Ashwagandha may play a vital role in treatment of coronavirus says iit delhi

ਨਵੀਂ ਦਿੱਲੀ: ਆਯੁਰਵੈਦ (Ayurveda) ਵਿਚ ਹਰ ਛੋਟੀ ਤੋਂ ਛੋਟੀ ਅਤੇ ਵੱਡੀ ਤੋਂ ਵੱਡੀ ਬਿਮਾਰੀ ਦਾ ਇਲਾਜ ਹੈ। ਕੈਂਸਰ ਤੋਂ ਲੈ ਕੇ ਸਰਜਰੀ ਤਕ ਆਯੁਰਵੈਦ ਨੇ ਅਪਣਾ ਅਸਰ ਦਿਖਾਇਆ ਹੈ। ਕੋਰੋਨਾ ਵਰਗੀ ਮਹਾਂਮਾਰੀ ਵਿਚ ਜਿੱਥੇ ਹੁਣ ਤਕ ਕੋਈ ਸਟੀਕ ਇਲਾਜ ਨਹੀਂ ਮਿਲ ਸਕਿਆ ਅਜਿਹੇ ਵਿਚ ਆਯੁਰਵੈਦ ਦਾ ਸਹਾਰਾ ਲਿਆ ਜਾ ਰਿਹਾ ਹੈ।

ਭਾਰਤ ਦੀ ਇਸ ਪ੍ਰਾਚੀਨ ਮੈਡੀਕਲ ਪ੍ਰਣਾਲੀ ਦੇ ਸਹਾਰੇ ਕੋਰੋਨਾ ਦਾ ਇਲਾਜ ਸੰਭਵ ਹੋ ਸਕਦਾ ਹੈ। ਇਹ ਗੱਲ ਅਸੀਂ ਨਹੀਂ ਬਲਕਿ ਇਹ ਦਾਅਵਾ ਹੈ ਆਈਆਈਟੀ ਦਿੱਲੀ ਅਤੇ ਜਾਪਾਨ ਦੇ ਵਿਗਿਆਨੀਆਂ ਦਾ। ਆਈਆਈਟੀ ਦਿੱਲੀ ਅਤੇ ਜਾਪਾਨ ਦੇ ਨੈਸ਼ਨਲ ਇੰਸਟੀਚਿਊਟ ਆਫ ਐਡਵਾਂਸਡ ਇੰਡਸਟ੍ਰੀਅਲ ਸਾਇੰਸ ਐਂਡ ਟੈਕਨੋਲਾਜੀ ਰਾਹੀਂ ਕੀਤੀ ਗਈ ਰਿਸਰਚ ਵਿਚ ਪਾਇਆ ਗਿਆ ਹੈ ਕਿ ਅਸ਼ਵਗੰਧਾ ਅਤੇ ਪ੍ਰੋਪੋਲਿਸ ਯਾਨੀ ਸ਼ਹਿਤ ਦੀ ਮੱਖੀ ਤੋਂ ਇਕੱਠੀ ਕੀਤੀ ਗੂੰਦ ਵਿਚ ਅਜਿਹੇ ਤੱਤ ਹਨ ਜਿਹਨਾਂ ਦੀ ਮਦਦ ਨਾਲ ਕੋਰੋਨਾ ਦਾ ਇਲਾਜ ਸੰਭਵ ਹੈ।

ਅਸ਼ਵਗੰਧਾ ਵਿਚ ਪਾਏ ਜਾਣ ਵਾਲੇ ਵਿਥਾਨੋਨ ਕੰਪਾਉਂਡ ਅਤੇ ਪ੍ਰਪੋਲਿਸ ਵਿਚ ਮੌਜੂਦ ਕੈਫੀਫ ਐਸਿਡ ਫਿਨੋਥਾਈਲ ਈਸਟਰ ਵਿਚ SARS-CoV-2 ਵਿਚ ਮੌਜੂਦ Mpro ਇੰਜਾਇਮ ਦੀਆਂ ਗਤੀਵਿਧੀਆਂ ਨੂੰ ਰੋਕਣ ਦੀ ਸਮਰੱਥਾ ਹੈ। ਰਿਸਰਚ ਟੀਮ ਮੁਤਾਬਕ ਅਸ਼ਵਗੰਧਾ ਅਤੇ ਪ੍ਰੋਪੋਲਿਸ ਦਾ ਇਸਤੇਮਾਲ ਨਾ ਸਿਰਫ ਥੇਰੇਪੀ ਲਈ ਬਲਕਿ ਵਾਇਰਸ ਨੂੰ ਰੋਕਣ ਵਿਚ ਵੀ ਕਾਰਗਰ ਸਾਬਿਤ ਹੋਵੇਗਾ।

