀਕੇ ਦਾ ਵੱਖ-ਵੱਖ ਵਿਸ਼ੇਸ਼ ਟੈਕਸ ਲਗਾਇਆ ਜਾਵੇਗਾ। ਜਿਸ ਦੇ ਨਾਲ ਹੋਣ ਵਾਲੀ ਆਮਦਨੀ ਨੂੰ ਪਸ਼ੂਆਂ ਦੀ ਹਿਫਾਜ਼ਤ ਅਤੇ ਦੇਖਭਾਲ ਲਈ ਖਰਚ ਕੀਤਾ ਜਾਵੇਗਾ। ਇਸ ਬਾਰੇ ਵਿਚ ਉੱਤਰ ਪ੍ਰਦੇਸ਼ ਕੈਬੀਨਟ ਨੇ ਆਦੇਸ਼ ਵੀ ਜਾਰੀ ਕਰ ਦਿਤਾ ਹੈ। ਆਦੇਸ਼ ਦੇ ਤਹਿਤ ਵਿਦੇਸ਼ੀ ਸ਼ਰਾਬ ਅਤੇ ਬੀਅਰ ਦੀ ਬੋਤਲ ਦੀ ਭਰਾਈ ਉਤੇ 1 ਰੁਪਏ ਤੋਂ ਲੈ ਕੇ 3 ਰੁਪਏ ਤੱਕ ਫ਼ੀਸ ਵਸੂਲੀ ਜਾਵੇਗੀ।

ਦੂਜੇ ਪ੍ਰਦੇਸ਼ਾਂ ਤੋਂ ਆਉਣ ਵਾਲੀ ਵਿਦੇਸ਼ੀ ਸ਼ਰਾਬ ਅਤੇ ਬੀਅਰ ਉਤੇ 50 ਪੈਸੇ ਤੋਂ ਲੈ ਕੇ 2 ਰੁਪਏ ਪ੍ਰਤੀ ਬੋਤਲ ਤੱਕ ਸਪੈਸ਼ਲ ਫ਼ੀਸ ਲੱਗੇਗੀ। ਇਸ ਤੋਂ ਇਲਾਵਾ ਹੋਟਲ ਅਤੇ ਰੇਸਟੋਰੈਂਟ ਵਿਚ ਵਿਕਣ ਵਾਲੀ ਵਿਦੇਸ਼ੀ ਸ਼ਰਾਬ ਉਤੇ 10 ਰੁਪਏ ਅਤੇ ਬੀਅਰ ਉਤੇ 5 ਰੁਪਏ ਪ੍ਰਤੀ ਬੋਤਲ ਸਪੈਸ਼ਲ ਫ਼ੀਸ ਸਰਕਾਰ ਵਸੂਲੇਗੀ। ਇਸ ਤਰ੍ਹਾਂ ਸਰਕਾਰ ਨੂੰ ਇਸ ਸਾਲ ਕਰੀਬ 165 ਕਰੋੜ ਜੁਟਾਏ ਜਾਣ ਦੀ ਉਮੀਦ ਹੈ।

ਇਸ ਟੈਕਸ ਨੂੰ ਜ਼ਿਆਦਾ ਤੋਂ ਜ਼ਿਆਦਾ ਇਕੱਠਾ ਕਰਨ ਲਈ ਸਰਕਾਰ ਸ਼ਰਾਬ ਵਿਕਰੀ ਨੂੰ ਵੀ ਉਤਸਾਹਤ ਕਰੇਗੀ। ਇਕੱਠੀ ਹੋਣ ਵਾਲੀ ਰਾਸ਼ੀ ਨੂੰ ਪਸ਼ੂਆਂ ਦੀ ਹਿਫਾਜ਼ਤ, ਅਵਾਰਾ ਪਸ਼ੂਆਂ  ਦੀ ਹਿਫਾਜ਼ਤ ਘਰ ਲੈ ਜਾਣ ਦਾ ਖਰਚ, ਹਿਫਾਜ਼ਤ ਘਰ ਬਣਾਉਣ ਦਾ ਖਰਚ, ਗਊਸ਼ਾਲਾ ਅਤੇ ਜਾਨਵਰਾਂ ਦੇ ਖਾਣ-ਪੀਣ ਦਾ ਇੰਤਜਾਮ ਕਰਨ ਦਾ ਖਰਚ ਇਸ ਬਜਟ ਤੋਂ ਕੱਢਿਆ ਜਾਵੇਗਾ। ਸਰਕਾਰ ਨੂੰ ਉਮੀਦ ਹੈ ਇਹ ਹਰ ਸਾਲ ਵਧਣ ਵਾਲਾ ਬਜਟ ਪਸ਼ੂਆਂ ਦੀ ਹਿਫਾਜ਼ਤ ਲਈ ਕਾਫ਼ੀ ਵੱਡਾ ਮਦਦਗਾਰ ਸਾਬਤ ਹੋਵੇਗਾ।