Drought threatens in many parts of Arunachal

ਨਵੀਂ ਦਿੱਲੀ (ਭਾਸ਼ਾ) : ਭਾਰਤੀ ਸੀਮਾ ਵਿਚ ਚੀਨ ਦੁਆਰਾ ਲਗਾਤਾਰ ਘੂਸਪੈਠ ਦੀਆਂ ਖਬਰਾਂ ਦੇ ਵਿਚ ਤਿੱਬਤ ਦੇ ਰਸਤੇ ਭਾਰਤ ਵਿਚ ਵਹਿਣ ਵਾਲੀ ਬ੍ਰਹਮਪੁੱਤਰ ਨਦੀ ਦਾ ਪਾਣੀ ਰੋਕ ਦਿਤਾ ਗਿਆ ਹੈ। ਇਸ ਦੇ ਪਿਛੇ ਚੀਨ ਦਾ ਹੱਥ ਹੋਣ ਦੀ ਗੱਲ ਸਾਹਮਣੇ ਆਈ ਹੈ। ਪਾਣੀ ਰੁਕਣ ਦੀ ਵਜ੍ਹਾ ਨਾਲ ਅਰੁਣਾਚਲ ਪ੍ਰਦੇਸ਼ ਦੇ ਇਕ ਵੱਡੇ ਹਿੱਸੇ ਵਿਚ ਸੋਕੇ ਦੇ ਹਾਲਾਤ ਬਣ ਗਏ ਹਨ। ਅਰੁਣਾਚਲ ਪ੍ਰਦੇਸ਼ ਤੋਂ ਕਾਂਗਰਸ ਸੰਸਦ ਨਿਨੋਂਗ ਏਰਿੰਗ ਨੇ ਕੇਂਦਰੀ ਜਲ ਸੰਸਾਧਨ ਰਾਜ ਮੰਤਰੀ ਅਰਜੁਨ ਰਾਮ ਮੇਘਵਾਲ ਨੂੰ ਪੱਤਰ ਲਿਖ ਕੇ ਜਾਣੂ ਕਰਵਾਇਆ ਹੈ

ਅੱਗੇ ਚੱਲ ਕੇ ਆਸਾਮ ਵਿਚ ਇਹ ਬ੍ਰਹਮਪੁੱਤਰ ਦੇ ਨਾਮ ਨਾਲ ਜਾਣੀ ਜਾਂਦੀ ਹੈ। ਕਾਂਗਰਸ ਸੰਸਦ ਨਿਨੋਂਗ ਏਰਿੰਗ ਨੇ ਕੇਂਦਰੀ ਜਲ ਸੰਸਾਧਨ ਰਾਜ ਮੰਤਰੀ ਅਰਜੁਨ ਰਾਮ ਮੇਘਵਾਲ ਨੂੰ ਲਿਖੇ ਅਪਣੇ ਪੱਤਰ ਵਿਚ ਕਿਹਾ ਹੈ ਕਿ ਚੀਨ ਦੇ ਜਲ ਸੰਸਾਧਨ ਮੰਤਰਾਲੇ ਦੀ ਜਾਣਕਾਰੀ ਦੇ ਮੁਤਾਬਕ ਇਸ ਨਦੀ ਦੇ ਮਿਲਿਨ ਸੈਕਸ਼ਨ ਵਿਚ ਭੂਚਾਲ ਆਇਆ ਹੈ। ਜਿਸ ਦੀ ਵਜ੍ਹਾ ਨਾਲ 16 ਅਕਤੂਬਰ ਤੋਂ ਬ੍ਰਹਮਪੁੱਤਰ ਦੀ ਮੁੱਖਧਾਰਾ ਪ੍ਰਭਾਵਿਤ ਹੋਈ ਹੈ।

ਕਾਂਗਰਸ ਸੰਸਦ ਨੇ ਪੱਤਰ ਵਿਚ ਲਿਖਿਆ ਹੈ ਕਿ ਚੀਨ ਨੇ ਯਾਰਲੁੰਗ ਸਾਂਗਪੋ ਨਦੀ ਦੀ ਰੁਕਾਵਟ ਉਤੇ ਕਰੀਬੀ ਨਜ਼ਰ ਬਣਾਈ ਹੋਈ ਹੈ। ਜੇਕਰ ਅੱਗੇ ਦੀ ਕੋਈ ਸੂਚਨਾ ਆਉਂਦੀ ਹੈ ਤਾਂ ਸਾਨੂੰ ਇਸ ਦੀ ਜਾਣਕਾਰੀ ਉਸ ਨੂੰ ਦੇਣੀ ਚਾਹੀਦੀ ਹੈ ਅਤੇ ਭਾਰਤ ਸਰਕਾਰ ਨੂੰ ਇਸ ਮਾਮਲੇ ਵਿਚ ਸਰਗਰਮ ਹੋ ਕੇ ਉਨ੍ਹਾਂ ਨਾਲ ਗੱਲ ਕਰਨੀ ਚਾਹੀਦੀ ਹੈ।