ਚੰਡੀਗੜ੍ਹ (ਭਾਸ਼ਾ) : ਜੇਕਰ ਤੁਸੀਂ ਇਕ ਲੱਖ ਡਾਲਰ ਯਾਨੀ ਤਕਰੀਬਨ 71.82 ਲੱਖ ਰੁਪਏ ਦਾ ਇਨਾਮ ਜਿੱਤਣਾਂ ਚਾਹੁੰਦੇ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਹੈ।ਜੀ ਕਿਉਂਕਿ ਇੱਕ ਸਕੀਮ ਆਈ ਹੈ ਜਿਸ ਰਾਹੀ ਇਕ - ਦੋ ਹਫਤੇ ਨਹੀਂ, ਪੂਰੇ ਇਕ ਸਾਲ ਤੱਕ ਬਿਨਾਂ ਫੋਨ ਦੇ ਰਹਿਣ ਵਾਲੇ ਵਿਅਕਤੀ ਨੂੰ ਇਹ ਇਨਾਮ ਮਿਲੇਗਾ।ਇਸ ਦੌਰਾਨ ਕਿਸੇ ਦੇ ਸਮਾਰਟਫੋਨ ਨੂੰ ਮੰਗਣਾਂ ਵੀ ਨਹੀਂ ਹੋਵੇਗਾ।ਪੂਰੇ ਸਾਲ ਇਸ ਚਣੌਤੀ ਉੱਤੇ ਖਰਾ ਉਤਰਨਾ ਹੋਵੇਗਾ।ਹੁਣ ਤੁਸੀਂ ਸੋਚ ਰਹੇ ਹੋਵੋਂਗੇ ਕਿ ਇਸ ਬਾਰੇ ਪਤਾ ਕਿਵੇਂ ਲਗੇਗਾ ਕਿ ਕਿਸੇ ਨੇ ਸਮਾਰਟਫੋਨ ਵਰਤਿਆ ਜਾ ਨਹੀਂ।

ਤਾਂ ਤੁਹਾਨੂੰ ਦੱਸ ਦਈਏ ਕਿ ਇਕ ਸਾਲ ਪੂਰਾ ਹੋਣ ਤੋਂ ਬਾਅਦ ਮੁਕਾਬਲੇ ‘ਚ ਹਿੱਸਾ ਲੈਣ ਵਾਲੇ ਆਦਮੀ ਦਾ ਲਾਈ - ਡੀਟੈਕਟਰ ਟੈਸਟ ਹੋਵੇਗਾ।ਇਹ ਸਭ ਪੜਾਅ ਪੂਰੇ ਕਰਨ ਤੋਂ ਬਾਅਦ ਸਬੰਧਿਤ ਵਿਅਕਤੀ ਨੂੰ ਇਨਾਮ ਮਿਲੇਗਾ। ਇਕ ਰਿਪੋਰਟ ਮੁਤਾਬਕ ਇਕ ਨਿਜੀ ਕੰਪਨੀ ਵਿਟਾਮਿਨਵਾਟਰ ਵਲੋਂ ਇਹ ਮੁਕਾਬਲਾ ਆਯੋਜਿਤ ਕੀਤਾ ਜਾ ਰਿਹਾ ਹੈ। 8 ਜਨਵਰੀ ਤੱਕ ਇਸ ਮੁਕਾਬਲੇ ‘ਚ ਹਿੱਸਾ ਲਿਆ ਜਾ ਸਕਦਾ ਹੈ। ਹਿੱਸਾ ਲੈਣ ਵਾਲੇ ਆਦਮੀ ਨੂੰ ਹੈਸ਼ਟੈਗਨੋਫੋਨਫਾਰਈਅਰ ਜਾਂ ਹੈਸ਼ਟੈਗਕਾਂਟੈਸਟ ਦੇ ਨਾਲ ਟਵਿੱਟਰ ਜਾਂ ਇੰਸਟਾਗਰਾਮ 'ਤੇ ਅਪਣੀ ਇਕ ਫੋਟੋ ਪਾਉਣੀ ਹੋਵੇਗੀ।

ਇਸ ਦੇ ਨਾਲ ਇਹ ਲਿਖਣਾ ਹੋਵੇਗਾ ਕਿ ਉਹ ਇਕ ਸਮਾਰਟਫੋਨ ਤੋਂ ਬਿਨਾਂ ਕਿਉਂ ਰਹਿਣਾ ਚਾਹੁੰਦਾ ਹੈ? ਪ੍ਰਤੀਯੋਗੀ ਦੀਆਂ ਮੁਸ਼ਕਲਾਂ ਨੂੰ ਸਮਝਦੇ ਹੋਏ ਕੰਪਨੀ ਦੇ ਵੱਲੋਂ ਨੋਕੀਆ ਦਾ ਇਕ 3310 ਫੋਨ ਵੀ ਦਿਤਾ ਜਾਵੇਗਾ। ਪ੍ਰਤੀਯੋਗੀ ਪੂਰੀ ਦੁਨੀਆਂ ਤੋਂ ਕਿਤੇ ਕਟ ਨਾ ਜਾਣ, ਇਸ ਗੱਲ ਨੂੰ ਧਿਆਨ ’ਚ ਰੱਖਦੇ ਹੋਏ ਕੰਪਨੀ ਇਕ ਰਾਹਤ ਵੀ ਦੇ ਰਹੀ ਹੈ।ਇਕ ਖਾਸ ਗੱਲ ਹੋਰ ਹੈ ਕਿ ਮੁਕਾਬਲੇ ਵਿਚ ਪ੍ਰਤੀਯੋਗੀ ਕਰਨ ਤੋਂ ਬਾਅਦ ਜੇਕਰ ਪ੍ਰਤੀਯੋਗੀ ਛੇ ਮਹੀਨੇ ਵੀ ਪੂਰੀ ਸੱਚਾਈ ਦੇ ਨਾਲ ਸਮਾਰਟਫੋਨ ਤੋਂ ਬਿਨਾਂ ਰਹਿ ਸਕੇਗਾ ਤਾਂ ਉਸ ਨੂੰ 10 ਹਜ਼ਾਰ ਡਾਲਰ ਇਨਾਮ ਮਿਲੇਗਾ।

ਮੁਕਾਬਲਾ ਥੋੜ੍ਹਾ ਮੁਸ਼ਕਲ ਹੈ ਪਰ ਤੁਹਾਨੂੰ ਸਮਾਰਟ ਡਿਵਾਈਸ ਤੋਂ ਬਿਨਾਂ ਰਹਿਣਾ ਸਿਖਾ ਦੇਵੇਗਾ, ਜੋ ਕਿ ਤੁਹਾਡੀ ਜਿੰਦਗੀ ‘ਚ ਵੱਡੀ ਰਾਹਤ ਦੀ ਚੀਜ ਹੋਵੇਗੀ।