ਲਖਨਊ: ਸਾਲ 2002 ਵਿਚ ਰਾਸ਼ਟਰੀ ਸੁਰੱਖਿਆ ਕਨੂੰਨ (ਰਾਸੁਕਾ)  ਦੇ ਤਹਿਤ ਗੋਰਖਪੁਰ ਦੇ ਉਸ ਸਮੇਂ ਦੇ ਸੰਸਦ ਯੋਗੀ ਆਦਿਤਿਆਨਾਥ ਨੂੰ ਗਿ੍ਫਤਾਰ ਕਰਨ ਵਾਲੇ ਆਈਪੀਐਸ ਅਧਿਕਾਰੀ ਨੂੰ ਉੱਤਰ ਪ੍ਦੇਸ਼ ਸਰਕਾਰ ਨੇ ਮੁਅੱਤਲ ਕਰ ਦਿੱਤਾ ਹੈ। ਅਧਿਕਾਰੀ ਨੇ ਕੁਝ ਦਿਨ ਪਹਿਲਾਂ ਇੱਕ ਅੰਗਰੇਜ਼ੀ ਵੈਬਸਾਈਟ ਨੂੰ ਦੱਸਿਆ ਸੀ ਕਿ ਯੋਗੀ ਆਦਿਤਿਆਨਾਥ ਨੂੰ ਗਿ੍ਫਤਾਰ ਕਰਨ ਤੇ  ਕਿਸ ਤਰਾ੍ਹ੍ਂ ਉਹਨਾਂ ਨੂੰ ਦਬਾਇਆ ਜਾ ਰਿਹਾ ਹੈ।

ਰਿਪੋਰਟ ਮੁਤਾਬਕ ਉੱਤਰ ਪ੍ਦੇਸ਼ ਪੁਲਿਸ ਦੇ ਬੁਲਾਰੇ ਆਰਕੇ ਗੌਤਮ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ 1992 ਕੈਡਰ ਦੇ ਆਈਪੀਐਸ ਅਧਿਕਾਰੀ ਜਸਵੀਰ ਸਿੰਘ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਹਾਲਾਂਕਿ ਗੌਤਮ ਨੇ ਇਹ ਨਹੀਂ ਦੱਸਿਆ ਕਿ ਜਸਵੀਰ ਸਿੰਘ ਦੇ ਵਿਰੁੱਧ ਕਿਸ ਆਧਾਰ 'ਤੇ ਇਹ ਕਾਰਵਾਈ ਕੀਤੀ ਗਈ ਹੈ। ਉੱਤਰ ਪ੍ਦੇਸ਼ ਦੀ ਪੁਲਿਸ ਵੈਬਸਾਈਟ ਦੇ ਮੁਤਾਬਕ ਜਸਵੀਰ ਸਿੰਘ ਡਾਇਰੈਕਟਰ ਜਰਨਲ ਆਫ ਪੁਲਿਸ (ਰੂਲਸ ਐਂਡ ਮੈਨੁਅਲ) ਆਹੁਦੇ 'ਤੇ ਤੈਨਾਤ ਸਨ।  ਉਹਨਾਂ ਨੂੰ 14 ਫਰਵਰੀ ਨੂੰ ਮੁਅੱਤਲ ਕੀਤਾ ਗਿਆ।

ਪ੍ਮੁੱਖ ਗ੍ਹਿ ਸਕੱਤਰ ਅਰਵਿੰਦ ਕੁਮਾਰ ਨੇ ਦੱਸਿਆ ਕਿ ਇੰਟਰਵਿਊ ਵਿਚ ਵਿਵਾਦਤ ਬਿਆਨ ਦੇਣ ਅਤੇ ਚਾਰ ਫਰਵਰੀ ਤੋਂ ਡਿਊਟੀ ਤੋਂ ਅਣਆਧਿਕਾਰਤ ਰੂਪ ਤੋਂ ਗੈਰਹਾਜ਼ਰ ਰਹਿਣ ਕਰਕੇ ਇਹ ਕਾਰਵਾਈ ਕੀਤੀ ਗਈ ਹੈ। ਮਹਿਰਾਜਗੰਜ ਦੇ ਐਸਪੀ ਰਹੇ ਜਸਵੀਰ ਸਿੰਘ ਨੇ ਮੌਜੂਦਾ ਮੁੱਖ ਮੰਤਰੀ ਅਤੇ ਗੋਰਖਪੁਰ ਦੇ ਸਾਬਕਾ ਸੰਸਦ ਯੋਗੀ ਆਦਿਤਿਆਨਾਥ ਨੂੰ ਰਾਸੁਕਾ ਦੇ ਤਹਿਤ ਗਿ੍ਫਤਾਰ ਕੀਤਾ ਸੀ।