ਆਈਆਈਟੀ ਦਿੱਲੀ ਦੇ ਬਾਇਓਕੈਮੀਕਲ ਇੰਜੀਨੀਅਰਿੰਗ ਡਿਪਾਰਟਮੈਂਟ ਦੇ ਹੈਡ ਪ੍ਰੋਫੈਸਰ ਸੁੰਦਰ ਦਾ ਕਹਿਣਾ ਹੈ ਕਿ ਭਾਰਤ ਵਿਚ ਆਯੁਰਵੈਦ ਦਾ ਇਸਤੇਮਾਲ ਹਜ਼ਾਰਾਂ ਸਾਲਾਂ ਤੋਂ ਚਲਦਾ ਆ ਰਿਹਾ ਹੈ। ਆਈਆਈਟੀ ਦਿੱਲੀ ਅਤੇ ਏਆਈਐਸਟੀ ਦੇ ਵਿਗਿਆਨੀ ਇਕ ਦਹਾਕੇ ਤੋਂ ਆਧੁਨਿਕ ਤਕਨੀਕ ਨਾਲ ਮਿਲ ਕੇ ਆਯੁਰਵੈਦ ਦੇ ਪਾਰੰਪਰਿਕ ਗਿਆਨ ਅਤੇ ਪ੍ਰਚੀਨ ਮੈਡੀਕਲ ਤੇ ਕੰਮ ਕਰ ਰਹੇ ਹਨ।

ਭਾਰਤ ਵਿਚ ਅਸ਼ਵਗੰਧਾ ਸਮੇਤ ਕਈ ਆਯੁਰਵੈਦਿਕ ਦਵਾਈਆਂ ਤੇ ਕਲੀਨੀਕਲ ਟ੍ਰਾਇਲ ਕੀਤਾ ਜਾ ਰਿਹਾ ਹੈ। ਹਾਲ ਹੀ ਵਿਚ ਭਾਰਤ ਸਰਕਾਰ ਨੇ ਆਯੁਸ਼ ਵਿਭਾਗ, ਸਿਹਤ ਅਤੇ ਪਰਿਵਾਰ ਕਲਿਆਣ ਵਿਭਾਗ, ਯੂਨੀਵਰਸਿਟੀ ਗ੍ਰਾਂਟਸ ਕਮਿਸ਼ਨ ਅਤੇ ਆਈਸੀਐਮਆਰ ਦੀ ਮਦਦ ਨਾਲ ਅਸ਼ਵਗੰਧਾ ਤੇ ਕਲੀਨੀਕਲ ਟ੍ਰਾਇਲ ਦੀ ਸ਼ੁਰੂਆਤ ਕੀਤੀ ਹੈ।

ਆਯੁਰਵੈਦ ਦੀ ਮਦਦ ਨਾਲ ਜੇ ਕੋਰੋਨਾ ਦੇ ਇਲਾਜ ਦਾ ਇਹ ਟ੍ਰਾਇਲ ਇਨਸਾਨਾਂ ਤੇ ਸਫ਼ਲ ਹੁੰਦਾ ਹੈ ਤਾਂ ਭਾਰਤ ਅਤੇ ਦੁਨੀਆ ਦੇ ਸਾਰੇ ਦੇਸ਼ਾਂ ਲਈ ਇਸ ਮਹਾਂਮਾਰੀ ਦੇ ਸਮੇਂ ਵਿਚ ਵਰਦਾਨ ਸਾਬਿਤ ਹੋ ਸਕਦੀ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ  ਲਾਈਕ Twitter  ਤੇ follow  ਕਰੋ।