ਛੱਤੀਸਗੜ੍ਹ 'ਚ 'ਆਪ' ਨੇ ਜਾਰੀ ਕੀਤਾ ਗਾਰੰਟੀ ਕਾਰਡ, ਕੇਜਰੀਵਾਲ ਨੇ ਕਿਹਾ- ਮਰ ਜਾਵਾਂਗੇ ਪਰ ਗਾਰੰਟੀ ਪੂਰੀ ਕਰਾਂਗੇ

ਰਾਏਪੁਰ​ : ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਅਤੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅੱਜ ਰਾਏਪੁਰ ਦੌਰੇ 'ਤੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਛੱਤੀਸਗੜ੍ਹ ਦੇ ਲੋਕਾਂ ਲਈ ਗਾਰੰਟੀ ਕਾਰਡ ਜਾਰੀ ਕੀਤਾ। ਕੇਜਰੀਵਾਲ ਅਤੇ ਭਗਵੰਤ ਮਾਨ ਨੇ ਰਾਏਪੁਰ ਏਅਰਪੋਰਟ ਰੋਡ 'ਤੇ ਸਥਿਤ ਮਾਨਸ ਭਵਨ 'ਚ ਵਰਕਰ ਸੰਮੇਲਨ 'ਚ ਸ਼ਿਰਕਤ ਕੀਤੀ।

ਇਹ ਵੀ ਪੜ੍ਹੋ: ਹੁਣ ਸੰਨੀ ਨੇ ਨਹੀਂ, ਗੁਰਦਾਸਪੁਰ ਦੇ ਲੋਕਾਂ ਨੇ ਨਲਕਾ ਪੁੱਟ ਦੇਣਾ- ਕਾਂਗਰਸ MP ਜਸਬੀਰ ਡਿੰਪਾ

ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਪਹਿਲਾਂ ਨੇਤਾ ਮੈਨੀਫੈਸਟੋ ਬਾਰੇ ਝੂਠ ਬੋਲਦੇ ਸਨ ਪਰ ਕੇਜਰੀਵਾਲ ਨੇ ਜੋ ਗਾਰੰਟੀ ਦਿਤੀ ਹੈ ਉਹ ਪੂਰੀ ਕੀਤੀ।  ਉਹ ਮਰ ਜਾਣਗੇ, ਵੱਢੇ ਜਾਣਗੇ ਪਰ ਗਾਰੰਟੀ ਪੂਰੀ ਕਰਨਗੇ। ਅਸੀਂ ਝੂਠੇ ਮਤੇ ਅਤੇ ਮੈਨੀਫੈਸਟੋ ਜਾਰੀ ਨਹੀਂ ਕਰਦੇ। ਅਸੀਂ 10 ਗਾਰੰਟੀ ਦੇ ਰਹੇ ਹਾਂ। ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਬਿਜਲੀ ਦੀ ਗਰੰਟੀ ਹੈ- ਛੱਤੀਸਗੜ੍ਹ ਵਿਚ 24 ਘੰਟੇ ਮੁਫ਼ਤ ਬਿਜਲੀ ਮਿਲੇਗੀ। 300 ਯੂਨਿਟ ਮੁਫਤ ਬਿਜਲੀ ਦਿੱਤੀ ਜਾਵੇਗੀ। ਮੈਂ ਮੁਫਤ ਬਿਜਲੀ ਦੇਵਾਂਗਾ। ਇਹ ਜਾਦੂ ਹੈ, ਪਰ ਕੇਜਰੀਵਾਲ ਇਹ ਜਾਦੂ ਜਾਣਦਾ ਹੈ। ਜੇਕਰ ਛੱਤੀਸਗੜ੍ਹ 'ਚ ਸਾਡੀ ਸਰਕਾਰ ਆਉਂਦੀ ਹੈ ਤਾਂ ਅਸੀਂ ਨਵੰਬਰ ਤੱਕ ਦੇ ਬਿਜਲੀ ਬਿੱਲਾਂ ਦੇ ਬਕਾਇਆ ਮੁਆਫ਼ ਕਰ ਦੇਵਾਂਗੇ।

