Yogi Adityanath

ਲਖਨਊ : ਮੁੱਖ ਮੰਤਰੀ ਯੋਗੀ ਆਦਿੱਤਯਨਾਥ ਨੇ ਕਿਹਾ ਹੈ ਕਿ ਇਹ ਇਕ ਮਾਨਤਾ ਨਹੀਂ ਸਗੋਂ ਇਕ ਹਕੀਕਤ ਹੈ ਕਿ ਰਾਮ ਦਾ ਜਿਸ ਨੇ ਵੀ ਸਾਥ ਦਿਤਾ ਉਹ ਬਹੁਤ ਹੀ ਮਜ਼ਬੂਤ ਬਣ ਗਿਆ। ਜਿਸ ਤਰ੍ਹਾਂ ਹਨੂਮਾਨ ਜੀ ਨੂੰ ਘਰ-ਘਰ ਪੁੱਜਿਆ ਜਾਂਦਾ ਹੈ ਅਤੇ ਰਾਮਾਇਣ ਲਿਖ ਕੇ ਮਹਾਂਰਿਸ਼ੀ ਬਾਲਮੀਕਿ ਅਮਰ ਹੋ ਗਏ। ਰਾਮ ਦਾ ਵਿਰੋਧ ਜਿਸ ਨੇ ਕੀਤਾ ਉਹ ਬੇਸਹਾਰਾ ਬਣ ਗਿਆ। ਜਿਸ ਤਰ੍ਹਾਂ ਰਾਮ ਦਾ ਵਿਰੋਧ ਕਰਨ ਵਾਲੇ ਮਰੀਚੀ ਦਾ ਜੀਵਨ ਬੋਝ ਬਣ ਗਿਆ।

ਯੋਗੀ ਰਾਜਪਾਲ ਰਾਮ ਨਾਇਕ ਦੇ ਸੱਦੇ ਤੇ ਰਾਜਭਵਨ ਵਿਚ ਕਰਵਾਏ ਗਏ 'ਗੀਤ ਰਾਮਾਇਣ' ਪ੍ਰੋਗਰਾਮ ਵਿਚ ਵਿਸ਼ੇਸ਼ ਮਹਿਮਾਨ ਦੇ ਤੌਰ 'ਤੇ ਸ਼ਾਮਲ ਹੋਏ। ਉਹਨਾਂ ਕਿਹਾ ਕਿ ਵਿਦੇਸ਼ਾਂ ਵਿਚ ਵੀ ਲੋਕ ਰਾਮ ਪ੍ਰਤੀ ਆਸਥਾ ਰੱਖਦੇ ਹਨ। ਰਾਮ ਦੇ ਨਾਮ ਦੀ ਹੀ ਤਾਕਤ ਹੈ ਕਿ ਸਵਰਗਵਾਸੀ ਗਜਾਨਨ ਦਿਗੰਬਰ ਮਡਗੁਲਕਰ ਅਤੇ ਸਵਰਗਵਾਸੀ ਸੁਧੀਰ ਫੜਕੇ ਦੀ ਜਨਮ ਸ਼ਤਾਬਦੀ 'ਤੇ ਗੀਤ ਰਾਮਾਇਣ ਦੇ ਚਾਰ ਪ੍ਰੋਗਰਾਮ ਵਾਰਾਣਸੀ, ਆਗਰਾ, ਮੇਰਠ ਅਤੇ ਰਾਜਭਵਨ ਲਖਨਊ ਵਿਚ ਕਰਵਾਏ ਗਏ।

ਉਹਨਾਂ ਕਿਹਾ ਕਿ ਰਾਜਭਵਨ ਵਿਚ ਗੀਤ ਰਾਮਾਇਣ ਅਸਲ ਵਿਚ ਮਹਾਤਮਾ ਗਾਂਧੀ ਦੀ 150ਵੀ ਜਯੰਤੀ 'ਤੇ ਬਾਪੂ ਨੂੰ ਸ਼ਰਧਾਂਜਲੀ ਹੈ। ਇਸ ਮੌਕੇ 'ਤੇ ਰਾਜਪਾਲ ਨੇ ਕਿਹਾ ਕਿ ਰਾਜਪਾਲ ਹੋਣ ਦੇ ਨਾਤੇ ਮੈਂ ਸੱਭ ਤੋਂ ਆਖਰ ਵਿਚ ਬੋਲਦਾ ਹਾਂ ਪਰ ਅੱਜ ਉਹ ਪਰੋਟੋਕਾਲ ਤੋੜ ਰਹੇ ਹਨ। ਕਿਉਂਕਿ ਇਸ ਪ੍ਰੋਗਰਾਮ ਨੂੰ ਚਲਾਉਣ ਵਾਲੇ ਵੀ ਓਹੀ ਹਨ। ਇਹ ਖੁਸ਼ੀ ਦੀ ਗੱਲ ਹੈ ਕਿ ਰਾਜਭਵਨ ਵਿਚ ਸਾਲ ਦਾ ਪਹਿਲਾ ਪ੍ਰੋਗਰਾਮ ਗੀਤ ਰਾਮਾਇਣ ਤੋਂ ਸ਼ੁਰੂ ਹੋ ਰਿਹਾ ਹੈ। ਰਾਜਪਾਲ ਨੇ ਕਿਹਾ ਕਿ ਬਾਲ ਗੰਗਾਧਰ ਤਿਲਕ ਨੇ ਕਿਹਾ ਸੀ ਕਿ ਸਵਰਾਜ ਮੇਰਾ ਜਨਮਸਿੱਧ ਅਧਿਕਾਰ ਹੈ 

ਅਤੇ ਮੈਂ ਇਸ ਨੂੰ ਲੈ ਕੇ ਰਹਾਂਗਾ ਦੇ 101 ਸਾਲ ਪੂਰੇ ਹੋਣ ਸਬੰਧੀ ਪ੍ਰੋਗਰਾਮ ਵੀ ਲੋਕਭਵਨ ਵਿਖੇ ਹੀ ਹੋਇਆ ਸੀ। ਇਸ ਵਿਚ ਮਹਾਰਾਸ਼ਟਰਾ ਦੇ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਵੀ ਹਾਜ਼ਰ ਸਨ। ਪ੍ਰੋਗਰਾਮ ਦੌਰਾਨ ਨਾਇਕ ਨੇ ਉਤਰ ਪ੍ਰਦੇਸ਼ ਅਤੇ ਮਹਾਰਾਸ਼ਟਰਾ ਦੇ ਰਿਸ਼ਤਿਆਂ ਸਬੰਧੀ ਕਿਹਾ ਕਿ ਦੋਹਾਂ ਰਾਜਾਂ ਦਾ ਰਿਸ਼ਤਾ ਸ਼੍ਰੀ ਰਾਮ ਚੰਦਰ ਦੇ ਜਮਾਨੇ ਤੋਂ ਚਲ ਰਿਹਾ ਹੈ। ਵਿਧਾਨ ਸਭਾ ਸਪੀਕਰ ਹਿਰਦੇ ਨਾਰਾਇਣ ਦੀਕਿਸ਼ਤ ਨੇ ਕਿਹਾ ਕਿ ਯੂਪੀ ਅਤੇ ਮਹਾਰਾਸ਼ਟਰਾ ਦਾ ਸਬੰਧ ਬਹੁਤ ਡੂੰਘਾ ਹੈ।