ਨਵੀਂ ਦਿੱਲੀ (ਭਾਸ਼ਾ): ਪਿਤਾ ਦੇ ਇਲਾਜ਼ ਦਾ ਬਾਕੀ ਬਿੱਲ ਭਰਨ ਵਿਚ ਅਸਮਰਥ ਪੁੱਤਰ ਨੇ ਅੰਗਦਾਨ ਕਰਕੇ ਨਿਜੀ ਹਸਪਤਾਲ ਦਾ ਬਿੱਲ ਭਰਨ ਲਈ ਮੁੱਖ ਮੰਤਰੀ ਤੋਂ ਗੁਹਾਰ ਲਗਾਈ ਹੈ। ਦਿੱਲੀ ਦੇ ਸ਼ਾਲੀਮਾਰ ਬਾਅਦ ਨਿਵਾਸੀ ਅਮਿਤ ਸ਼ੈਣੀ ਨੇ ਮੰਗਲਵਾਰ ਨੂੰ ਸੀਐਮ ਵਿਡੋਂ ਉਤੇ ਮੰਗ ਲਗਾ ਕੇ ਕਿਹਾ ਕਿ ਉਹ ਮੇਦਾਂਤਾ ਹਸਪਤਾਲ ਦਾ 28.50 ਲੱਖ ਰੁਪਏ ਦਾ ਬਿੱਲ ਭਰਨ ਵਿਚ ਅਸਮਰਥ ਹੈ। ਅਜਿਹੇ ਵਿਚ ਹਸਪਤਾਲ ਉਸ ਦੇ ਸਰੀਰ ਦਾ ਕੋਈ ਵੀ ਅੰਗ ਲੈ ਕੇ ਅਪਣੀ ਬਾਕੀ ਰਾਸ਼ੀ ਵਸੂਲ ਕਰ ਸਕਦਾ ਹੈ।

ਉਨ੍ਹਾਂ ਨੇ ਦੱਸਿਆ ਕਿ ਅਗਸਤ ਮਹੀਨੇ ਵਿਚ ਅਪਣੇ ਪਿਤਾ ਨੂੰ ਦਿਲ ਦੀ ਰੋਗ ਦੇ ਇਲਾਜ਼ ਲਈ ਮੇਦਾਂਤਾ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਸੀ। ਹੁਣ ਤੱਕ ਹਸਪਤਾਲ ਵਿਚ ਉਹ 10.30 ਲੱਖ ਰੁਪਏ ਦਾ ਭੁਗਤਾਨ ਕਰ ਚੁੱਕਿਆ ਹੈ। ਅਮਿਤ ਸ਼ੈਣੀ ਨੇ ਦੱਸਿਆ ਕਿ ਦੋ ਅਗਸਤ ਨੂੰ ਉਹ ਅਪਣੇ 62 ਸਾਲ ਦੇ ਪਿਤਾ ਚੰਦਰਭਾਨ ਸ਼ੈਣੀ ਨੂੰ ਦਿਲ ਦੇ ਰੋਗ ਤੋਂ ਬਿਮਾਰ ਹੋਣ ਉਤੇ ਮੇਦਾਂਤਾ ਹਸਪਤਾਲ ਵਿਚ  ਭਰਤੀ ਕਰਵਾਇਆ ਗਿਆ ਸੀ। ਹੁਣ ਤੱਕ ਹਸਪਤਾਲ ਵਿਚ ਉਹ 10.30 ਲੱਖ ਰੁਪਏ ਦਾ ਭੁਗਤਾਨ ਕਰ ਚੁੱਕਿਆ ਹੈ। ਹੁਣ ਹਸਪਤਾਲ ਤੋਂ 28.30 ਲੱਖ ਰੁਪਏ ਦੀ ਰਾਸ਼ੀ ਬਾਕੀ ਦੱਸੀ ਜਾ ਰਹੀ ਹੈ।

ਅਜਿਹੇ ਵਿਚ ਹੁਣ ਉਹ ਬਾਕੀ ਰਾਸ਼ੀ ਭਰਨ ਵਿਚ ਅਸਮਰਥ ਹੈ। ਉਨ੍ਹਾਂ ਨੇ ਇਲਜ਼ਾਮ ਲਗਾਇਆ ਕਿ ਹਸਪਤਾਲ ਪ੍ਰਸ਼ਾਸਨ ਦੇ ਸਾਰੇ ਵੱਡੇ ਅਧਿਕਾਰੀਆਂ ਤੋਂ ਗੁਹਾਰ ਲਗਾਈ ਗਈ, ਪਰ ਸਾਰਿਆਂ ਨੇ ਕੋਈ ਮਦਦ ਨਹੀਂ ਕੀਤੀ ਗਈ। ਅਮਿਤ ਸ਼ੈਣੀ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਦਾ ਇਲਾਜ਼ ਕਰਨ ਵਾਲੇ ਡਾਕਟਰ ਨੇ ਇਕ ਦਸੰਬਰ ਨੂੰ ਛੁੱਟੀ ਕਰ ਦਿਤੀ ਸੀ। ਵਾਰਡ ਦੇ ਬਾਹਰ ਵੀ ਉਨ੍ਹਾਂ ਦੇ  ਪਿਤਾ ਦੇ ਨਾਮ ਦੇ ਸਾਹਮਣੇ ਡਿਸਚਾਰਜ ਲਿਖਿਆ ਗਿਆ ਹੈ।

ਪਰ ਹਸਪਤਾਲ ਦਾ ਪ੍ਰਸ਼ਾਸਨ ਛੁੱਟੀ ਨਹੀਂ ਦੇ ਰਿਹਾ ਹੈ। ਹਸਪਤਾਲ ਦੇ ਬਿਲਿੰਗ ਵਿਭਾਗ ਦਾ ਕਹਿਣਾ ਹੈ ਕਿ ਜਦੋਂ ਤੱਕ ਬਿੱਲ ਦਾ ਭੁਗਤਾਨ ਨਹੀਂ ਹੋਵੇਗਾ, ਉਦੋਂ ਤੱਕ ਉਨ੍ਹਾਂ ਦੇ  ਪਿਤਾ ਨੂੰ ਛੁੱਟੀ ਨਹੀਂ ਮਿਲੇਗੀ। ਇਸ ਲਈ ਹੁਣ ਉਨ੍ਹਾਂ ਨੇ ਮੁੱਖ ਮੰਤਰੀ ਅਤੇ ਮਨੁੱਖ ਅਧਿਕਾਰ ਕਮਿਸ਼ਨ ਵਿਚ ਗੁਹਾਰ ਲਗਾਈ ਹੈ।