ਇਹ ਵੀ ਪੜ੍ਹੋ: ਅਜਨਾਲਾ ਸਕੂਲ ਪ੍ਰਸ਼ਾਸਨ ਦੀ ਵੱਡੀ ਲਾਪਰਵਾਹੀ, ਵਿਦਿਆਰਥੀ ਦੀ ਕਰੰਟ ਲੱਗਣ ਨਾਲ ਹੋਈ ਮੌਤ

ਸਿੱਖਿਆ ਦੀ ਗਾਰੰਟੀ ਦਿੰਦੇ ਹੋਏ ਕੇਜਰੀਵਾਲ ਨੇ ਕਿਹਾ- ਇੱਥੋਂ ਦੇ ਸਕੂਲਾਂ ਦਾ ਬੁਰਾ ਹਾਲ। ਅਸੀਂ ਸਕੂਲਾਂ ਵਿੱਚ ਬਿਹਤਰ ਸਿੱਖਿਆ ਦੇਵਾਂਗੇ। ਸਾਰੇ ਸਰਕਾਰੀ ਸਕੂਲਾਂ ਨੂੰ ਸ਼ਾਨਦਾਰ ਬਣਾਵਾਂਗੇ, ਪੂਰੇ ਅਧਿਆਪਕ ਰੱਖਾਂਗੇ। ਪ੍ਰਾਈਵੇਟ ਸਕੂਲਾਂ ਦੀ ਗੁੰਡਾਗਰਦੀ ਨੂੰ ਰੋਕਿਆ ਜਾਵੇਗਾ। ਅਸੀਂ ਕੱਚੇ ਅਧਿਆਪਕਾਂ ਨੂੰ ਰੈਗੂਲਰ ਕਰਕੇ ਸਿਰਫ਼ ਪੜ੍ਹਾਉਣ ਦਾ ਕੰਮ ਕਰਵਾਵਾਂਗੇ।

ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ- ਛੱਤੀਸਗੜ੍ਹ ਦੀ ਧਰਤੀ ਇਤਿਹਾਸਕ ਹੈ ਅੱਜ ਜੋ ਗਾਰੰਟੀ ਕਾਰਡ ਜਾਰੀ ਕੀਤੇ ਜਾ ਰਹੇ ਹਨ, ਉਹ ਪਹਿਲਾਂ ਦਿੱਲੀ ਅਤੇ ਪੰਜਾਬ ਵਿੱਚ ਜਾਰੀ ਕੀਤੇ ਜਾ ਚੁੱਕੇ ਹਨ। ਜਿਹੜੇ ਲੋਕ ਤੁਰ ਕੇ ਇੱਥੇ ਆਏ, ਉਨ੍ਹਾਂ ਦਾ ਹਰ ਕਦਮ ਅੱਖਾਂ 'ਤੇ ਹੈ। 90 ਫੀਸਦੀ ਲੋਕਾਂ ਨੂੰ ਮੈਨੀਫੈਸਟੋ ਬਾਰੇ ਵੀ ਪਤਾ ਨਹੀਂ ਸੀ। ਇਸ ਨੂੰ ਲੈ ਕੇ ਪਾਰਟੀਆਂ ਵਿਚ ਮੁਕਾਬਲਾ ਹੁੰਦਾ ਸੀ ਪਰ ਆਮ ਆਦਮੀ ਪਾਰਟੀ ਨੇ ਵਾਅਦਾ ਨਹੀਂ ਕੀਤਾ, ਸਗੋਂ ਗਾਰੰਟੀ ਦਿੱਤੀ ਹੈ। ਸਾਡੀ ਸਰਕਾਰ ਨੇ ਦਿੱਲੀ ਦੀ ਗਾਰੰਟੀ ਪੂਰੀ ਕੀਤੀ। ਪੰਜਾਬ ਦੀ ਗਾਰੰਟੀ ਵੀ ਪੂਰੀ ਹੋ ਗਈ। ਛੱਤੀਸਗੜ੍ਹ ਵਿਚ ਵੀ ਗਾਰੰਟੀਆਂ ਪੂਰੀਆਂ ਕਰਾਂਗੇ।