Ramgopal Yadav of Samajvadi Party

ਨਵੀਂ ਦਿੱਲੀ: ਚੁਣਾਵੀ ਮਾਹੌਲ ਵਿਚ ਪੁਲਵਾਮਾ ਹਮਲੇ ਦਾ ਮੁੱਦਾ ਇਕ ਵਾਰ ਚਰਚਾ ਵਿਚ ਆ ਗਿਆ ਹੈ। ਸਮਾਜਵਾਦੀ ਪਾਰਟੀ ਦੇ ਰਾਸ਼ਟਰੀ ਜਰਨਲ ਸਕੱਤਰ ਰਾਮਗੋਪਾਲ ਯਾਦਵ ਨੇ ਸੀਆਰਪੀਐਫ ਜਵਾਨਾਂ ਦੇ ਕਾਫਲੇ ਤੇ ਹੋਏ ਅਤਿਵਾਦੀ ਹਮਲੇ ਨੂੰ ਸਾਜਿਸ਼ ਦੱਸਦੇ ਹੋਏ ਮੌਜੂਦਾ ਸਰਕਾਰ ਨੂੰ ਘੇਰਿਆ ਹੈ ਅਤੇ ਕਿਹਾ ਕਿ ਵੋਟਾਂ ਲਈ ਜਵਾਨਾਂ ਨੂੰ ਮਾਰ ਦਿੱਤਾ ਗਿਆ।

ਉਹਨਾਂ ਨੇ ਇਹ ਵੀ ਕਿਹਾ ਕਿ, "ਜਦੋਂ ਸਰਕਾਰ ਬਦਲੇਗੀ ਤਾਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾਵੇਗੀ ਤੇ ਉਸ ਸਮੇਂ ਵੱਡੇ ਵੱਡੇ ਲੋਕ ਇਸ ਵਿਚ ਫਸਣਗੇ। ਹੋਲੀ ਮਿਲਣ ਪ੍ਰੋਗਰਾਮ ਦੌਰਾਨ ਸਮਾਜਵਾਦੀ ਪਾਰਟੀ ਦੇ ਨੇਤਾ ਨੇ ਕਿਹਾ, ਪੈਰਾਮਿਲਟਰੀ ਫੋਰਸ ਸਰਕਾਰ ਤੋਂ ਦੁੱਖੀ ਹੈ। ਵੋਟ ਲਈ ਜਵਾਨ ਮਾਰ ਦਿੱਤੇ ਗਏ। ਜੰਮੂ ਕਸ਼ਮੀਰ ਵਿਚ ਚੈਕਿੰਗ ਨਹੀਂ ਕੀਤੀ ਸੀ। ਜਵਾਨਾਂ ਨੂੰ ਸਾਦੀ ਬੱਸ ਵਿਚ ਭੇਜਿਆ ਗਿਆ, ਇਹ ਸਾਜਿਸ਼ ਸੀ।"

ਇਸ ਤੋਂ ਅੱਗੇ ਉਹਨਾਂ ਨੇ ਕਿਹਾ ਕਿ, "ਸਾਜਿਸ਼ ਦੇ ਬਾਰੇ ਹੁਣ ਕੁਝ ਨਹੀਂ ਕਰਨਾ ਚਾਹੁੰਦੇ ਪਰ ਜਦੋਂ ਸਰਕਾਰ ਬਦਲੇਗੀ ਇਸ ਮਾਮਲੇ ਦੀ ਜਾਂਚ ਹੋਵੇਗੀ ਅਤੇ ਵੱਡੇ ਵੱਡੇ ਲੋਕ ਫਸਣਗੇ। ਰਾਮਗੋਪਾਲ ਯਾਦਵ ਤੋਂ ਪਹਿਲਾਂ ਪੱਛਮ ਬੰਗਾਲ ਵੱਲੋਂ ਵੀ ਮੋਦੀ ਸਰਕਾਰ ਦੇ ਖਿਲਾਫ ਅਜਿਹੀ ਆਵਾਜ਼ ਉਠ ਸਕਦੀ ਹੈ। ਪੱਛਮ ਬੰਗਾਲ ਦੀ ਮੁੱਖ ਮੰਤਰੀ ਨੇ ਕੇਂਦਰ ਸਰਕਾਰ ਤੇ ਸ਼ਹੀਦ ਜਵਾਨਾਂ ਦੇ ਖੂਨ ਨਾਲ ਰਾਜਨੀਤੀ.....

.....ਕਰਨ ਦਾ ਆਰੋਪ ਲਗਾਉਂਦੇ ਹੋਏ ਕਿਹਾ ਸੀ ਕਿ, "ਸਰਕਾਰ ਨੂੰ ਪੁਲਵਾਮਾ ਹਮਲੇ ਦੇ ਬਾਰੇ ਪਹਿਲਾਂ ਤੋਂ ਜਾਣਕਾਰੀ ਸੀ ਪਰ ਫਿਰ ਵੀ ਜਵਾਨਾਂ ਨੂੰ ਹਵਾਈ ਜਹਾਜ਼ ਰਾਹੀਂ ਨਹੀਂ ਭੇਜਿਆ ਗਿਆ। ਮਮਤਾ ਦੇ ਉਸ ਗੰਭੀਰ ਆਰੋਪ ਤੋਂ ਬਾਅਦ ਹੁਣ ਰਾਮਗੋਪਾਲ ਯਾਦਵ ਨੇ ਕਿਹਾ ਕਿ ਮਈ ਵਿਚ ਜਦੋਂ ਸਰਕਾਰ ਬਦਲੇਗੀ ਤਾਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾਵੇਗੀ ਅਤੇ ਇਸ ਮਾਮਲੇ ਵਿਚ ਵੱਡੇ ਵੱਡੇ ਲੋਕ ਫਸਣਗੇ।"